Hirimyas 4:22 - Hanunuu

²² Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 4:22 Iomraidhean Croise

Gimpuunan 39:16

Itinagu babayi ti balukas ni Husi tugka sa rinmas-ug kay asawa.

2 Samwil 13:3

May kakilala mahangal-hangal si Amnun kay ngaran si Hunadab. Anak siya patar-ari ni Dabid si Simya.

Kanta 36:3

Daut ag kapudilan kay pagbagawun. Balaw yi niya pagbuwatun nu unu ti kang-ud ag ti ikamayad.

Kanta 36:4

Una mahuwayan siya maggayak di daut. Paghingabtun niya makabuwat balaw mayad, ag balaw niya pagbugyahan ti daut.

Kanta 53:4

Unman aw lugud alam inda pag daut manga tawu sa kanda pagbuwatun? Pihu alam diman! Magkabuhi sida sa panab-anan pagpanguwarta sa kang manga kasimanwa, ag unman sida magdarangin sa Diyus.

Kanta 82:5

Unman kamu may pasunaid! Unman niyu alam ti katadlungan! Unman niyu naintindihan ti daut ti mayad! Magkabuhi kamu sa kadudulman, nakan ngani unman yi may kahusayan sa kalibutan, ga magkatandug ti tanan patakinan kalibutan.

Kabagawan 28:5

Ti daut pag manga tawu unman makaintindi sa katadlungan, dapat ti manga magdangup sa Panginuun nakaintindi gid inda mayad.

Isayas 1:3

Ti manga baka magkilala sa kanda manug-alaga, hanggan ti manga asnu alam nu naan pag paraharaban sida pag ipaharab nida manug-alaga, dapat ti manga nasakupan niku Israilita unman magkilala sa kangku.”

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Hirimyas 10:8

Tanan sida maraganit kay ulu ag manga busal. Unman duy may pulus ti manga tudlu tungkul sa kanda manga diyus-diyusan binwat sa kayu.

Hirimyas 13:23

Mailisan aw tawu mabiru kay kulay niya lukub? Mab-ul aw liyupardu kay riruk sa kay bilug? Unman gid! Katunda diman kamu pag manga taga Hirusalim, balaw kamu makabuwat mayad dahil ugali yi niyu ti magbuwat daut.

Hirimyas 2:8

Una manga manughandug unman naghanap sa kangku. Ti manga manugtudlu Kasuguan unman magkilala sa kangku. Ti manga takinan nagalit laban sa kangku. Ti manga purupita nagpadakit sa ngaran ni Baal ag nagsunud sa manga diyus-diyusan unman may pulus.

Hirimyas 4:21

kapira tugka nguna makitan niku ti bandira sa girahan hanggan madnugan ti tunug turumpita?”

Hirimyas 5:21

Patingihi niyu inda, kamu pag manga luku-luku ag supakil. May manga mata kamu, dapat unman makakit, may manga tuli dapat unman makadnug.

Hirimyas 5:4

“Kang hantup duy, manga pugri sida ag manga unman may inadalan, dapat manga busal maaw sida. Dahil unman nida alam ti palakaw pag ipabuwat sa kanda Panginuun nida Diyus.

Hirimyas 9:2

Nu may maulian lang mana aku sa pangawakawaan hampay makapakarayu aku sa kang manga kasimanwa, dahil sida tanan nandaya sa Panginuun ga babayi magpanguragin.”

Hirimyas 9:3

Magkun ti Panginuun, “Pirmi sida alistu sa kapudilan parihu sa ugyung alistu yi ipabkas. Kapudilan ti maglutaw sa inda pag rugar ag balaw katutuuhanan. Mag-amat di gid kanda magbuwat kasalanan, ag unman nida aku pagkilalan-un.

Hirimyas 9:5

Ti kada usa magdaya sa kay kaparihu, unman una di usa ti magbagaw katutuuhanan. Naanad yi magpudil kanda dila, pagbudlayun nida kanda sadili sa pagbuwat kasalanan.

Isikil 16:30

“ ‘Aku, ti Panginuun Diyus, magbagaw magkun madali kawu makagarya. Imaw ngani nakan nabwat nimu tunda pag manga bagay ga sa usa ka uragin pag babayi magpabili kay bilug.

Husyas 4:1

Kamu pag manga Israilita mag-uli sa daga Israil, patingihi niyu inda pag bangdan Panginuun laban sa kanyu, “Unman yi may matinupadun pag tawu sa kanyu daga, hanggan magmahal ag magkilala sa kangku, kanyu Diyus.

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Husyas 5:4

“Kanyu daut manga buruwatun imaw ti mag-ampara sa kanyu sa pagbalik sa kangku sa kanyu Diyus. Dahil asan sa kanyu tagipusuun ti ispiritu mag-udyuk sa kanyu sa pagsamba sa manga diyus-diyusan, ag balaw niyu aku pagkilalan-un Panginuun.

Amus 3:10

Inda ti pagsabihun Panginuun Diyus laban sa Samarya: “Unman sida madunung magbuwat matadlung. Ti mapag-un pag bahagi banwa nida punu manga butang tinakaw hanggan inaghas. Nakan girahun sida manga kalaban ag dautun kanda manga kampu. Bul-un manga kalaban ti manga kasiyunan sa mapag-un pag bahagi banwa.”

Mikas 2:1

Kaawaawa kamu pag manga magpuyat para lang gumayak daut. Pagka surip pagbuwatun niyu kanyu gayak daut dahil may kakayahan kamu bumuwat tunda.

Mikas 7:3

Antigu sida magbuwat kadautan. Ti manga takinan ag manga talaghusay magtanggap upa. Magsunud lang sida sa gustu manga tawu bantug ag may kapangyarihan. Magkarausa sida hampay baliktadun ti katadlungan.

Lukas 16:8

“Nagdayaw kay amu sa tunda pag katiwala maradaya, dahil madunung siya magparaan. Dahil ti manga tawu taga kalibutan masyadu gid madunung magparaan sa kanda magpasundu sa kanda manga kaparihu, subra man sida madunung sa manga tawu nakaintindi tungkul sa Diyus.”

Huwan 16:3

Nakan katida kanda buwatun sa kanyu dahil unman nakilala nida una ti Ama una aku.

Ruma 1:22

Magpanaguabi sida kuntay madunung, dapat ay unman ngap may kabuluhan kanda kadunungan.

Ruma 1:28

Unman inisip nida mahalaga ti pagkilala sa Diyus, nakan pinasibut-an sida Diyus sa kanda daut pag-iisip hampay balaw yi maangay kanda ugali.

Ruma 16:19

Nilantag yi ti barita tungkul sa kanyu magsunud sa kan Kiristu, nakan magbaya gid aku sa kanyu. Dapat kang gustu pagmadunung kamu tungkul sa mayad, danga pagbatia ti daut.

Ruma 3:11

Unman may nakaintindi, ud may maghanap sa Diyus.

1 Kurintu 14:20

Manga patar-ari, danga yi ga anak kanyu naisipan. Nu tungkul sa kadautan bay, pagga anak lapsag kamu. Dapat pagginurangun yi kanyu naisipan.

Diyuturunumiyu 32:28

Ti Israil usa ka nasyun unman may alam ag intindi.

Diyuturunumiyu 32:6

Kainda aw kanyu ibalus sa Panginuun? Manga paung-paung gid kamu ag kurang sa intindi. Balaw aw lugud siya kanyu Ama, ti naglalang sa kanyu?