Hirimyas 40:15 - Hanunuu

¹⁵ Bag-u napasampak si Huhanan sa kan Gidalyas sa lihim magkun siya sa kanya, “Matyun niku si Ismail sa unman may una si unu ti nakaalam. Balaw nita pahintulutan matyun niya kawu. Nu abi mangyari inda, inda ti bumaliw dahilan hampay mawayak ag madura ti manga Hudiyu natayak sitay sa Huda kanmu pagpamunuan.”

Hirimyas 40:15 Iomraidhean Croise

2 Samwil 18:3

Dapat magkun kay manga tawuhan, “Balaw duy kawu mahimu kumuyug sa kanmi. Baliwala lang sa manga kalaban nu malagiw kami, ngatay nu mamatay ti katunga sa kanmi. Mas gustu nida mamatay kawu kaysa 10,000 sa kanmi. Nakan mayad pagpatayak yi lang kawu sitay sa banwa ag pagpadara awat sa kanmi nu kailangan nimi.”

2 Samwil 21:17

Dapat rinmas-ug si Abisay kay anak ni Siruya hampay iribri si Dabid, ag minatay niya ti manga Pilistiyu. Siyun ginan, magkun kay manga tawuhan ni Dabid sa kanya, “Balaw yi duy kami pumasnu sa kanmu kumuyug maan sa kanmi sa labanan. Parihu kawu sa sulu sa Israil ag balaw nimi gustu madura kawu.”

Hub 31:31

Unman gid may linun-us sa kang kasunu balay.

Hirimyas 40:8

Nakan nag-atag inda pag manga takinan sa kan Gidalyas ati sa Mispa. Inda pag manga takinan sida ni Ismail kay anak ni Nitanyas, si Huhanan ag si Hunatan kay manga anak ni Karya, si Siraya kay anak ni Tanhumit, ti manga anak ni Ipay taga Nitupa, ag si Haasanyas ti anak taga Maaka. Kinmuyug sa kanda ti manga tawuhan nida.

Hirimyas 42:2

Magkun sida kan Hirimyas, “Magpakihampang kami sa kanmu, kami ti manga nasawad, idarangin nimu kami sa Panginuun nimu Diyus. Mayamu kami kaybi, dapat taynguna pira wadi parihu sa kanmu mag-akitan.

Huwan 11:50

Unman maaw kamu madunung magkilala kuntay nu para sa kanyu mayad waya nu mamatay ti usa ka tawu hampay dayu mapapas ti buu nasyun manga Hudiyu.”

1 Samwil 24:4

Magkun kay manga tawuhan ni Dabid, “Inda yi ngani ti sinabi Panginuun pag udas kay ipakaun kanmu kalaban sa kanmu, ag kawu yi ti bahala nu hintay kanmu gustu buwatun sa kanya.” Malway-malway napakarani si Dabid sa kan Saul ag rinapas kay baliw laylayan rutay sa unman nakamatang.

1 Samwil 26:8

Magkun si Abisay sa kan Dabid, “Taynguna pag sirang, inintirga yi Diyus sa kanmu ti kapanaluhan laban sa kanmu kalaban. Pasnui yi nimu aku kang bun-un siya tunda pag bangkaw hampay mituhug siya sa daga. Usa lang siya ka pagbunu udyi may pakadwa.”