Hirimyas 43:13 - Hanunuu

¹³ Ungud wayakun niya ti manga tulduk diyus-diyusan sa Hilyupulis sa Ihiptu, bag-u irubun gid niya ti manga balay diyus manga diyus-diyusan sa Ihiptu.’ ”

Hirimyas 43:13 Iomraidhean Croise

Gimpuunan 41:45

Pinaingarnan niya Sapinat Paniya si Husi. Ag ipinakaun hari si Asinat kay anak ni Putipira, ti manughandug sa banwa Un hampay asawan-un ni Husi. Si Husi yi ti mag-asikasu sa buu daga Ihiptu bilang gubirnadur.

Isayas 19:1

Inda ti pagsabihun tungkul sa Ihiptu: Pagpatingi kamu! Ti Panginuun masakyan sa rurum ag mabisug inmatag sa Ihiptu. Pagtakigan sa dala ti manga diyus-diyusan Ihiptu, ag pagkulbaan ti manga Ihipsiyu.

Isayas 19:18

Sa ati pag sirang, lima ka banwa Ihiptu ti sumunud sa Panginuun Makamaskihan, mamagaw sida sa bagaw Hibriyu. Usa sa tunda pag manga banwa ti ingarnan, Banwa Init.

Isayas 46:2

Maigyaan sida, balaw nida kaya iribri ti may dara sa kanda, nakan hanggan sida nabihag.

Hirimyas 10:11

Sabihun niyu sa manga magsamba sa tuhay pag diyus, “Kanyu manga diyus balaw naglalang langit ag daga pihu madura di sa kalibutan.”

Hirimyas 25:19

Pinainum diman niku ti hari Ihiptu, hanggan kay manga may kangaranan ag manga takinan, ag ti tanan nasakupan niya,

Hirimyas 43:12

Irubun niya ti manga balay diyus manga diyus-diyusan sa Ihiptu. Ti iba pag manga diyus-diyusan ay mairub diman, bag-u ti iba darahun niya bihag. Lumpiyuhun niya ti daga sa Ihiptu parihu sa paglumpiyu manug-alaga sa kay rutay hampay mab-ul ti manga hanup. Bag-u umighit si Nabukudunusur ribri sa una hintay pag kadautan.

Hirimyas 44:1

Sinabi Panginuun sa kan Hirimyas ti tungkul sa tanan Hudiyu mag-ulian baliwa sa kanaway Ihiptu: sa manga banwa Migdul, Tapanis, ag Mimpis hanggan ti manga ati baliwa sa salatan Ihiptu.

Hirimyas 46:25

Parargu waya pagsabihun Panginuun Makamaskihan, ti Diyus Israil, “Parusahan yi niku si Amun, ti diyus-diyusan sa Tibis, ag ti iba waya pag manga diyus-diyusan sa Ihiptu. Parusahan diman niku ti hari sa Ihiptu hanggan kay manga takinan, ag ti manga magtiwala sa kanya.

Isikil 26:11

Tatatataan niya manga kabayu ti tanan niyu manga karsada. Ipamatay niya kanyu manga nasakupan sa baladaw, bag-u kanyu manga matibay pag manga tulduk magkaragpu.

Isikil 30:13

Magkun waya gid ti Panginuun Diyus, “Wasakun diman niku ti manga diyus-diyusan sa Mimpis. Unman yi may mamunu sa Ihiptu ag padalaun niku ti tanan nasakupan inda.

Isikil 30:17

Magkaramatay sa labanan ti manga kalay-awan lalaki taga Hilyupulis hanggan Bubastis, bag-u bihagun ti masawad pag manga tawu sa inda pag manga banwa.

Danyil 11:8

Darahun niya pabalik sa Ihiptu ti manga diyus-diyusan nida hanggan ti mahalaga pag kasiyunan buwat sa gintu ag pilak. Sa sulud pira ka timpu, unman yi siya man-gira sa hari Sirya.