Hirimyas 43:2 - Hanunuu

² magkun sa kanya sida ni Asariyas kay anak ni Husaya, si Huhanan kay anak ni Karya, ag ti iba waya pag manga palabi-labihun pag manga lalaki, “Pudilun kawu! Balaw kawu sinugu Panginuun nimi Diyus, para sabihun sa kanmi kuntay balaw kami kailangan umatag sa Ihiptu hampay mangulian ati.

Hirimyas 43:2 Iomraidhean Croise

Gimpuunan 19:14

Nakan inati ni Lut kay manga urumagadun lalaki ag sinabihan, “Kabisug pag-ighit yi kamu sitay ginan dahil rurisun Panginuun inda pag banwa.” Dapat unman sida nagbati, kanda isip maghakut wata si Lut.

2 Krunika 36:13

Naglaban diman siya kan Hari Nabukudunusur, una ipinasumpa niya siya sa ngaran Diyus kuntay balaw siya manlaban sa kanya. Nagbaliw maganit gid kay tagipusuun ni Sidikyas, ag dayu siya mamabalik sa Panginuun, ti Diyus Israil.

Kanta 119:21

Pagtamyawun nimu ti manga marapadayaw ag pagsaadan ti manga magbugya sa kasuguan.

Kanta 12:3

Panginuun, mana paapasun yi nimu ti palabi-labihun hanggan ti marapaumang.

Kanta 123:4

Masyadu yi kami pagpuyaan manga tawu kanda isip ga si unu yi sida.

Pag-ighit 5:2

Magkun ti hari Ihiptu, “Si unu tunda pag Panginuun hampay mamatingi aku sa kanya ag pasnuan umighit ti manga Israilita? Balaw aku magkilala sa tunda pag Panginuun, ag balaw niku paighitun ti manga Israilita.”

Pag-ighit 9:17

Dapat magpalabaw diman kawu sa kang nasakupan, ag unman waya nimu sida pagpasnuan umighit.

Kabagawan 16:5

Pagkadat-an Panginuun ti tanan palabi-labihun, ag pihu gid parusahan sida.

Kabagawan 30:9

Dahil nu yumaman aku, barang itanggi niku kawu, ag sabihun niku, “Si unu lugud ti Panginuun?” Ag nu pugri aku, barang manakaw aku ag mapakay-a niku kawu.

Kabagawan 6:17

ti marapadayaw, ti marapudil, ti magmatay tawu,

Kabagawan 8:13

Ti maggalang sa Panginuun magkadaut sa daut. Pagkadat-an niku ti marapadayaw-dayaw, ti marapalabilabihun, ti daut pag-ugali, hanggan ti marapudil.

Isayas 9:8

Magkun ti Panginuun parusahan niya ti Israil, kay linahi ni Hakub.

Hirimyas 13:15

Pagpatingi kamu kaayad, danga kamu marapadayaw, dahil nagbagaw ti Panginuun.

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 40:8

Nakan nag-atag inda pag manga takinan sa kan Gidalyas ati sa Mispa. Inda pag manga takinan sida ni Ismail kay anak ni Nitanyas, si Huhanan ag si Hunatan kay manga anak ni Karya, si Siraya kay anak ni Tanhumit, ti manga anak ni Ipay taga Nitupa, ag si Haasanyas ti anak taga Maaka. Kinmuyug sa kanda ti manga tawuhan nida.

Hirimyas 41:16

Tinipun ni Huhanan hanggan niya manga kaibahan may kangaranan ti tanan bihag ni Ismail ginan sa Mispa, kaibahan sitay ti manga sundalu, ti manga babayi, ti manga anak hanggan ti manga takinan sa balay hari. Ginan sa Gibyun,

Hirimyas 41:18

Magkadala sida sa manga taga Babilunya dahil minatay ni Ismail si Gidalyas ti pinili hari Babilunya bilang gubirnadur sa buu daga Huda.

Hirimyas 42:1

Bag-u nagpakarani sa kan Hirimyas sida ni Huhanan kay anak ni Karya, si Asariyas kay anak ni Husaya, ag ti kaibahan nida may kangaranan pag manga sundalu, hanggan ti tanan nasakupan ginan sa pinakaababa tugka sa pinakaabwat.

Hirimyas 42:20

Balaw mayad ti binuwat niyu. Hinagad niyu sa kangku kuntay pumakarani sa Panginuun sa kanyu Diyus ag mandarangin para sa kanyu bag-u magsabi buwatun niyu ti tanan sabihun niya.

Hirimyas 42:5

Magkun waya sida sa kan Hirimyas, “Ti Panginuun nimu Diyus ti tutuu ag matinupadun nita pag kastigus, nu balaw nimi buwatun ti tanan sabihun niya sa panab-anan nimu.

Hirimyas 43:1

Pagka nasabi yi ni Hirimyas ti tanan pag-ipasabi Panginuun kanda Diyus tungkul sa kanda,

Hirimyas 44:16

“Balaw kami magpasnu sa manga pagsabihun nimu sa kanmi sa ngaran Panginuun!

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”