Hirimyas 44:7 - Hanunuu

⁷ “Nakan aku, ti Panginuun Diyus Makamaskihan, ti Diyus Israil magpaingana, ‘Hayga niyu pagdautun kanyu sadili? Gustu aw niyu maruris ti manga tawu sa Huda — ti manga lalaki, ti babayi, ti anak hanggan manga lapsag?

Hirimyas 44:7 Iomraidhean Croise

Kabagawan 1:18

Alam manuk masduk siya, dapat tunda pag daut manga tawu unman nida alam kuntay sida ngapu ti masduk sa kanda magsuduk sa iba. Mag-alagad sida kanda maratyun dapat sida ngapu ti mamatay.

Kabagawan 15:32

Pag-ipadamhak tawu kay sadili nu unman niya pagpatingihan ti pagtamyaw sa kay ugali, dapat nu magpatingi siya, magkaimaw siya pan-intindi.

Kabagawan 5:22

Ti buruwatun daut pag tawu imaw diman waydi ti sumuduk mismu kay sadili.

Kabagawan 8:36

Dapat ti tawu unman maghanap sa kangku, pag-ipadamhak lang niya kay sadili. Ti manga magkagalit sa kangku magkaibug sa kamatayan.”

Hirimyas 25:6

Danga kamu magsamba ag magsirbi sa manga diyus-diyusan, ag danga aku paggalita sa panab-anan diyus-diyusan binuwat lang niyu, hampay balaw kamu kang parusahan.”

Hirimyas 25:7

Dapat unman kamu namatingi sa Panginuun. Lalu waya niyu siya ginalit sa panab-anan manga binuwat niyu diyus-diyusan. Nakan kamu diman ti nagdara parusa sa kanyu sadili.

Hirimyas 26:19

Minatay aw siya ni Isikyas aw ngatay una si unu ati sa Huda? Unman! Bagkus ngap, nadala si Isikyas sa Panginuun ag nagpakarani siya sa kanya. Nakan balaw ipinatarus Panginuun ti pagsabihun niya pag kadamhakan laban sa kanda. Nakan nu matyun niyu si Hirimyas, kamu diman waydi ti pumarusa sa kanyu sadili.”

Hirimyas 3:24

Ginan waya sa kanmi pag kaanak, ti manga makakaray-a pag diyus-diyusan imaw ti namakinabang sa manga binudlayan nimi manga kaumputan. Bin-ul kanda manga hayup hanggan kanda manga anak.

Hirimyas 38:17

Magkun si Hirimyas sa kan Sidikyas, “Inda ti pagsabihun Panginuun Diyus Makamaskihan, ti Diyus Israil, ‘Nu umampu duy kawu sa manga takinan hari Babilunya, maribri duy kanmu buhi ag balaw nida irubun inda pag banwa. Kawu duy hanggan kanmu magtal-anakan mabuhi di.

Hirimyas 42:20

Balaw mayad ti binuwat niyu. Hinagad niyu sa kangku kuntay pumakarani sa Panginuun sa kanyu Diyus ag mandarangin para sa kanyu bag-u magsabi buwatun niyu ti tanan sabihun niya.

Hirimyas 44:14

Magkaramatay kamu tanan, kamu pag manga nasawad buhi sa Huda ag nangulian atay sa Ihiptu. Balaw yi kamu makabalik sa Huda una gustu niyu mamalik ag mangulian ati. Unman may makabalik sa kanyu purya sa pira-pira lang ti makapalagiw.”

Hirimyas 44:8

Hayga niyu aku pag pagpagalitun sa pagbuwat niyu manga diyus-diyusan? Magsunug waya kamu manga kamangyan para siyun atay sa Ihiptu nu naan kamu taynguna pag mag-uli. Ipagpadamhak niyu kanyu sadili ag pagbuwatun niyu mayagting ag makakaray-a sa tanan pag nasyun sa kalibutan.

Hirimyas 51:22

Sa panab-anan nimu, rurisun niku ti manga lalaki ag babayi, gurangun hanggan ti anak, ag ti manga kan-akan ag daraga.

Hirimyas 7:19

Dapat aku aw ngani ti kanda pagsaktan? Bukun! Kanda di waydi sadili ti pagsaktan ag ti pag-ipauli sa makakaray-a.”

Hirimyas 9:21

Rinmas-ug ti kamatayan sa kanta magtal-anakan hanggan sa mapag-un pag bahagi nita banwa. Minatay ti manga anak magbuybuya sa manga baklayan hanggan ti manga kalay-awan lalaki magtiripnan sa manga buruybuyahan.

Karukuan 2:11

Nagkarabaga kang manga mata sa lumi. Masakit kang mag-asaydan. Ga mabka kang dubdub dahil sa kadamhakan niku kasimanwa. Nagkaralipung sa manga karsada banwa ti manga anak hanggan ti manga lapsag.

Karukuan 2:22

Binan-awan nimu ti kalaban sa pagsalakay sa kang sangput bilang nagban-aw lang karan-an. Sa sirang ipinakakit nimu kanmu pangagalit, unman gid may nakapalagiw ngatay nabuhi. Pinanmatay niku kalaban kang manga anak pag-alagaan ag pinadaka.

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Isikil 9:6

Panmatya niyu ti manga gurangun, ti manga kalay-awan lalaki ag manga babayi, ti manga ina, ag ti manga anak, dapat danga paglabuta ti may manga marka. Pag-umpisa kamu sa kang Balay.” Nakan inuna nida pinanmatay ti manga paggurangunun ati sa atubangan Balay Diyus.

Habakuk 2:10

Dahil sa kanyu pagmatay sa mayamu pag manga tawu, kamu matyun diman hanggan kanyu manga balay wayakun.

Bilang 16:38

sa inda pag sukadan ginan sa manga tawu nagkaramatay dahil sa kanda manga kasalanan. Bag-u ipapilpig ti manga sukadan tugka sa man-nipis ag ihaklup sa harandugan dahil ihinandug inda sa Panginuun ag banal inda. Inda pag panhaklup sa harandugan usa ka paandam sa manga Israilita.”

Diyuturunumiyu 32:25

Sa luwas nida balay mayamu ti magkaramatay sa irisgan, ag sa sulud humari ti dala. Magkaramatay ti manga gurangun, ti manga kalay-awan, hanggan ti manga anak.

Huswi 6:21

Isinagda nida buu sa Panginuun ti banwa sa panab-anan pagmatay sa manga lalaki ag babayi, gurangun ag anak, hanggan manga baka, karanidu ag manga asnu.

1 Samwil 15:3

Nakan taynguna, giraha niyu ti manga Amalikita. Rurisa niyu lubus ti tanan ati. Matyun niyu sida tanan, manga lalaki, babayi, anak ag manga lapsag, hanggan yi kanda manga baka, karanidu, kambing, kamilyu ag manga asnu.’ ”

1 Samwil 22:19

Ipinamatay diman ni Saul ti tanan mag-ulian sa Nub, ti banwa manga manughandug: ti manga lalaki, manga babayi, manga kalay-awan, manga lapsag, manga baka, manga asnu, manga karanidu, hanggan ti manga kambing.