Hirimyas 4:14 - Hanunuu

¹⁴ “Manga taga Hirusalim, lumpiyuha niyu ti kadautan sa kanyu tagipusuun hampay maribri kamu. Tugka kapira kamu mag-isip sa daut?

Hirimyas 4:14 Iomraidhean Croise

Kanta 119:113

Pagkadat-an niku ti manga tawu balaw matinupadun sa kanmu, dapat pagmahalun niku kanmu kasuguan.

Kanta 51:2

Ugasi aku sa kang kadautan; lumpiyuha aku sa kang manga kasalanan.

Kanta 66:18

Nu pinabay-anan lang niku kang manga kasalanan unman mana nagpatingi ti Panginuun sa kangku.

Kabagawan 1:22

“Kamu pag manga unman may alam, tugka waya lugud kapira kamu katunda? Kamu pag manga magpuya, tugka waya lugud kapira kamu pag magbaya sa magpuya? Kamu pag manga kurang sa intindi, tugka waya lugud kapira kamu magdayu sa kadunungan?

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Hirimyas 13:27

Nakitan niku kanyu manga binwat mayagting magsamba sa manga diyus-diyusan sa kabantudan hanggan sa karatagan. Parihu kamu sa babayi baraydan subra yi sa pangaibug, ngatay ga manga magpanguragin. Kaawaawa kamu, manga taga Hirusalim! Tugka kapira kamu mamirmaminti sa mayagting?”

Hirimyas 17:1

Magkun ti Panginuun, “Manga taga Huda, nakaukit sa maganit niyu tagipusuun kanyu manga kasalanan ga manga bagaw nakaukit sa batu ngatay sa sungay ati sa suuk manga harandugan niyu.

Hirimyas 18:11

“Nakan sabihun nimu sa manga taga Huda hanggan sa manga taga Hirusalim kuntay inda ti pagsabihun niku, ‘Pagpatingi kamu! May paggayakun aku parusa para sa kanyu. Nakan pag-apas yi kamu sa kanyu daut pag ugali. Ti kada usa sa kanyu pagbag-u yi kay pagbuwatun hanggan ugali.’

Hirimyas 2:22

Una marigus kamu ag manpakasabun, makitan diman niku ti uring manga kasalanan niyu. Aku, ti Panginuun Diyus ti magsabi inda.

Hirimyas 6:19

Buu kalibutan, pagpatingi kamu! Mamadara aku kadamhakan sa manga tawu sitay bilang parusa sa kanda manga daut paggayakun. Dahil balaw nida pinatingihan kang manga bagaw, dinayu nida ti manga kasuguan niku.

Isikil 18:31

Nasakupan Israil, hayga gustu niyu mamatay? Apasi yi niyu ti pagbuwat daut ag bag-uha yi niyu kanyu buhi.

Sakaryas 8:17

Danga kamu maggayak daut laban sa kanyu kaparihu, ag danga kamu magsumpa sa kapudilan dahil ti tanan tunda kang pagkadat-an.”

Matiyu 12:33

Magkun si Hisus, “Nu isipun niyu ti puun kayu mayad hanggan kay burak mayad diman. Nu bay isipun niyu alangan ti puun kayu, daut diman hanggan kay burak. Dahil ginan sa burak pag makilala kay puun nu daut nu mayad.

Lukas 11:39

Sinabi Panginuun sa kanya, “Kamu pag manga Parisiyu kanyu pag-ugasan ti habig lang taya manga ungut. Dapat sa kanyu sulud bilug maramuun kamu ag lunsay kadautan.

Huwan 13:9

Bag-u sinabi ni Pidru magkun, “Nu katunda Panginuun, danga kang manga lulud lang. Ugasi duy nimu kang manga kamang hanggan kang ulu.”

Binwat 8:22

Nakan ngani kailangan iampu nimu inda pag kadautan. Pagdarangin duy kawu sa Panginuun hampay patawadun niya kawu sa inda pag daut kagustuhan nimu naisipan.

Ruma 1:21

Madi alam nida may imaw Diyus, unman nida pagdayawun ngatay pagpasalamatan. Bagkus ngap pinamintuhu nida ti manga bagay unman may kabuluhan, nadluman yi lang kanda naisipan unman makaintindi sa katutuuhanan.

1 Kurintu 3:20

Sinabi waya maan sa Banal Kasuratan magkun, “Alam di Panginuun ti pag-isipun manga madunung ag alam niya pasay unman may kabuluhan.”

Santiyagu 4:8

Pagpakarani kamu sa Diyus, bag-u pumakarani waydi ti Diyus sa kanyu. Lumpiyuha kanyu manga kamang, kamu pag manga makasalanan. Lumpiyuha kanyu tagipusuun, kamu pag manga tawu magkauman-uman kanyu naisipan.