Hirimyas 4:26 - Hanunuu

²⁶ Nakitan niku ti abunda pag tanman nagbaliw pangawakawaan. Nawasak ti tanan banwa dahil sa masyadu pag pangagalit Panginuun.

Hirimyas 4:26 Iomraidhean Croise

Kanta 107:34

Pagbuwatun niya ti mayad pag daga unman may pulus, dahil sa manga kadautan manga mag-uli siyun.

Kanta 76:7

Diyus, pagkadalaan kawu. Si unu nguna ti makaagwanta sa kanmu nu magalit kawu?

Hirimyas 12:13

Kang manga nasakupan mamamgas tirigu, dapat mangani sida dugi. Mangungud sida sa tarabahu dapat unman sida may pakinabangun. Mangani sida kakay-ahan dahil sa kang masyadu pangagalit.”

Hirimyas 12:4

Kapira duy nguna tugka ti pagkauga daga ag pagkarubay manga ilamnun? Magkaramatay yi duy ti manga hayup hanggan manga manuk dahil sa kadautan manga tawu mag-uli sa inda pag daga. Pagsabihun waya nida, “Unman may labut ti Diyus sa kanta malakawan.”

Hirimyas 25:11

Bumaliw mapung-aw inda pag daga. Inda pag nasyun hanggan ti manga nasyun sa kay kalibut sumirbi sa hari Babilunya sa sulud pitumpulu ka timpu.

Hirimyas 7:34

Amparahun yi niku ti kasulungan ag kabayaan sa manga baklayan Hirusalim. Ag udyi madnugan sa manga banwa Huda ti manga masulung pag busis manga bag-u ipinaasawa. Dahil bumaliw mapung-aw inda pag daga.”

Hirimyas 9:10

Magkun si Hirimyas: Manlumi gid aku kabisug para sa manga kabantudan ag mangamiraw aku para sa manga pasturan. Dahil mapanglaw yi inda ag unman yi gid may maglakaw. Udyi may madnugan mag-inga manga baka, nighit yi ti manga manuk hanggan ti manga hayup.

Karukuan 2:7

Dinayu Panginuun kay harandugan hanggan kay Balay. Ipinadaut niya sa kamang kalaban ti alad batu Hirusalim. Nanhuruyawan ti kalaban sa Balay Panginuun ga mag-alaala sa kapistahan.

Libitiku 26:31

Gubaun niku kanyu manga banwa hanggan manga simbahan, ag balaw aku makabaya sa hungaw niyu manga handug.

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”

Sipanyas 1:18

Dayu makaparibri sa kanda ti manga pilak ag gintu sa sirang ipakakit niku kang pangagalit parihu sa apuy umirub sa buu kalibutan. Dahil kadaka niku papasun ti tanan mag-ulian sa daga.”