Hirimyas 44:17 - Hanunuu

¹⁷ Buwatun gid nimi ti tanan nimi pagkaibgan buwatun: Mansunug kami manga kamangyan sa kanmi diyusa, Rayna sa Langit, ag manhandug kami sa kanya manga handug irinmun parihu sa binwat nimi sa manga banwa sa Huda ag baklayan Hirusalim. Inda diman ti binwat nimi manga kaumputan hanggan nimi manga hari ag manga takinan nimi. Mayad ti kahamtangan nimi kaybi; mayamu kami karan-unun, ag unman may daut nangyari sa kanmi.

Hirimyas 44:17 Iomraidhean Croise

2 Hari 17:16

Ipinurya nida ti tanan pag sugu Panginuun nida Diyus, ag naghistuda sida duwa ka tinday baka-baka para sa kanda sadili, hanggan tulduk tanda diyusa si Asira. Nagsamba sida sa tanan pag bagay sa langit hanggan sa kan Baal.

2 Hari 22:17

Ipakakit gid niku kang pangagalit sa inda pag rugar ag balaw inda umapas, dahil binugyahan aku nasakupan ag nagsunug sida kamangyan sa pagsamba sa tuhay pag diyus. Ginalit gid nida aku sa kanda manga binuwat.’

2 Krunika 28:23

Nagpakaun siya manga handug sa manga diyus manga taga Damasku nagpirdi sa kanya. Dahil magkun siya, “Ti manga hari taga Aram inawatan nida manga diyus. Nakan manhandug diman aku sa inda pag manga diyus hampay awatan diman nida aku.” Dapat imaw inda ti nagpadamhak sa kanya ag sa manga taga Israil.

Nihimyas 9:34

Kanmi manga hari, manga takinan, manga manughandug, hanggan manga ginurang unman magtupad sa kanmu Kasuguan. Unman nida binati kanmu manga sugu hanggan manga pasandam.

Kanta 106:6

Nagkasala kami parihu sa kanmi manga ginurang; daut gid kanmi binwat.

Kanta 12:4

Magkun sida, “Sa panab-anan nimi manga baragawun manalu kami. Pagustu kami una hintay kanmi bagawun, unman may makaampara sa kanmi.”

Pag-ighit 16:3

Magkun sida, “Mayad waya minatay yi lang kami Panginuun sa Ihiptu! Ati una kabitay makakaun kami taguban hanggan tanan nimi pagkaibgan pag karan-unun. Dapat taynguna dinara niyu kami sitay sa pangawakawaan hampay mamatay sa lun-us.”

Isayas 48:5

Nakan ngani pagsabihun yi niku daan sa kanyu kang buwatun. Udwaya inda magpangyari ipinaalam yi niku sa kanyu hampay balaw kamu sumabi kanyu manga diyus-diyusan buwat sa kayu hanggan baul imaw ti nagtagka ag nagbuwat inda.

Hirimyas 1:16

Parusahan niku kang manga nasakupan dahil sa kanda kadautan. Binugyahan nida aku, nagtuub sida kamangyan sa manga diyus-diyusan. Sinamba nida kanda binwat pag manga diyus-diyusan.

Hirimyas 11:12

Nakan manhagad yi lang sida awat sa manga diyus-diyusan kanda pagsagdahan kamangyan, dapat unman diman sida maawatan tunda pag manga diyus-diyusan nu rumas-ug yi ti parusa.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 19:13

Ti tanan balay sa Hirusalim, hanggan ti manga balay hari sa Huda kilalan-un mauring parihu sa Tupit. Dahil sa babaw atup manga balay magtuub sida manga kamangyan para sa kanda diyus manga pamgasan, ag maghandug manga irinmun para sa iba waya pag manga diyus.’ ”

Hirimyas 44:21

“Kanyu aw hantup balaw alam ti Panginuun kuntay kamu hanggan kanyu manga kaumputan, hanggan kanyu manga hari ag manga takinan, ag ti tanan manga nasakupan nagsunug kamangyan sa manga diyus-diyusan sa manga banwa sa Huda ag sa manga baklayan sa Hirusalim?

Hirimyas 44:25

Inda ti pagsabihun Panginuun Makamaskihan, ti Diyus Israil, ‘Ungud gid sinunud niyu hanggan niyu manga asawa ti itinaratu niyu mansunug kamangyan ag magpakaun handug irinmun sa Rayna sa Langit. Sigi, pag pararguhan lang niyu kanyu pagbuwatun. Tupada niyu kanyu itinaratu.

Hirimyas 44:9

Nalimtan yi aw niyu ti manga kadautan binwat niyu manga kaumputan, manga hari, manga rayna sa Huda, ti manga kadautan binwat niyu hanggan niyu manga asawa sa daga Huda ag Hirusalim?

Hirimyas 7:17

Unman aw lugud nimu mag-akitan ti pagbuwatun nida sa manga banwa Huda hanggan sa manga baklayan Hirusalim?

Hirimyas 7:18

Ti manga anak magkayu, ti manga ama magpamakut apuy, ti manga babayi magkamas arina hampay buwatun tinapay para sa Rayna Langit. Magsagda diman sida manga irinmun sa iba diyus hampay galitun aku.

Isikil 20:32

“ ‘Balaw gid mangyari kanyu pag-isipun nasakupan bumaliw parihu sa iba manga nasyun kanda nasakupan magsamba sa manga diyus-diyusan buwat sa batu ag kayu.

Isikil 20:8

“ ‘Dapat naglaban sida sa kangku, ag unman sida namatingi. Unman nida binugyahan ti mayagting pag manga diyus-diyusan Ihiptu. Nakan magkun aku ipaagum niku sa kanda kang masyadu pag pangagalit ati sa Ihiptu.

Isikil 23:41

Tinmukaw sida sa marinu pag tukawan, sa sarangwan lamisa. May ipinauli sida ati sa lamisa kamangyan hanggan lana ihandug mana sa kangku.

Isikil 8:16

Bag-u dinara niya aku sa sulud sugkadan Balay Diyus Panginuun. Ag ati sa sabian Balay Diyus, sa tab-anan sarakahan ag harandugan, may manga 25 ka tawu. Matlikudan sida sa Balay Diyus bag-u masranguhan sa butlakan ag maluhudan magsamba sa magbutlak init.

Habakuk 1:16

Ag dahil mayamu kanda nabihag, pagdayawun nida kanda sadili kakayahan parihu sa manug-isda magdayaw sa kay banwit ngatay sa kay lambat sa panab-anan pagsunug kamangyan bilang handug sa inda pag manga bagay. Dahil sa panab-anan niya banwit ngatay lambat nagyaman siya ag nagkaimaw abunda pag karan-unun.

Bilang 30:12

Dapat nu umampara kay asawa pagka naalaman tunda, balaw yi niya kailangan tupadun. Patawadun di siya Panginuun dahil inmampara kay asawa.

Bilang 30:2

Nu ti usa ka lalaki manaratu ngatay manumpa sa Panginuun, danga niya pagdauta kay taratu. Kailangan tupadun ti kada binagaw niya.

Markus 6:26

Nagruku gid ti hari. Dapat dahil kay sumpa nadnugan niya manga bisita, dayu waydi siya umirang.

Diyuturunumiyu 23:23

Dapat una hintay kanyu itinaratu sa Panginuun niyu Diyus, kailangan tupadun gid niyu.

Pilipus 3:19

Kanda aban ras-ugan sa kaparusahan sa impirnu, dahil kanda sadili kailangan imaw kanda pinagkadiyus. Ti kanda ikakay-a mana, imaw ngap ti pag-ipadayaw nida. Kanda paghingbutun ti manga bagay lang sitay sa babaw daga.

1 Pidru 1:18

Dahil naalaman niyu nu hintay ti ilinukat sa kanyu ginan sa unman may kabuluhan pag ugali kanyu minana ginan sa kanyu ginurang. Ti ilinukat sa kanyu balaw manga bagay magkadaut, parihu sa manga pilak, manga gintu.

Talaghusay 11:36

Nagsagut kay anak ni Hipti, “Ama, nakataratu kawu sa Panginuun. Nakan tupada ti itinaratu nimu, dahil pinanalu kamu Panginuun sa kanyu manga kalaban manga Amunita.