Hirimyas 44:22 - Hanunuu

²² Pagka balaw yi mabata Panginuun ti manga kadautan ag mayagting niyu buwat, winayak niya kanyu daga ag nagbaliw saraadan ag maruku dahil udyi may mag-uli, parihu sa nangyari taynguna.

Hirimyas 44:22 Iomraidhean Croise

Gimpuunan 19:13

dahil wasakun nimi inda pag banwa. Nasaydan Panginuun ti manga riklamu laban sa daut pag manga tawu. Nakan ipinadara niya kami hampay wasakun inda pag banwa.”

Gimpuunan 6:3

Taynguna, magkun ti Panginuun, “Balaw niku pahintulutan mabuhi dugay masyadu ti tawu dahil sida tawu lang. Nakan kainda ginan, ti tawu mabuhi ud lumampas sa 120 ka timpu.”

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

Isayas 1:24

Nakan magkun ti Panginuun, ti Makamaskihan pag Diyus Israil, “Gumaan kang tagipusuun nu maparusahan yi niku kamu pag manga taga Hirusalim kang manga kalaban.

Isayas 43:24

Unman nimu aku binilyan kamangyan ngatay pinasawaan manga taba hayup kanmu ihinandug. Bagkus ngap, pinakurianan nimu aku ag binudlay sa kanmu manga kasalanan.

Isayas 7:13

Magkun si Isayas: Pagpatingi kamu manga linahi ni Dabid. Udwaya aw lugud kang-ud kanyu mag-alukayu sa manga tawu? Taynguna, kang Diyus aw maan ti kanyu pag-alukayuhun?

Hirimyas 15:6

Dinayu niyu aku; pirmi niyu aku pagpatlikudan. Nakan aku, ti Panginuun, magkun ihunat yi niku kang manga kamang hampay rurisun kamu. Pagsawaan yi aku kaawaan kamu.

Hirimyas 18:16

Bumaliw mapanglaw kanda daga ag puyaan hanggan aban. Ti tanan maglawuy mangil-ilung ag manhikrab.

Hirimyas 24:9

Buwatun niku sida mayagting sa tanan nasyun sa buu kalibutan. Puyaan ag saadan sida sa tanan nasyun nu naan pag wayakun niku sida.

Hirimyas 25:11

Bumaliw mapung-aw inda pag daga. Inda pag nasyun hanggan ti manga nasyun sa kay kalibut sumirbi sa hari Babilunya sa sulud pitumpulu ka timpu.

Hirimyas 25:18

Pinainum niku ti Hirusalim hanggan ti manga banwa sa Huda kaibahan kanda manga hari ag manga may kangaranan agud midamhak sida. Madiklahan ti manga tawu sa mangyari sa kanda. Puyaan ag saadan sida parihu sa pagbuwatun sa kanda taynguna.

Hirimyas 25:38

Ti Panginuun ga liyun magluwas sa lukib hampay manligaw kay turukbun. Bumaliw mapung-aw kanyu daga dahil sa paggira kalaban, hanggan dahil sa masyadu pangagalit Panginuun.

Hirimyas 26:6

dautun niku inda pag Balay Diyus parihu sa binuwat niku sa Silu. Inda pag banwa saadan tanan nasyun sa buu kalibutan!”

Hirimyas 29:18

Ungud, lagsun sida girahan, lun-us ag sakit, bag-u kayagtingan sida tanan kaharian. Tabugun niku sida una lang naan-naan pag nasyun, bag-u saadan, kayagtingan, sida manga tawu ati.

Hirimyas 29:19

Dahil balaw nida pinatingihan kang manga bagaw ti pirmi niku pagsabihun sa kanda sa panab-anan niku manga manugsirbi pag manga purupita. Ag hanggan kamu pag manga binihag balaw diman naniwala.” Aku, ti Panginuun, ti magsabi inda.

Hirimyas 30:14

Nalimtan yi kamu manga kakampi niyu pag nasyun, udyi kamu pagbatiun nida. Ginira niku kamu parihu sa paggira kalaban. Masyadu kang parusa sa kanyu dahil masyadu ag mayamu kanyu kasalanan.

Hirimyas 34:22

suguun niku sida giraha maan kamu, sakupun ag sunugun. Buwatun niku mapung-aw ti manga banwa sa Huda ag udyi may mangulianan siyun. Aku, ti Panginuun, ti magsabi inda.”

Hirimyas 4:4

Lumpiyuha niyu kanyu manga tagipusuun sa atubangan Panginuun, kamu pag manga taga Huda ag taga Hirusalim, dahil nu balaw katida malakawan niyu ti isug niku ga apuy unman magkapsa dahil sa binwat niyu pag kadautan.

Hirimyas 42:18

“Inda waya ti pagsabihun Panginuun Makamaskihan, ti Diyus Israil, ‘Nu kabitay niku ipaagum sa manga taga Hirusalim ti masyadu niku pag pangagalit, ipaagum diman niku sa kanyu ti pangagalit niku nu atabug kamu sa Ihiptu. Saadan ag kagalitan kamu manga tawu. Puyaan nida kamu ag baliwun daut, ag udyi kamu makabalik waya sa inda pag daga.’

Hirimyas 44:12

Kamu pag manga magkasawad buhi sa Huda magpilit ataytag sa Ihiptu, magkaramatay kamu tanan ginan sa pinakapugri tugka sa pagdayawun. Magkaramatay kamu sitay sa girahan aw ngatay sa lun-us. Saadan, kayagtingan, kadat-an, ag puyaan kamu.

Hirimyas 44:2

Inda ti pagsabihun Panginuun Makamaskihan, ti Diyus Israil, “Nakitan niyu ti kadamhakan pinalakaw niku sa Hirusalim hanggan sa tanan banwa sa Huda. Wayak yi inda taynguna ag udyi may mag-ulian ati,

Hirimyas 44:6

Nakan ibinuhus niku sa kanda ti masyadu niku pag pangagalit. Ga apuy inda mag-irub sa manga banwa Huda ag Hirusalim, ag nagbaliw maruku inda pag manga rugar ag wayak tugka taynguna.

Hirimyas 48:9

May pakpak mana ti Muab hampay makalayang siya tag sa un-an, dahil udyi may pulus inda kay manga banwa ag udyi may mangulian sitay.

Hirimyas 5:9

Aku, ti Panginuun magsabi: Unman aw dapat niku sida parusahan dahil siyun? Unman aw dapat niku balusan ti manga katunda pag nasyun?

Isikil 39:23

Maalaman diman iba manga nasyun binihag ti nasakupan Israil dahil sa kanda manga kasalanan, dahil unman sida nagtupad sa kangku. Pinabay-anan niku sida girahun manga kalaban ag panmatyun.

Isikil 5:13

“Nu mangyari yi inda madura yi kang masyadu pag pangagalit sa kanyu, ag makabalus yi aku. Nu maipasamit yi niku sa kanyu kang pangagalit, maalaman niyu aku, ti Panginuun, nagpakihampang sa kanyu dahil sa kang masyadu pag pangagalit sa kanyu.

Danyil 9:11

Naglabag ti tanan Israilita sa kanmu Kasuguan; balaw nida gustu sumunud sa kanmu pagsabihun. Ag dahil sa kanmi kasalanan, rinmas-ug sa kanmi ti saad, ti nakasurat sa Kasuguan ni Muysis, kanmu manugsirbi.

Danyil 9:12

Tinupad nimu kanmu pagsabihun laban sa kanmi hanggan sa kanmi manga takinan kuntay parusahan nimu kami masyadu gid. Nakan ti nangyari sa Hirusalim unman gid may kaparihu sa buu kalibutan.

Amus 2:13

Nakan pagpatingi kamu! Pakurianan niku kamu parihu sa karusa harus udyi makalakaw dahil sa mabuyat pag dara.

Malakyas 2:17

Magkun waya gid si Malakyas sa manga Israilita, “Magbugya yi ti Panginuun sa kanyu manga pagbagawun. Dapat magpaingana waya kamu, ‘Hayga, unu kanmi pagbagawun nakan magbugya yi siya?’ Magbagaw kamu ti tanan magbuwat daut mayad sa magbantay Panginuun ag magbaya siya sa kanda. Magpuya waya kamu magkun, ‘Naan yi ti Diyus katadlungan?’ ”

Ruma 9:22

Katunda diman kay binwat Diyus. Madi kaybi gustu gid niya ipakakit kay pangagalit hanggan kay kamaskihan, dapat lubus inagwanta lang niya ti manga tawu kay pagkagalitan, kay ihinanda hampay parusahan ag tudasun.