Hirimyas 44:30 - Hanunuu

³⁰ Ipakaun niku si Hari Hupra, ti hari Ihiptu sa manga kalaban niya gustu mumatay sa kanya parihu sa binuwat niku sa kan Sidikyas sa Huda sa kalaban niya si Hari Nabukudunusur sa Babilunya ti may gustu diman mumatay sa kanya. Aku, ti Panginuun, ti magsabi inda.’ ”

Hirimyas 44:30 Iomraidhean Croise

Hirimyas 27:7

Ti tanan nasyun sumirbi sa kanya, sa kay anak, hanggan sa kay laki tugka sa marangga ti kaharian Babilunya. Bag-u ti Babilunya maan ti sumirbi sa mayamu pag nasyun hanggan sa manga makapangyarihan pag hari.

Hirimyas 34:21

“Ipakaun niku si Hari Sidikyas sa Huda hanggan kay manga takinan sa manga sundalu hari Babilunya, ti magkaibug mumatay sa kanda. Lang madi inmapas yi sida sa paggira sa kanyu,

Hirimyas 44:29

Inda kay tanda kuntay parusahan gid niku kamu sa inda pag rugar hampay maalaman niyu kuntay ungud matupad kadamhakan pagsabihun niku laban sa kanyu:

Isikil 30:21

“Anak tawu, binari niku ti takyay hari Ihiptu. Bag-u unman gid inda may namugkus hampay umayad ag bumaskug hampay humiyaput maan baladaw.

Isikil 31:18

“Hari Ihiptu, unman gid may kayu sa Idin ti makatupung sa kanmu karinuan hanggan kapangyarihan. Dapat ilagpak diman kawu sa sirung daga kaibahan manga kayu Idin. Ati magkaraibahan kamu sa manga tawu unman magsarig sa Diyus, manga nagkaramatay yi sa girahan. “Imaw inda ti mangyari sa hari Ihiptu hanggan sa kay nasakupan. Aku, ti Panginuun Diyus, ti magsabi inda.”