Hirimyas 4:19 - Hanunuu

¹⁹ “Ti sakit sa tagipusuun harus dayi niku mabata ag kang-ud yi lang kang magdangup. Magtibtibuk wadi kang dubdub ag unman aku makaagwanta. Dahil nadnugan niku ti tunug budyung hanggan ti pagrit sa girahan.

Hirimyas 4:19 Iomraidhean Croise

Gimpuunan 49:6

Balaw aku umiba ngatay makiusa sa kanyu pagtiripun dahil magmatay kamu tawu nu magkagalit kamu, ag pagpilayan niyu ti manga tudu nu pagkaibgan niyu.

2 Hari 4:19

Pagka ati yi, magkun siya sa kay ama, “Masakit kang ulu! Masakit kang ulu!” Magkun kay ama sa panawuhun, “Daran-a siya sa kay ina!”

2 Hari 8:11

Tinurun niya si Hasail tugka sa nangay-a siya. Ag nanlumi si Ilisyu.

Kanta 103:1

Dayawun gid niku ti Panginuun. Dayawun niku buu buhi kay kabanalan.

Kanta 116:7

Kailangan magpakarig-un aku dahil mayad gid ti Panginuun sa kangku,

Kanta 119:136

Masyadu gid kang maglumi dahil unman pagsundun manga tawu kanmu kasuguan.

Kanta 119:53

Galit gid aku masyadu dahil sa manga daut, pag magbugya sa kanmu kasuguan.

Kanta 146:1

Dayawun ti Panginuun! Kailangan dayawun gid niku ti Panginuun.

Kanta 16:2

Kawu kang Panginuun. Ti tanan niku natanggap pag kaayadan ginan lang gid sa kanmu.

Isayas 15:5

Nanruku gid aku dahil sa nangyari sa Muab. Nagpinalagiw kay manga nasakupan atabug sa Suar tugka sa Iglat Silisya. Maglulumian sida habang magtukad atabug sa Luhit. Ti iba sa kanda magnguynguy atabug sa Hurunaim, dahil sa kanda nadangtan.

Isayas 16:11

Nakan magkaruku aku sa nadangtan manga taga Muab parihu sa maruku pag tunug alpa. Magkaruku diman aku sa nadangtan Kir Harisit.

Isayas 21:3

Ti nakitan ag nasaydan niku sa kang pangakakitun nakapakaun gid masyadu pag kadalaan sa kangku. Nanarakit kang bilug, ga babayi magkakurian sa magpanganak.

Isayas 21:4

Pagkulbaan aku ag pagtakigan sa dala. Mana makapahari aku sa pagsangday init, dapat balaw mahimu, dahil magkadala aku sa mahimu mangyari.

Isayas 22:4

Pabay-ani niyu aku manlumi para sa kang manga kasimanwa namatay. Danga niyu aku paglibanga.

Hirimyas 13:17

Dapat nu dayu waya gid mamatingi kamu, manlumi aku sa lihim dahil sa kanyu magpadayaw. Manlumi aku kabisug bumulus kang manga luwa dahil bihagun ti manga pinili Panginuun.

Hirimyas 20:9

Nu kas-a, mag-isip aku dayi lang aku manultul tungkul sa kanmu manga bagaw. Dapat balaw duy niku maampara, dahil kanmu bagaw ga apuy maglabdab sa kang tagipusuun hanggan but-ul. Udyi niku inda kaya maampara.

Hirimyas 23:9

Magkarunut kang tagipusuun dahil sa manga pudilun pag purupita. Pagtakigan hanggan kang manga but-ul, ga langu aku dahil sa banal pag tultulanun Panginuun laban sa kanda.

Hirimyas 4:21

kapira tugka nguna makitan niku ti bandira sa girahan hanggan madnugan ti tunug turumpita?”

Hirimyas 4:5

“Sabihun nimu sa Huda ag Hirusalim kuntay patunugun nida ti budyung sa buu daga. Ihuyaw sa malinaw ag sa mabaskug kuntay pagpalagiw sida ag pagpatagu sa manga may alad batu pag banwa.

Hirimyas 42:14

Atabug kami sa Ihiptu bag-u ati pag mangulianan dahil ati unman may girahan ngatay lun-us.’

Hirimyas 49:2

Aku, ti Panginuun magsabi, rumas-ug ti sirang ipagira niku sa manga kalaban ti Raba. Wasakun inda kanyu banwa hanggan ti manga baryu sa kalibut irubun. Sa kainda pag paraan, matabug manga taga Israil ti manga nagtabug sa kanda.

Hirimyas 50:22

Ipadnug niyu ti huruyawan sa labanan hanggan iringayan sa masyadu pagkawasak.

Hirimyas 6:24

Nabaritaan nimi tungkul sa kanda nakan bag-u kami nanlulubay. Dala ag kakurian ti mag-asaydan nimi parihu sa babayi magpanamdam arani yi manganak.

Hirimyas 8:18

Bag-u magkun si Hirimyas: Balaw gid madura kang karukuan. Pagdamdamun niku tagipusuun.

Hirimyas 8:21

Magkaruku aku dahil sa nalakawan kakurian niku manga kasimanwa. Mag-amiraw aku ag magpamat-ungan gid.

Hirimyas 9:1

“Nu bubun lang mana danum kang ulu, ag kang manga mata bulbugan luwa, manlumi aku sirang yabi para sa namatay pag manga kasimanwa niku.

Hirimyas 9:10

Magkun si Hirimyas: Manlumi gid aku kabisug para sa manga kabantudan ag mangamiraw aku para sa manga pasturan. Dahil mapanglaw yi inda ag unman yi gid may maglakaw. Udyi may madnugan mag-inga manga baka, nighit yi ti manga manuk hanggan ti manga hayup.

Karukuan 1:16

Nakan ngani magtiktik kang manga luwa sa pakalumi. Unman gid may magpabisug sa kangku una di. Kaawaawa ti nasakupan Hirusalim dahil tinalu sida kalaban.”

Karukuan 1:20

“Bantayi, Panginuun, nu kabitay kang karukuan! Masyadu gid kang mag-agwanta bilang ga pin-ga kang tagipusuun, dahil nagbaliw malinabagun aku sa kanmu. May magmaratyan sa kang manga sugkadan, ag una sa sulud balay may magkamatay.

Karukuan 2:11

Nagkarabaga kang manga mata sa lumi. Masakit kang mag-asaydan. Ga mabka kang dubdub dahil sa kadamhakan niku kasimanwa. Nagkaralipung sa manga karsada banwa ti manga anak hanggan ti manga lapsag.

Danyil 4:19

Nataranta ag nadala gid si Danyil (pag-ingarnan diman Biltisasar). Nakan magkun ti hari sa kanya, “Biltisasar, danga kawu magkaaburidu sa kang tagin-up ag sa kay kahulugan.” Nagsagut si Biltisasar, “Mahal Hari, mana kanmu tagin-up ag kay kahulugan mangyari sa kanmu manga kalaban danga sa kanmu.

Danyil 7:15

“Naaburidu gid aku sa kang nakitan.

Danyil 7:28

“Imaw tunda kang tagin-up. Naaburidu gid aku ag nanlapsi sa dala. Dapat unman niku itinultul inda una sa kantapu.”

Danyil 8:27

Tunda ginan, aku, si Danyil, linubayan ag nasakit manga pira ka sirang. Pagka naayadan aku, nagbalik aku sa tarabahu ipinakaun hari sa kangku. Dapat parargu di gid niku pag-isipun tunda pag pangakakitun balaw niku magkasalman.

Amus 3:6

Balaw aw lugud pagtakigan sa kadalaan ti manga tawu kada patunugun ti budyung sa pagpasandam may manga kalaban maggira? Nu rumas-ug ti kadamhakan sa usa ka banwa, unman aw ti Panginuun ti nagpadara tunda?

Habakuk 3:16

Magkun si Habakuk, “Pagka nadnugan niku inda pag ipinasandam Panginuun sa kangku, nangirkirug kang buu bilug hanggan kang bibig dahil sa kadalaan. Nanlumuy aku ag nangirkirug kang manga tuud. Ag dahil sa inda pag ipinasandam Panginuun, agwantahun niku alagdun ti udas pagparusa niya sa manga naggira sa kanmi.

Bilang 10:9

“Nu ati yi kamu sa kanyu kadagaan, ag lumaban yi kamu sa manga kalaban nag-api sa kanyu, patnuga niyu kanyu turumpita hampay aku, ti Panginuun niyu Diyus, alalahanun niku kamu, ag iribri sa kanyu manga kalaban.

Ruma 10:1

Manga patar-ari, imaw diman kang pagpakaisip-isipun hanggan pag-idarangin sa Diyus hampay miribri kang manga kaparihu kanasyun.

1 Kurintu 14:8

Dahil una budyung nu tumunug unman may turunu, hintay lugud ti mangalistu maglaban sa gira?

Galasya 4:19

Kamu duy lubus niku pagmayadun. Parihu aku ga usa ka babayi magpanganak, may pagdungugun aku mabuyat pag karukuan dahil sa kanyu hanggan sa udwaya makitan si Kiristu sa kanyu buhi.

Talaghusay 5:21

Inanud sida sa Luung Kisun, ti dugay yi pag luung. Pumarargu aku sa paglaban sa panab-anan kabisugan Panginuun.