Hirimyas 4:28 - Hanunuu

²⁸ Manlulumian ti kalibutan ag mandulum ti langit, dahil sinabi yi niku ti parusa ag balaw yi niku inda bag-uhun. Nakadisisyun yi aku udyi mabag-u kang isip.”

Hirimyas 4:28 Iomraidhean Croise

Isayas 24:4

Mauga ag mangganit ti daga. Manlumuy ti buu kalibutan hanggan ti manga pagkilalan-un ag makapangyarihan pag tawu.

Isayas 34:4

Matunaw ti tanan bagay sa langit, ag ti langit madura, ga kasuratan linuhut. Magkaralagpak ti manga pamgasan ga manga labung ubas ngatay igus magkarubay ag magkarubas.

Isayas 5:30

Sa udas gumira sida sa Israil, manringgit sida ga hagunung dagat. Ag nu bantayan manga tawu ti daga Israil, kanda makitan kadudulman ag kakurian. Ti karayawan matakluban madamul pag rurum.

Isayas 50:3

Kaya diman niku padulumun ti langit parihu sa rutay panruku kay ka biru.”

Hirimyas 12:11

Buwatun nida inda mapung-aw pag rugar ag bumaliw unman may pulus sa kangku. Bumaliw pangawakawaan inda pag daga, dahil udyi may magkaawa siyun.

Hirimyas 12:4

Kapira duy nguna tugka ti pagkauga daga ag pagkarubay manga ilamnun? Magkaramatay yi duy ti manga hayup hanggan manga manuk dahil sa kadautan manga tawu mag-uli sa inda pag daga. Pagsabihun waya nida, “Unman may labut ti Diyus sa kanta malakawan.”

Hirimyas 14:2

“Maghimanglaw ti Huda; kay manga banwa magpanlubay. Maglumi kay manga nasakupan matukawan sa daga, hanggan diman ti manga mag-ulian sa Hirusalim maglulumian gid.

Hirimyas 23:10

Napnu ti daga manga tawu magsamba sa manga diyus-diyusan, dahil magbuwat kadautan ti manga purupita ag pagsamantalahun kanda kapangyarihan. Ag dahil siyun sinaadan Panginuun ti daga, nakan nauga ag narubay ti manga tanum.

Hirimyas 23:20

Balaw gid madura kang pangagalit tugka sa unman niku magkabuwat kang gustu buwatun. Ag sa uryan sirang, lubus niyu masalman inda.

Hirimyas 30:24

Balaw gid madura kang pangagalit tugka sa unman niku magkabwat kang gustu buwatun. Sa manga uryan sirang, masalman di niyu inda.”

Hirimyas 51:12

Ipaabwat niyu ti bandira mustara sa paggira sa Babilunya. Dugangi niyu ti manga manugbantay; ag ipalastar ti manga manugbantay. Sangputan niyu ti banwa! Udas yi hampay buwatun Panginuun ti gayak niya laban sa manga taga Babilunya.”

Hirimyas 7:16

“Nakan ngani Hirimyas, danga kawu magdarangin para sa inda pag manga tawu. Danga kawu magkaawa ngatay maghagad sa kangku para sa kanda, dahil balaw kawu patingihan niku.

Karukuan 2:17

Binwat Panginuun kay ginayak buwatun. Tinupad gid niya kay pagsabihun kaybi. Ipinadamhak niya kamu unman may awa. Pinasulung niya kanyu kalaban sa kanyu kadamhakan ag pinahintulutan niya magpadayaw sida sa kanda kapangyarihan.

Isikil 24:14

Aku, ti Panginuun, magkun rinmas-ug yi ti kaudasan pagparusa niku ag unman may makaampara sa kangku. Balaw gid niku kamu kaawaan ag balaw yi mabag-u kang isip. Pihuun niku kamu angay sa kanyu pangabuhi ag binwat. Aku, ti Panginuun Diyus, ti magbagaw inda.”

Husyas 13:14

Iribri aw niku kamu sa kamatayan? Unman! Sumabi waya ngani aku, ‘Kamatayan, naan yi kanmu manga sarut? Naan yi kanmu kaparusahan para sa inda pag manga tawu?’ “Balaw gid niku kamu kaawaan.

Husyas 4:3

Dahil siyun, magkaramara kanyu daga hanggan ti tanan mag-uli siyun magkaramatay, hanggan ti tanan hayup — ti maglakaw, ti maglayang, ag ti maglanguy.

Huwil 1:10

Nagkaradaut ti manga tanman ga tawu magpanrukuan. Nagkaradaut ti manga ani ag udyi may irinmun ubas hanggan lana ulibu.

Sakaryas 8:14

Magkun waya ti Panginuun Makamaskihan, “Katpung ginalit aku niyu manga ginurang, nagpasya aku parusahan kamu ag balaw kaawaan.

Bilang 23:19

Ti Diyus balaw tawu magpudil ngatay magkauman kay naisipan. Magbagaw aw siya balaw niya pagbuwatun? Magtaratu aw siya unman niya pagtupadun?

Matiyu 27:45

Bag-u nagdulum ti init sa bilug kalibutan ginan sa karaw-an sirang hanggan tugka palis ti init.

Markus 15:33

Pagka karaw-an yi sirang nagdulum ti init sa bilug kalibutan hanggan palis ti init.

Lukas 23:44

Pagka udtu yi ti init nagdulum sa bilug kalibutan hanggan tugka palis ti init.

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Ipisu 1:9

hampay lubus maintindihan nita kay udwaya pinaburayhaw pag gayak niya.

Hibriyu 7:21

Dapat ay sa kan Hisus may sumpa ti Diyus pagka binwat siya manughandug. Magkun ti Diyus, “Nagsumpa ti Panginuun ag unman bag-uhun niya kay isip. Kawu yi ti manughandug hanggan waya aban.”

Ipinakakit 6:12

Nakitan niku binukasan yi maan Anak Karanidu ti ikan-um pag kula. Bag-u naglinug mabisug, nagdulum yi ti init ga rutay mabiru, nagbaliw ga dugu kay karara ti bulan.

1 Samwil 15:29

Ti Makamaskihan pag Diyus Israil unman magpudil ag balaw ga tawu pabag-u bag-u isip.”