Hirimyas 43:12 - Hanunuu

¹² Irubun niya ti manga balay diyus manga diyus-diyusan sa Ihiptu. Ti iba pag manga diyus-diyusan ay mairub diman, bag-u ti iba darahun niya bihag. Lumpiyuhun niya ti daga sa Ihiptu parihu sa paglumpiyu manug-alaga sa kay rutay hampay mab-ul ti manga hanup. Bag-u umighit si Nabukudunusur ribri sa una hintay pag kadautan.

Hirimyas 43:12 Iomraidhean Croise

2 Samwil 5:21

Tinayakan ati manga Pilistiyu kanda manga diyus-diyusan, bin-ul inda ni Dabid hanggan niya manga tawuhan.

Istir 6:9

Pagkatapus, sugua ti usa sa kanmu abwat pag may kangaranan kuntay parutayi niya tunda pag tawu panhari pag rutay ag pasakyan siya sa kabayu hari, bag-u ipalibut sa buu banwa habang magringgit kay manga kaibahan, ‘Inda ti pagbuwatun hari sa tawu pagkilalahun’ ”

Hub 40:10

Nu kaya nimu inda, pakakitan kanmu kapangyarihan, karangalan, hanggan kadayawan.

Kanta 104:2

Magkatabunan kawu rayaw ga kanmu rutay ag linadlad nimu ti langit ga turda.

Kanta 132:16

Pirmi niku iribri kay manga manughandug Balay Diyus, ag kay matinupadun pag manga nasakupan manganta pirmi sa kabayaan.

Kanta 132:18

Pakay-ahun niku kay manga kalaban, dapat paalwanun niku kay kaharian.”

Pag-ighit 12:12

“Sa ati pag yabi, lumawuy aku sa Ihiptu ag matyun niku ti tanan panganay pag anak lalaki manga Ihipsiyu hanggan ti lalaki pag panganay nida hayup. Parusahan niku ti tanan diyus Ihiptu. Aku ti Panginuun.

Isayas 19:1

Inda ti pagsabihun tungkul sa Ihiptu: Pagpatingi kamu! Ti Panginuun masakyan sa rurum ag mabisug inmatag sa Ihiptu. Pagtakigan sa dala ti manga diyus-diyusan Ihiptu, ag pagkulbaan ti manga Ihipsiyu.

Isayas 21:9

Taynguna, bantayi niyu! May magras-ug manga kalisa guyud-guyud duwa ka kabayu.” Ag magkun waya ti manugbantay, “Nawayak yi ti Babilunya! Ti tanan niya manga histuda diyus-diyusan nag-iridugsak sa daga ag nagkarawayak tanan.”

Isayas 46:1

Ti manga diyus-diyusan Babilunya sida ni Bil ni Nibu mahuwayan nu pag-ikarga sa kalisa pagguyudun manga asnu. Mabuyat sida, makargahan sa manga budlay yi pag hayup.

Isayas 46:2

Maigyaan sida, balaw nida kaya iribri ti may dara sa kanda, nakan hanggan sida nabihag.

Isayas 49:18

Bantayi nimu kanmu sangput; magtiripnan yi kanmu manga nasakupan hampay muli yi sa kanmu. Aku, ti Panginuun buhi, magsumpa ipadayaw nimu sida parihu sa babayi kalaslun magpadayaw kay sulung pamarinu bulawan.

Isayas 52:1

Pagbangun kawu, Siun, ag pagpakarig-un. Ipakakit nimu kanmu kapangyarihan, Banal pag banwa Hirusalim. Isulung maan nimu kanmu marinu pag rutay, dahil kanmu manga kalaban balaw Israilita, binaliw nimu mauring udyi utru makaslud sa kanmu sabian.

Isayas 59:17

Ti katadlungan imaw kay panangga sa kay dubdub ag kalu baul ti karibrihan. Isulung niya ga rutay ti manhimalus ag masyadu gid niya pag-isug.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 61:5

Manga nasakupan Diyus, sumirbi sa kanyu ti manga day-uhan. Alagaan nida kanyu manga hayup, manarabahu sida sa kanyu manga tanman hanggan manga ubasan.

Hirimyas 10:11

Sabihun niyu sa manga magsamba sa tuhay pag diyus, “Kanyu manga diyus balaw naglalang langit ag daga pihu madura di sa kalibutan.”

Hirimyas 10:15

Unman sida may pulus ag kailangan kadat-an sida. Rumas-ug ti sirang dautun tunda tanan.

Hirimyas 25:19

Pinainum diman niku ti hari Ihiptu, hanggan kay manga may kangaranan ag manga takinan, ag ti tanan nasakupan niya,

Hirimyas 43:13

Ungud wayakun niya ti manga tulduk diyus-diyusan sa Hilyupulis sa Ihiptu, bag-u irubun gid niya ti manga balay diyus manga diyus-diyusan sa Ihiptu.’ ”

Hirimyas 46:25

Parargu waya pagsabihun Panginuun Makamaskihan, ti Diyus Israil, “Parusahan yi niku si Amun, ti diyus-diyusan sa Tibis, ag ti iba waya pag manga diyus-diyusan sa Ihiptu. Parusahan diman niku ti hari sa Ihiptu hanggan kay manga takinan, ag ti manga magtiwala sa kanya.

Hirimyas 48:7

Manga taga Muab, magtiwala kamu sa kakayahan ag kayamanan niyu nakan bihagun kamu hanggan kanyu diyus-diyusan si Kimus bag-u ti manga manughandug hanggan manga takinan inda.

Hirimyas 49:27

Irubun niku ti manga alad batu sa Damasku, hanggan ti marig-un pag ulian ni Hari Bin Hadad. Aku, ti Panginuun, ti magsabi inda.”

Hirimyas 50:2

“Ipadakit sa manga nasyun ti barita sa unman may pag-ilihim! Ag paabwatan ti bandira tanda pagkawasak Babilunya! Marunut ag mangay-a ti manga diyus-diyusan niya hanggan kay diyus-diyusan si Bil ag si Marduk.

Hirimyas 51:44

Parusahan niku si Bil pag diyus-diyusan sa Babilunya. Ipasuka niku sa kanya kay manga hinalun. Balaw yi siya duludun manga nasyun hampay sambahun. Nagpu yi ti manga alad batu sa Babilunya.

Isikil 29:11

Unman may tawu ngatay hayup ti lumakaw sitay, unman diman may mangulian sa sulud upatpulu ka timpu.

Isikil 29:19

Nakan aku, ti Panginuun Diyus, magkun ipakaun niku sa kanya ti Ihiptu sa kan Nibukadnisar, ti hari Babilunya. Agawun niya ti tanan kayamanan Ihiptu bilang bayad sa kay manga sundalu.

Isikil 30:13

Magkun waya gid ti Panginuun Diyus, “Wasakun diman niku ti manga diyus-diyusan sa Mimpis. Unman yi may mamunu sa Ihiptu ag padalaun niku ti tanan nasakupan inda.

Danyil 11:8

Darahun niya pabalik sa Ihiptu ti manga diyus-diyusan nida hanggan ti mahalaga pag kasiyunan buwat sa gintu ag pilak. Sa sulud pira ka timpu, unman yi siya man-gira sa hari Sirya.

Sipanyas 2:11

Padalaun sida Panginuun dahil papasun niya ti tanan manga diyus-diyusan sa buu kalibutan. Ag sambahun siya manga tawu sa tanan nasyun sa kanda manga banwa.”

Ruma 13:12

Mag-agaw sirang yabi arani yi magkasirang. Pagpakarayu yi kita ginan sa tanan buwat daut, ialistu nita kanta sadili sa buwat kaayadan.

Ipisu 4:24

Kailangan gamitun niyu kanyu bag-u pagkatawu ti linalang ga kay histuda Diyus, bag-u mag-akitan sa kanyu ti tutuu gid pag katadlungan sa kanyu lubus magpasakup sa Diyus.

Ipisu 6:11

Isulung niyu ti panangga kay ipinakaun Diyus sa kanyu, hampay may panlaban kamu sa kay manga paraan diyablu.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

Kulusas 3:14

Lalu pagmalahalan kamu dahil imaw ti pinagkabugkus sa kanyu lubus pagkarausa.