Hirimyas 42:1 - Hanunuu

¹ Bag-u nagpakarani sa kan Hirimyas sida ni Huhanan kay anak ni Karya, si Asariyas kay anak ni Husaya, ag ti kaibahan nida may kangaranan pag manga sundalu, hanggan ti tanan nasakupan ginan sa pinakaababa tugka sa pinakaabwat.

Hirimyas 42:1 Iomraidhean Croise

2 Hari 25:23

Pagka nadnugan inda manga kumandir Huda hanggan nida manga tawuhan, nag-ati sida sa kan Gidalyas ati sa Mispa. Sida ni Ismail kay anak ni Nitanyas, ni Huhanan kay anak ni Kariya, ni Siraya kay anak ni Tanhumit taga Nitupa, ni Haasanyas taga Maaka, hanggan kanda manga tawuhan.

Isayas 29:13

Magkun ti Panginuun, “Inda pag manga tawu magdayaw ag nagdayaw sa kangku sa panab-anan lang nida manga bibig, dapat kanda tagipusuun arayu sa kangku. Ag kanda manga pagsamba sa kangku angay lang sa surundanun tawu.

Isayas 48:1

“Pagpatingi kamu, manga linahi ni Hakub, pag-ingarnan Israil, ginan sa sinulput ni Huda. Magsumpa kamu sa ngaran Yawi, ti Panginuun, bag-u magtawag sa Diyus Israil. Dapat magpabalhinguun lang maaw, dahil balaw diman matadlung kanyu pangabuhi.

Hirimyas 37:3

Taynguna, sinugu ni Hari Sidikyas si Hihukal kay anak ni Silimya ag ti manughandug si Sipanyas anak Maasiyas kuntay atihi si Purupita Hirimyas hampanga kuntay daranginan sida sa Panginuun nida Diyus.

Hirimyas 40:13

Nag-ati diman sa kan Gidalyas sa Mispa si Huhanan anak ni Karya ag ti iba waya pag manga may kangaranan manga sundalu balaw nagsuku sa manga taga Babilunya.

Hirimyas 40:8

Nakan nag-atag inda pag manga takinan sa kan Gidalyas ati sa Mispa. Inda pag manga takinan sida ni Ismail kay anak ni Nitanyas, si Huhanan ag si Hunatan kay manga anak ni Karya, si Siraya kay anak ni Tanhumit, ti manga anak ni Ipay taga Nitupa, ag si Haasanyas ti anak taga Maaka. Kinmuyug sa kanda ti manga tawuhan nida.

Hirimyas 41:11

Nabaritaan ni Huhanan kay anak ni Karya hanggan niya manga kaibahan may kangaranan sa manga sundalu ti daut pag binuwat ni Ismail.

Hirimyas 41:16

Tinipun ni Huhanan hanggan niya manga kaibahan may kangaranan ti tanan bihag ni Ismail ginan sa Mispa, kaibahan sitay ti manga sundalu, ti manga babayi, ti manga anak hanggan ti manga takinan sa balay hari. Ginan sa Gibyun,

Hirimyas 41:18

Magkadala sida sa manga taga Babilunya dahil minatay ni Ismail si Gidalyas ti pinili hari Babilunya bilang gubirnadur sa buu daga Huda.

Hirimyas 42:20

Balaw mayad ti binuwat niyu. Hinagad niyu sa kangku kuntay pumakarani sa Panginuun sa kanyu Diyus ag mandarangin para sa kanyu bag-u magsabi buwatun niyu ti tanan sabihun niya.

Hirimyas 42:8

Nakan tinawag ni Hirimyas si Huhanan kay anak ni Karya hanggan ti tanan kaibahan niya may kangaranan pag manga sundalu, hanggan ti tanan nasakupan ginan pinakaababa tugka sa pinakaabwat.

Hirimyas 43:2

magkun sa kanya sida ni Asariyas kay anak ni Husaya, si Huhanan kay anak ni Karya, ag ti iba waya pag manga palabi-labihun pag manga lalaki, “Pudilun kawu! Balaw kawu sinugu Panginuun nimi Diyus, para sabihun sa kanmi kuntay balaw kami kailangan umatag sa Ihiptu hampay mangulian ati.

Hirimyas 44:12

Kamu pag manga magkasawad buhi sa Huda magpilit ataytag sa Ihiptu, magkaramatay kamu tanan ginan sa pinakapugri tugka sa pagdayawun. Magkaramatay kamu sitay sa girahan aw ngatay sa lun-us. Saadan, kayagtingan, kadat-an, ag puyaan kamu.

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Hirimyas 8:10

Nakan ipakaun niku sa iba kanda manga asawa hanggan manga tanman. Dahil ginan sa pugri tugka sa may kaya pararihu nagbaliw maramuun sa kuwarta, hanggan yi ti manga purupita ag manga manughandug.

Isikil 11:1

Ipinaabwat aku Ispiritu ag dinara sa sabian Balay Diyus Panginuun masranguhan sa butlakan. Ati sa sabian may 25 ka tawu, ag kay duwa sa kanda si Haasanyas anak ni Asur ag si Pilatyas anak ni Binaya, manga takinan nasakupan.

Isikil 33:31

Nakan magpakarani kang nasakupan sa kanmu ag ga magkaibug gid sida magpatingi sa kanmu, dapat kay tutuu unman nida pagtupadun kanmu pagsabihun. Mayad lang sida magbagaw kuntay pagmahalun nida aku, dapat ti sa sulud nida tagipusuun imaw ti maramuun sa kuwarta.

Isikil 8:11

Matindugan ati ti 70 ka paggurangunun sa Israil, usa sa kanda si Haasanyas anak ni Sapan. Ti kada usa may paghiyaptan sukadan kamangyan, ag ti anus kamangyan magtalimbuuk.

Matiyu 15:8

Inda pag nasyun tugka lang sa bagaw kanda maggalang sa kangku, kanda tagipusuun arayu di sa kangku.

Binwat 8:10

Pinakidnugan siya tanan-tanan tawu, una may kangaranan una unman, magkun sida, “Inda pag lalaki ti pagsabihun daka kay kapangyarihan, kapangyarihan ngap Diyus.”