Hirimyas 4:7 - Hanunuu

⁷ Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 4:7 Iomraidhean Croise

2 Hari 24:1

Katpung udas maghari si Hihuyakim, ginira ni Hari Nabukudunusur taga Babilunya ti Huda ag sinakup niya si Hihuyakim sa sulud tulu ka timpu. Dapat pagka sa uryan naglaban si Hihuyakim sa kan Nabukudunusur.

2 Hari 25:1

Pagka sa ikasiyam pag timpu kay maghari ni Sidikyas, sa ikasampulu pag sirang sa ikasampulu pag bulan, naggira si Hari Nabukudunusur taga Babilunya hanggan ti tanan niya sundalu sa Hirusalim. Nagkampu sida sa luwas banwa ag nagbuwat manga tumpuk daga sa sangput alad batu agud makadayik.

Isayas 1:7

Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 5:9

Magkun sa kangku ti Panginuun Makamaskihan, “Tunda pag daraka ag mararinu pag manga balay balaw yi maulian.

Isayas 6:11

Nagpaingana aku, “Panginuun, kabitay duy kay kadugay?” Sinmagut siya, “Tugka sa mawayak ti manga banwa Israil ag balaw yi may mangulian siyun. Tugka sa udyi may mag-uli sa manga balay ag ti daga bumaliw kapawaan ag udyi makinabangan.

Hirimyas 2:15

Kay manga kalaban ga manga liyun mag-ngurub sa kanya. Dinaut nida kay daga, inirub kay manga banwa ag balaw yi inda pag-ulian.

Hirimyas 22:6

Inda ti pagsabihun Panginuun tungkul sa balay hari sa Huda: “Para sa kangku, kanmu karinuan parihu sa Gilyad ngatay sa katayungtungan bantud Libanun. Dapat buwatun niku kawu ga pangawakawaan, parihu sa usa ka banwa unman may mag-uli.

Hirimyas 22:7

Mamadara aku manga tawu man-guba sa kanmu. Ti kada usa sa kanda mandara manga gamit pan-guba. Pukanun nida kanmu manga tulduk sidru bag-u iyamut tag sa apuy.

Hirimyas 25:38

Ti Panginuun ga liyun magluwas sa lukib hampay manligaw kay turukbun. Bumaliw mapung-aw kanyu daga dahil sa paggira kalaban, hanggan dahil sa masyadu pangagalit Panginuun.

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 26:9

Hayga kanmu pagsabihun sa ngaran Panginuun kuntay inda pag Balay Diyus dautun parihu sa Silu, ag inda pag banwa bumaliw mapung-aw udyi may mangulian?” Nakan dinakup nida si Hirimyas sa Balay Diyus Panginuun.

Hirimyas 27:8

“ ‘Dapat nu may nasyun ngatay kaharian dayu mansirbi ngatay pumasakup sa kan Hari Nabukudunusur sa Babilunya, aku ti pumarusa sa nasyun ngatay sa ati pag kaharian sa panab-anan girahan, lun-us, ag sakit tugka sa mipasakup niku sida sa kan Nabukudunusur. Aku, ti Panginuun, ti magsabi inda.

Hirimyas 33:10

Magkun waya ti Panginuun, “Pagsabihun niyu kuntay mapung-aw ag unman may manga tawu ag manga hayup ti Huda ag Hirusalim. Dapat rumas-ug ti sirang madnugan maan sa inda pag manga rugar ti manga kabayaan ag kasulunggan.

Hirimyas 34:22

suguun niku sida giraha maan kamu, sakupun ag sunugun. Buwatun niku mapung-aw ti manga banwa sa Huda ag udyi may mangulianan siyun. Aku, ti Panginuun, ti magsabi inda.”

Hirimyas 4:29

Sa iringayan manga manugkabayu hanggan manugpana, nalagiw yi sa dala ti manga nasakupan sa kada banwa. Ti iba nalagiw tag sa kabantudan bag-u ti iba dinmayik sa kabatuhan. Ti tanan banwa tinayakan udyi may nasawad mag-uli ati.

Hirimyas 44:2

Inda ti pagsabihun Panginuun Makamaskihan, ti Diyus Israil, “Nakitan niyu ti kadamhakan pinalakaw niku sa Hirusalim hanggan sa tanan banwa sa Huda. Wayak yi inda taynguna ag udyi may mag-ulian ati,

Hirimyas 46:18

“Aku, ti buhi pag Hari, ti Panginuun Makamaskihan, pag-isumpa niku may imaw gumira sa Ihiptu subra man sa kanya, parihu sa Bantud Tabur sa karaw-an manga kabantudan ngatay sa Bantud Karmilu sa saruy dagat.

Hirimyas 49:19

Kadaka niku girahun ti Idum ga liyun ginan sa katalunan Sapa Hurdan atag sa pasturan may mayamu karanidu. Manpalalagiwan sida, ag pamahalaun niku sa Idum ti tawu pinili niku. Si unu ti maiparihu sa kangku? Si unu ti pumanghas kuntay kalabanun sa aku? Si unu pag takinan ti manlaban sa kangku?

Hirimyas 5:6

Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 50:44

“Kadaka niku girahun ti Babilunya parihu sa liyun ginan sa katalunan arani sa Sapa Hurdan, manggira atabug sa pasturan mayamu karanidu. Manlinayas sida, ag mamili aku tawu mandumara sa Babilunya. Si unu ti maiparihu sa kangku? Si unu ti pumanghas kalabanun aku? Si unu pag takinan ti lumaban sa kangku?

Hirimyas 8:16

Ti ham-us kabayu manga kalaban mag-adnugan ginan sa Dan. Sa harihi di waya kabayu nida, pagtakigan yi ti buu daga. Rinmas-ug sida hampay wayakun inda pag daga hanggan ti tanan atay — ti manga banwa ag ti tanan manga mag-uli sitay.’ ”

Hirimyas 9:11

Dahil magsabi ti Panginuun, “Wasakun niku ti Hirusalim, bumaliw inda ulian manga talun idu. Buwatun niku ga pangawakawaan ti manga banwa Huda tugka sa unman yi may mangulian siyun.”

Isikil 12:20

Ipadamhak kanda manga banwa ag bumaliw mapung-aw inda. Bag-u maalaman nida aku ti Panginuun.”

Isikil 21:31

Ipasamit niku sa kanyu kang masyadu pag pangagalit, ag ipahintulut niku kamu sa maraisug pag manga tawu, anad sa pagpanmatay.

Isikil 32:2

“Anak tawu, paghirinangbitun kawu sa hari Ihiptu. Sabiha inda sa kanya: Mag-isip kawu parihu kawu sa liyun paatabug-paataytag sa manga nasyun. Dapat kay tutuu, parihu lang kawu sa buaya maglanguy-languy sa kanmu sadili sapa. Pagkalawkawun nimu manga lulud ti danum bag-u magkalubug inda.

Danyil 5:19

Dahil sa kapangyarihan ipinakaun Diyus sa kanya, nadala ti manga tawu sa kanya sa tuhay-tuhay pag nasyun hanggan linahi, ag pamagaw. Mahimu niya matyun una si unu kay gustu matyun. Mahimu diman niya balaw matyun una si unu ti balaw niya gustu matyun. Maipaabwat niya ti katungkulan tawu nu gustu niya ipaabwat; maipaababa diman niya ti katungkulan tawu nu gustu niya paababaun.

Danyil 7:4

“Kay un-an pag hayup ga liyun, dapat may pakpak agila. Habang magbantay aku, pinlud kay pakpak. Ipinatindug siya ga tawu ag pinakan-an kaisipan parihu sa tawu.

Libitiku 26:31

Gubaun niku kanyu manga banwa hanggan manga simbahan, ag balaw aku makabaya sa hungaw niyu manga handug.

Libitiku 26:33

Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.