Hirimyas 4:16 - Hanunuu

¹⁶ Sinugu sida kuntay paandami ti manga nasyun hanggan ti Hirusalim kuntay may maggira manga sundalu ginan sa arayu pag rugar mag-akat girahan laban sa manga banwa Huda.

Hirimyas 4:16 Iomraidhean Croise

Isayas 34:1

Kamu pag manga nasyun, pagpakarani kamu ag pagpatingi kaayad. Pagpatingi ti buu kalibutan hanggan ti tanan asan sa kanya.

Isayas 39:3

Taynguna, nag-atag si Purupita Isayas sa kan hari Isikyas ag nagpaingana, “Naan ginan tunda pag manga tawu ag hintay kanda kailangan?” Sinmagut si Isikyas, “Nag-ataytag sida ginan waya sa Babilunya.”

Hirimyas 1:15

Ipadara niku ti manga sundalu manga kaharian ginan sa kanaway hampay girahun ti Hirusalim. Ipauli nida manga hari kanda manga tukawan sa manga sabian Hirusalim. Dautun nida ti alad batu sa sangput hanggan ti iba waya pag manga banwa sa Huda.

Hirimyas 16:6

Magkaramatay sida sa inda pag daga, mayaman man ngatay pugri, ag unman may manlubung sa kanda. Unman may tawu manmiyag sa sadili nida ngatay manpauguy hampay ipakakit kanda maghimanglaw sa manga namatay.

Hirimyas 2:15

Kay manga kalaban ga manga liyun mag-ngurub sa kanya. Dinaut nida kay daga, inirub kay manga banwa ag balaw yi inda pag-ulian.

Hirimyas 31:10

“Manga nasyun, patingihi niyu ti pag-itultul niku, bag-u ibarita niyu inda sa ararayu rugar: ‘Winayak niku ti manga taga Israil, dapat tipunun di maan niku sida ag alagaan parihu sa manug-alaga manga karanidu.’

Hirimyas 39:1

Kaindaay ti pagkawayak Hirusalim: Katpung ikasampulu pag bulan sa ikasiyam pag timpu sa kay maghari ni Sidikyas sa Huda, naggira si Hari Nabukudunusur sa Babilunya hanggan ti buu gurupu sundalu niya sa Hirusalim.

Hirimyas 4:17

Pinalibutan nida ti Hirusalim ga manga tawu manugbantay sa tanman, dahil ti Hirusalim naglaban sa kangku. Aku, ti Panginuun, ti magsabi inda.

Hirimyas 5:15

Magkun ti Panginuun, “Manga nasakupan Israil, mamadara aku manga tawu ginan sa arayu pag nasyun hampay girahun kamu. Inda usa sa pinaka un-an pag nasyun kay pamagaw unman niyu magkasalman.

Hirimyas 5:6

Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Hirimyas 50:2

“Ipadakit sa manga nasyun ti barita sa unman may pag-ilihim! Ag paabwatan ti bandira tanda pagkawasak Babilunya! Marunut ag mangay-a ti manga diyus-diyusan niya hanggan kay diyus-diyusan si Bil ag si Marduk.

Hirimyas 6:18

“Nakan kamu pag manga nasyun, pagpatingi kamu. Bantayi niyu kaayad nu hintay ti mangyari sa kanda.

Hirimyas 6:19

Buu kalibutan, pagpatingi kamu! Mamadara aku kadamhakan sa manga tawu sitay bilang parusa sa kanda manga daut paggayakun. Dahil balaw nida pinatingihan kang manga bagaw, dinayu nida ti manga kasuguan niku.

Hirimyas 6:22

Inda waya ti pagsabihun Panginuun, “Bantayi niyu, may manga sundalu magras-ug ginan sa kanaway pag daga, usa ka makapangyarihan pag nasyun ginan waya sa arayu pag rugar alistu yi gid gumira.

Hirimyas 6:23

Kanda dara armas manga pamana ag manga bangkaw. Marahigpit sida ag unman may pangaawa. Kanda ingay ga mabaskug pag humbak habang masakyan sa kanda kabayu. Rumas-ug sida hampay girahun kamu pag manga taga Hirusalim.”

Hirimyas 8:19

Patingihi niyu ti lulumian manga kasimanwa niku kuntay mag-adnugan inda sa buu daga. Magkun sida, “Unman yi aw lugud ti Panginuun sa Hirusalim? Unman yi aw lugud ati ti Diyus, ti Hari sa Hirusalim?” Sinmagut ti Panginuun, “Hayga niyu aku ginalit sa panab-anan niyu pagsamba sa manga diyus-diyusan unman may pulus?”

Isikil 21:22

Ti mabunut niya pag ugyung imaw ti may marka Hirusalim. Bag-u manringgit siya sa pagsalakay sa Hirusalim ag panmatayun ti manga mag-uli siyun. Mamauli siya daraka pag manga batang panrup-ag sa sabian Hirusalim. Mamuwat siya daraykan ag mantumpuk daga sa habig alad batu banwa hampay madayik inda.