Hirimyas 45:1 - Hanunuu

¹ Katpung ikap-at pag timpu kay maghari ni Hihuyakim kay anak ni Hari Husyas sa Huda, isinurat ni Baruk ti manga sinabi ni Purupita Hirimyas sa kanya.

Hirimyas 45:1 Iomraidhean Croise

2 Hari 24:1

Katpung udas maghari si Hihuyakim, ginira ni Hari Nabukudunusur taga Babilunya ti Huda ag sinakup niya si Hihuyakim sa sulud tulu ka timpu. Dapat pagka sa uryan naglaban si Hihuyakim sa kan Nabukudunusur.

2 Krunika 36:5

Si Hihuyakim 25 ka timpu kay idad pagka naghari. Sa Hirusalim siya pag nangulian, ag naghari siya sa sulud 11 ka timpu. Daut kay binwat sa magbantay Panginuun niya Diyus.

Hirimyas 25:1

Inda pag tultulanun para sa manga taga Huda. Ipinakaun Panginuun sa kan Hirimyas katpung ikap-at pag timpu kay maghari ni Hihuyakim kay anak ni Hari Husyas sa Huda. Inda ti un-an timpu kay maghari ni Nabukudunusur sa Babilunya.

Hirimyas 26:1

Katpung umpisa maghari si Hihuyakim kay anak ni Hari Usyas sa Huda, magkun sa kangku ti Panginuun, “Pagtindug kawu sa sugkadan Balay Diyus, bag-u sabihun nimu sa tanan nasakupan banwa Huda linmuwang hampay mansamba sa Balay Diyus ti tanan pag-isugu niku sa kanmu. Danga gid nimu inda pagbawasi.

Hirimyas 32:12

Ag ipinakaun niku inda sa kan Baruk kay anak ni Niryas kay laki ni Masiya, sa atubangan ni Hanamil ag manga kastigus nagpirma sa inda pag manga kasuratan, ag sa atubangan tanan manga Hudiyu matukawan sa punduhan manga guwardiya.

Hirimyas 32:16

Pagkanatapus nipakaun niku ti kasuratan sa kan Baruk kay anak ni Niryas, nagdarangin aku.

Hirimyas 36:1

Katpung ikap-at pag timpu kay maghari ni Hihuyakim kay anak ni Hari Husyas sa Huda, magkun ti Panginuun sa kan Hirimyas,

Hirimyas 36:2

“Pagbuul kawu masuratan ag isurat nimu ti tanan niku sabihun sa kanmu tungkul sa Israil, Huda ag sa tanan nasyun. Isurat nimu ti tanan sabihun niku, ginan sa un-an kawu niku hampangun sa udas ni Hari Husyas tugka taynguna.

Hirimyas 36:26

Bagkus ngap, sinugu niya sida ni Hiramiil kanya pag anak, si Siraya kay anak ni Asriyil, ag si Silimya kay anak ni Abdil kuntay dakpa sida ni Baruk ti manugsurat ag si Purupita Hirimyas. Dapat ay itinagu sida Panginuun.

Hirimyas 36:32

Nakan utru nam-ul si Hirimyas malulunan pag sururatan bag-u ipinakaun sa kan Baruk, ag isinurat ni Baruk ti tanan binagaw ni Hirimyas, parihu sa binuwat niya sa un-an pag malulunan kasuratan ti sinunug ni Hari Hihuyakim sa Huda. Dapat may manga idinugang si Hirimyas sa inda pag kasuratan harus parihu sa un-an isinurat.

Hirimyas 36:4

Nakan ipinatawag ni Hirimyas si Baruk kay anak ni Niryas ag itinultul sa kanya ti tanan sinabi Panginuun bag-u isinurat waydi ni Baruk sa malulunan pag sururatan.

Hirimyas 45:2

Magkun si Hirimyas, “Baruk, inda ti sinabi sa kanmu Panginuun, ti Diyus Israil:

Hirimyas 46:2

Inda ti ipinadakit laban sa manga sundalu ni Hari Niku hari sa Ihiptu: Tinalu sida ni Hari Nabukudunusur sa Babilunya ati sa Karkimis arani sa Sapa Iyupratis, kaybi sa ikap-at pag timpu sa kay maghari ni Hihuyakim kay anak ni Hari Husyas sa Huda:

Hirimyas 51:59

Inda ti sinabi ni Hirimyas sa kan Siraya usa sa pinakaabwat pag pinunu ni Hari Sidikyas. Si Siraya kay anak ni Niryas kay laki ni Masiya. Magkun si Hirimyas inda pag tultulanun katpung nag-ati si Siraya sa Babilunya kaibahan ni Hari Sidikyas. Ikap-at pag timpu ati katpung sa kay maghari ni Sidikyas sa Huda.

Danyil 1:1

Sa ikatlu pag timpu sa kay maghari ni Hihuyakim sa Huda, ginira ni Hari Nabukudunusur taga Babilunya hanggan niya manga sundalu ti Hirusalim.