Hirimyas 42:5 - Hanunuu

⁵ Magkun waya sida sa kan Hirimyas, “Ti Panginuun nimu Diyus ti tutuu ag matinupadun nita pag kastigus, nu balaw nimi buwatun ti tanan sabihun niya sa panab-anan nimu.

Hirimyas 42:5 Iomraidhean Croise

Gimpuunan 31:50

Ag nu balaw mayad kanmu magpakiusa sa kang manga anak, ngatay man-asawa waya kawu iba, alalahana nimu una unman niku inda alam, ti Diyus ti pumatutuu sa kanta kasunduan.”

Pag-ighit 20:19

magkumun sa kan Muysis, “Kawu yi lang ti pagbagaw sa kanmi ag mamatingi kami, danga yi lang ti Diyus, barang mamatay kami.”

Pag-ighit 20:7

“Danga niyu paggamita kang ngaran sa unman may pulus. Aku, ti Panginuun niyu Diyus, ti pumarusa una si unu ti gumamit kang ngaran sa unman may pulus.

Hirimyas 42:20

Balaw mayad ti binuwat niyu. Hinagad niyu sa kangku kuntay pumakarani sa Panginuun sa kanyu Diyus ag mandarangin para sa kanyu bag-u magsabi buwatun niyu ti tanan sabihun niya.

Hirimyas 43:2

magkun sa kanya sida ni Asariyas kay anak ni Husaya, si Huhanan kay anak ni Karya, ag ti iba waya pag manga palabi-labihun pag manga lalaki, “Pudilun kawu! Balaw kawu sinugu Panginuun nimi Diyus, para sabihun sa kanmi kuntay balaw kami kailangan umatag sa Ihiptu hampay mangulian ati.

Hirimyas 43:4

Nakan si Huhanan kay anak ni Karya hanggan kay manga kaibahan may kangaranan pag manga sundalu, hanggan ti tanan nasakupan unman nagsunud sa sugu Panginuun kuntay mamirmaminti sida sa Huda.

Hirimyas 5:2

Una paggamitun niyu kang ngaran sa kanyu magtaratu, magpudil diman kamu.”

Mikas 1:2

“Pagpatingi kamu kaayad, kamu tanan pag manga tawu mag-uli sa babaw daga. Dahil kumastigus ti Panginuun Diyus laban sa kanyu ginan sa kay banal pag Balay.”

Malakyas 2:14

Magpaingana kamu nu hayga udyi niya pagpansinun kanyu manga handug. Dahil maghiling ti Panginuun nandaya kamu sa kanyu asawa, kanyu pinaminsanan katpung kan-akan waya kamu. Linabag niyu kanyu kasunduan sa kanyu asawa, balaw kamu matinupadun sa kanda.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Ruma 1:9

Pirmi diman kamu kang pag-idarangin. Inda alam di gid Diyus imaw kang pagsirbihan buu niku tagipusuun sa kang magtudlu sa Mayad pag Barita tungkul sa kay Anak.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus:

Talaghusay 11:10

Magkun sida, “Hu, kawu ti buwatun nimi takinan. Ti Panginuun mismu kanmi kastigus.”

1 Samwil 12:5

Bag-u sinabi ni Samwil sa kanda magkun, “Ti Panginuun maghiling di hanggan kay pinili pag hari, alam diman niya taynguna pag sirang balaw kamu may nakitan daut sa kangku.” Sinmagut ti manga tawu, “Maghiling di ti Panginuun.”

1 Samwil 20:42

Magkun si Hunatan sa kan Dabid, “Mana may kahusayan kanmu lakaw. Ag mana awatan kita Panginuun matupad ti manga kasunduan nita sa usa kag usa, tugka sa kanta manga lahi.” Siyun ginan, linmakaw yi si Dabid, si Hunatan waydi binmalik sa banwa.