Hirimyas 4:4 - Hanunuu

⁴ Lumpiyuha niyu kanyu manga tagipusuun sa atubangan Panginuun, kamu pag manga taga Huda ag taga Hirusalim, dahil nu balaw katida malakawan niyu ti isug niku ga apuy unman magkapsa dahil sa binwat niyu pag kadautan.

Hirimyas 4:4 Iomraidhean Croise

2 Krunika 34:25

Ipakakit gid niku kang pangagalit sa inda pag rugar ag balaw inda maparaw, dahil dinayu aku niku manga nasakupan ag nagsamba sida sa tuhay pag manga diyus. Pinagalit gid nida aku sa kanda manga binwat.

Isayas 10:17

Ti Panginuun ti pinagkasulu ag banal pag Diyus Israil bumaliw ga maglabdaban apuy umirub sa manga dugihan niya pag halamanan sa sulud lang usa ka sirang.

Isayas 30:33

Dugay yi nakaalistu ti rugar sunugan sa hari Asirya. Daka inda ag abasad, alistu yi ti mayamu pag pamagba. Ti arup Panginuun ga maglabdab asupri imaw ti pumalabdab sa pamagba.

Isayas 51:17

Hirusalim, pagbangun kawu! Ti pangagalit Panginuun ga intus ininum nimu tanan tugka kawu sa magpasuray-suray sa langu.

Hirimyas 15:14

Buwatun niku kamu panawuhun niyu manga kalaban sa daga balaw niyu alam, ag ipaagum niku sa kanyu kang pangagalit ga maglabdaban apuy.”

Hirimyas 21:5

Aku ngapu ti lumaban sa kanyu sa panab-anan kapangyarihan niku dahil sa masyadu pag pangagalit niku.

Hirimyas 23:19

Pagpatingi kamu! Kang pangagalit ga sa bagyu ngatay buhawi humampak sa ulu inda pag manga tawu daut.

Hirimyas 36:7

Barang abi sa panab-anan inda pumakarani sida sa Panginuun ag patlikudan nida ti daut nida pag-ugali. Dahil pinakan-an yi sida pasandam Panginuun kuntay sida parusahan niya dahil sa masyadu niya pag galit sa kanda.”

Hirimyas 44:22

Pagka balaw yi mabata Panginuun ti manga kadautan ag mayagting niyu buwat, winayak niya kanyu daga ag nagbaliw saraadan ag maruku dahil udyi may mag-uli, parihu sa nangyari taynguna.

Hirimyas 9:25

Magkun waya ti Panginuun, “Rumas-ug ti sirang parusahan niku ti nasyun Ihiptu, Idum, Amun, Muab, hanggan ti tanan mag-uli sa pangawakawaan sa arayu pag manga rugar. Ti manga mag-uli siyun pag nasyun manga tinuri, dapat unman sida magdayaw sa kangku. Ag parihu sida sa manga taga Huda. Kanyu bilug tinuri, dapat kanyu tagipusuun unman magbag-u.”

Karukuan 4:11

Ipinasamit Panginuun kay buu pangagalit sa Hirusalim. Nakan inirub niya inda hanggan ti manga patakinan inda.

Isikil 16:38

Parusahan niku kawu sa kanmu pagpanguragin ag pagpanmatay. Ag sa kang masyadu pag pangagalit ag imun, matyun niku kawu.

Isikil 18:31

Nasakupan Israil, hayga gustu niyu mamatay? Apasi yi niyu ti pagbuwat daut ag bag-uha yi niyu kanyu buhi.

Isikil 20:33

Aku, ti Panginuun Diyus buhi, magsumpa pamahalaan niku kamu sa panab-anan niku kamaskihan ag pangagalit.

Isikil 21:17

Isuntuk diman niku kang kamang sa pangagalit, hampay madura kang pangagalit. Aku, ti Panginuun, ti magbagaw inda.”

Isikil 24:13

“Hirusalim, kanmu binwat kahalayan ti nagpauring sa kanmu. Sinikap niku linisun kawu, dapat dayu kawu magpalinis. Nakan pumirmaminti kawu mauring tugka sa unman madura kang pangagalit sa kanmu.

Isikil 24:8

Nakitan niku inda pag dugu ag pinabay-anan niku inda makitan tanan. Tunda pag manga dugu ga magringgit sa kangku ibalus niku sida.

Isikil 44:7

Pag-ipasulud niyu sa kang Balay ti manga day-uhan unman magsarig sa kangku. Sa panab-anan inda pag-uringan niyu kang Balay habang maghandug kamu karan-unun, taba, hanggan dugu. Balaw labut sa kanyu mayagting manga buwat, paglabagun waya niyu kang kasunduan sa kanyu.

Isikil 6:12

Ti manga ati sa arayu mamatay sa sakit. Ti asan sa arani mamatay sa girahan. Ag ti masawad mamatay sa lun-us. Sa inda pag paraan maungdan nida kang pangagalit sa kanda.

Isikil 8:18

Nakan masamitan nida kang pangagalit. Balaw gid niku sida kaawaan. Una manringgit waya sida mabisug sa paghagad awat sa kangku, balaw niku sida patingihan.”

Libitiku 26:28

sa kang pangagalit labanan niku kamu bag-u parusahan pitu waya gid ka bisis.

Amus 5:6

Pagdangup kamu sa kangku, kamu pag lahi ni Husi, agud mabuhi kamu. Dahil nu unman, girahun niku kamu ga apuy. Nakan maruris ti Bitil ag unman may makaampara inda.

Sipanyas 2:2

bag-u rumas-ug ti itinagka pag sirang palayasun kamu ag ipayag parihu sa upa. Pag-ampu yi kamu bag-u rumas-ug ti sirang ibuhus Panginuun kay masyadu pag pangagalit.

Ruma 2:25

Nu kawu napaturi mahalaga lang tunda nu tupadun nimu ti Kasuguan ni Muysis. Dapat nu paglabagun diman nimu ti Kasuguan, bilang ga unman diman kawu tinuri.

Diyuturunumiyu 10:16

Nakan bag-uha niyu kanyu tagipusuun ag danga yi kamu magpaganit kanyu ulu.

Diyuturunumiyu 30:6

Bag-uhun Panginuun niyu Diyus kanyu manga tagipusuun hanggan ti tagipusuun niyu manga katawuhan hampay mahalun niyu siya sa buu tagipusuun ag karadwa, ag mabuhi kamu dugay.

Diyuturunumiyu 32:22

Dahil kang pangagalit maglabdab ga apuy. Mag-irub inda sa daga ag sa tanan asan, hanggan sa kaabasad-basadan daga, ag sa manga paratungtungan manga bantud.

Kulusas 2:11

Dahil sa kanyu pakiusa sa kan Kiristu, ga tinuri yi kamu, balaw sa kanyu bilug pag tinuri nu unman dahil kamu irinibri sa daut kagustuhan niyu sadili pagkatawu. Inda ti ga tinuri ginan sa kan Kiristu.