Hirimyas 42:10 - Hanunuu

¹⁰ Nu pumirmaminti kamu sa inda pag daga, bangunun niku kamu ag utru ipatindug ag balaw yi niku kamu ipadamhak. Dahil tutuu nanruku gid aku sa kadamhakan kang ipinalakaw sa kanyu.

Hirimyas 42:10 Iomraidhean Croise

2 Samwil 24:16

Pagka matyun yi mana anghil ti manga nasakupan Hirusalim, naawa ti Panginuun sa manga tawu. Nakan magkun siya sa anghil magparusa sa manga tawu, “Kang-ud yi! Danga yi sida pagparusahi.” Sa tunda pag udas, matindugan ti anghil Panginuun sa may giriukan ni Arauna, usa ka Hibusiyu.

Kanta 102:16

Dahil ibungsud maan Panginuun ti Siun; ipakakit niya kay kadayawan.

Kanta 106:45

Pag-alalahanun Diyus kay kasunduan sa kanda, ag dahil sa kay daka pag mahal sa kanda nagbag-u kay naisipan balaw yi niya sida parusahan.

Kanta 37:3

Pagsarig kawu sa Panginuun ag pagbuwat mayad. Ag mangulian kawu ribri sa kadamhakan sa inda pag daga.

Kanta 69:35

Dahil iribri Diyus ti Siun, ag ibungsud maan niya ti manga banwa Huda. Ag mangulianan asan kay nasakupan ag apuun tunda pag daga.

Pag-ighit 32:14

Nakan balaw yi ipinatarus Panginuun kay gayak rurisun kay manga nasakupan.

Hirimyas 24:6

Dahanan niku sida hampay mayad kanda kahamtangan bag-u ipabalik niku sida sa inda pag daga. Utru niku sida ipatindug ag balaw yi rurisun. Parig-unun niku sida ag balaw yi ayitun.

Hirimyas 26:19

Minatay aw siya ni Isikyas aw ngatay una si unu ati sa Huda? Unman! Bagkus ngap, nadala si Isikyas sa Panginuun ag nagpakarani siya sa kanya. Nakan balaw ipinatarus Panginuun ti pagsabihun niya pag kadamhakan laban sa kanda. Nakan nu matyun niyu si Hirimyas, kamu diman waydi ti pumarusa sa kanyu sadili.”

Hirimyas 27:11

Dapat ti pumasakup ag sumirbi pag manga nasyun sa hari Babilunya pumirmaminti sa sadili nida banwa. Siyun sida pag mangulian, bungkagun nida kanda sadili daga. Aku, ti Panginuun, ti magsabi inda.’ ”

Hirimyas 31:28

Sa kabag-u, winayak, dinaut, ag pinuil niku sida dapat sa uryan baliwa, utru bangunun niku sida ag ipatindug.

Hirimyas 33:7

Pabalikun niku ti manga taga Israil ag taga Huda ginan sa pagkabihag, ipatindug niku utru kanda banwa parihu sa kaybi.

Hirimyas 43:4

Nakan si Huhanan kay anak ni Karya hanggan kay manga kaibahan may kangaranan pag manga sundalu, hanggan ti tanan nasakupan unman nagsunud sa sugu Panginuun kuntay mamirmaminti sida sa Huda.

Isikil 36:36

Bag-u maalaman manga nagkarasawad manga nasyun sa kanyu palibut aku, ti Panginuun, ti nagpatindug manga nagkaradaut ag nagtanum sa pangawakawaan pag daga. Aku, ti Panginuun, ti magsabi inda, ag buwatun gid niku inda.”

Husyas 11:8

“Manga taga Israil, balaw mahimu dayuun niku kamu ngatay pabay-anan. Balaw mahimu ipadamhak niku kamu lubus parihu sa binwat niku sa manga banwa Adma ag Sibuyim. Balaw maagwanta tagipusuun niku buwatun inda sa kanyu. Magkaawa gid aku sa kanyu.

Huwil 2:13

Pag-ampu kamu sa buu niyu tagipusuun ag balaw pabalhinguun lang pag patawad sa panab-anan paggisi kanyu manga rutay. Pagbalik kamu sa Panginuun niyu Diyus, dahil maawaun siya ag marapasunaidun. Maawaun siya balaw magalitun. Alistu siya umanun kay isip hampay balaw yi mamadara parusa.

Amus 7:3

Nakan nagbag-u ti kaisipan Panginuun ag magkun siya, “Kanmu nakitan balaw yi mangyari.”

Amus 7:6

Nakan nagbag-u ti kaisipan Panginuun ag magkun siya, “Kanmu nakitan balaw yi mangyari.”

Hunas 3:10

Nakitan Diyus kanda binwat, nu kabitay sida napatlikud sa kanda daut pagpangabuhi. Nakan nagbag-u kay naisipan, balaw yi sida rinuris parihu sa kay sinabi kaybi.

Hunas 3:4

Nagsulud si Hunas sa Ninibi. Pagka natapus ti usa ka sirang lalakawun, magkun siya sa manga taga ati, “May 40 wadi ka sirang ti magkasawad rurisun yi ti Ninibi!”

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Binwat 15:16

‘Kay sabi Panginuun magkun, Aban aku bumalik, bag-u ibungsud maan niku kan Dabid balay dahil nagpu yi. Una nawasak yi, ipatindug maan niku kay balay,

Diyuturunumiyu 32:36

Apinan Panginuun kay manga nasakupan; kaawaan niya kay manga manugsirbi, nu makitan niya unman yi sida may kabisugan ag nu pira wadi ti nasawad sa kanda, panawuhun man una balaw panawuhun.

Talaghusay 2:18

Ti tanan takinan ipinakaun Panginuun sa kanda kay inawatan. Ag habang buhi kanda takinan, irinibri sida Panginuun sa kanda manga kalaban. Dahil magkaawa siya sa kanda dahil sa kanda mag-agwanta sa manga mag-api ag sa magpakuri sa kanda.