Hirimyas 44:21 - Hanunuu

²¹ “Kanyu aw hantup balaw alam ti Panginuun kuntay kamu hanggan kanyu manga kaumputan, hanggan kanyu manga hari ag manga takinan, ag ti tanan manga nasakupan nagsunug kamangyan sa manga diyus-diyusan sa manga banwa sa Huda ag sa manga baklayan sa Hirusalim?

Hirimyas 44:21 Iomraidhean Croise

1 Hari 17:18

Magkun ti babayi sa kan Ilyas, “Unu duy ti pag-ikagalit nimu sa kangku, manugsirbi Diyus? Nangataytag aw duy kawu sitay hampay matyun kang anak bilang parusa sa kang manga kasalanan?”

Kanta 79:8

Danga kami pagparusahi dahil sa manga kasalanan nimi manga ginurang. Bagkus ngap, kaawai yi gid nimu kami taynguna dahil udyi kami may mahimu.

Isayas 64:9

Panginuun, danga waydi nimu paglubusan kanmu pangagalit sa kanmi ngatay alalahanun kanmi manga kasalanan hanggan aban. Magpakihampang duy kami sa kanmu pakidnugi nimu kami, dahil kami tanan kanmu nasakupan.

Hirimyas 11:13

“Kamu pag manga taga Huda, pagkayamu kanyu manga diyus-diyusan, parihu kay kayamu sa kanyu manga banwa. Ag nu kabitay kayamu ti manga baklayan sa Hirusalim, katida diman kay kayamu ti harandugan ipinatindug niyu hampay sunugan kamangyan para sa mayagting pag diyus-diyusan ni Baal.

Hirimyas 14:10

Inda ti sagut Panginuun sa manga tawu: “Ungud magkaibug yi gid kamu pumakarayu sa kangku; sadili lang niyu kagustuhan kanyu pagsundun. Nakan balaw yi niku kamu tanggapun bilang kang manga nasakupan. Balaw niku malimtan kanyu manga kadautan ag parusahan niku kamu.”

Hirimyas 32:32

Paggalitun aku manga taga Israil ag taga Huda dahil sa daut pag buwatun nida — kanda manga hari ag takinan, manga manughandug ag purupita, hanggan ti tanan manga taga Hirusalim.

Hirimyas 44:17

Buwatun gid nimi ti tanan nimi pagkaibgan buwatun: Mansunug kami manga kamangyan sa kanmi diyusa, Rayna sa Langit, ag manhandug kami sa kanya manga handug irinmun parihu sa binwat nimi sa manga banwa sa Huda ag baklayan Hirusalim. Inda diman ti binwat nimi manga kaumputan hanggan nimi manga hari ag manga takinan nimi. Mayad ti kahamtangan nimi kaybi; mayamu kami karan-unun, ag unman may daut nangyari sa kanmi.

Hirimyas 44:20

Nakan magkun si Hirimyas kaindaay sa manga magpangatuwiran sa kanya,

Hirimyas 44:9

Nalimtan yi aw niyu ti manga kadautan binwat niyu manga kaumputan, manga hari, manga rayna sa Huda, ti manga kadautan binwat niyu hanggan niyu manga asawa sa daga Huda ag Hirusalim?

Isikil 16:24

nagpatindug waya kawu manga simbahan para sa kanmu manga diyus-diyusan sa manga buruybuyahan

Husyas 7:2

Unman nida pag-isipun magkaala-ala niku kanda tanan kadautan. Taynguna tugka masaudan di sida sa kanda manga kasalanan ag mag-akitan niku inda tanan.

Amus 8:7

Nakan magsumpa ti Panginuun, ti Diyus pag-ipadayaw linahi ni Hakub, “Balaw gid niku malimtan ti tanan kadautan binuwat niyu.

Diyuturunumiyu 32:19

Nakitan inda Panginuun, dahil sa kay pangagalit ipinurya niya sida kay manga anak.

Diyuturunumiyu 32:34

Alam Panginuun kanda pagbuwatun, pagtipunun lang dapu niya inda bag-u mag-alagad sa tama pag udas hampay parusahan sida.

Ipinakakit 16:19

Natlu ti daka pag banwa. Natumpag yi ti manga banwa tanan nasyun. Udyi nakaribri sa sintinsiya Diyus ti bantug pag banwa Babilunya, pinainman intus, kay kahulugan kay mahigpit ngani pag galit Diyus.

Ipinakakit 18:5

Dahil kay manga kasalanan sunggu yi sa langit, dayi malimtan Diyus kay kadautan.

1 Samwil 15:3

Nakan taynguna, giraha niyu ti manga Amalikita. Rurisa niyu lubus ti tanan ati. Matyun niyu sida tanan, manga lalaki, babayi, anak ag manga lapsag, hanggan yi kanda manga baka, karanidu, kambing, kamilyu ag manga asnu.’ ”