Hirimyas 4:13 - Hanunuu

¹³ Bantayi niyu! Magras-ug ti manga kalaban nita ga manga rurum. Kay manga kalisa niya ga buhawi kay manga kabayu niya maliksi waya kaysa manga agila. Kaawaawa gid kita! Inda yi kanta katugkaan!

Hirimyas 4:13 Iomraidhean Croise

2 Samwil 1:23

Pagmahalun ag pagkaawaan gid manga Israilita si Saul ag si Hunatan. Magkaibahan sida sa buhi ag sa kamatayan. Sa girahan, mas maliksi waya sida sa manga agila ag mas mabisug waya sa manga liyun.

Isayas 13:5

Ginan sida sa ararayu pag rugar. Gubaun Panginuun hanggan niya manga sundalu ti buu daga dahil sa kay pangagalit.

Isayas 19:1

Inda ti pagsabihun tungkul sa Ihiptu: Pagpatingi kamu! Ti Panginuun masakyan sa rurum ag mabisug inmatag sa Ihiptu. Pagtakigan sa dala ti manga diyus-diyusan Ihiptu, ag pagkulbaan ti manga Ihipsiyu.

Isayas 3:8

Pihu yi mawayak ti Hirusalim ag Huda, dahil paglabagun nida ti Panginuun sa kanda manga bagaw ag buwat. Paglabagun nida ti kadayawan Panginuun.

Isayas 5:28

Maratarum kanda manga ugyung, alistu kanda manga bayi. Ti kuku nida manga kabayu parihu sa maganit pag batu, ag ti buyung nida gulung kalisa ga buhawi.

Isayas 66:15

Pagpatingi kamu! Rumas-ug ti Panginuun may dara apuy. Sumakay siya sa kay kalisa pan-gira parihu sa buhawi. Ipakakit niya kay galit sa kay manga kalaban, ag parusahan niya sida maglabdaban pag apuy.

Hirimyas 10:19

Magkun ti manga taga Hirusalim, “Kaawaawa gid kita dahil sa kadamhakan nita. Masyadu gid kanta kahamtangan, dapat kailangan nita inda agwantahun.

Hirimyas 4:12

Ti mabisug inda pag durus ginan sa kangku. Sabihun niku taynguna ti parusa niku sa kanda.”

Hirimyas 4:31

Nadnugan niku ti maglumi hanggan magpabawi, ga babayi magpanganak sa kay panganay anak. Lumi inda manga nasakupan Hirusalim ga maghingagaw kanda arup. Pag-ipaabwat nida kanda manga kamang magkun, “Kaawaawa waydi kami; ag ga malipungan yi, dahil asan yi kanmi manga kalaban ti manmatay sa kanmi.”

Hirimyas 46:18

“Aku, ti buhi pag Hari, ti Panginuun Makamaskihan, pag-isumpa niku may imaw gumira sa Ihiptu subra man sa kanya, parihu sa Bantud Tabur sa karaw-an manga kabantudan ngatay sa Bantud Karmilu sa saruy dagat.

Hirimyas 48:40

Magkun waya ti Panginuun, “Bantayi niyu! Ti kalaban Muab ga agila maglayang hampay dagitun inda.

Hirimyas 49:22

Bantayi niyu! Ti kalaban ga sa agila maglayang mandagit sa manga taga Busra. Sa ati pag udas, dalaun ag bumaliw ga babayi arani yi manganak ti manga sundalu sa Idum.”

Hirimyas 6:23

Kanda dara armas manga pamana ag manga bangkaw. Marahigpit sida ag unman may pangaawa. Kanda ingay ga mabaskug pag humbak habang masakyan sa kanda kabayu. Rumas-ug sida hampay girahun kamu pag manga taga Hirusalim.”

Hirimyas 9:19

Patingihi ti manga lulumian sa Hirusalim. Magkun ti manga tawu, ‘Winasak yi kita! Makakaray-a inda ti nangyari sa kanta! Kailangan tayakan yi nita kanta daga dahil winasak yi kanta manga ulian!’ ”

Karukuan 4:19

Mas mabisug waya sa manga agila kanmi manga kalaban maglagas sa kanmi. Paglagsun nida kami tugka sa manga bantud. Ag una sa pangawakawaan kami ati diman sida mag-alagad sa pagdugma sa kanmi.

Isikil 26:10

Matap-ukan kamu galbuk ginan sa manga lulud niya manga kabayu dahil sa masyadu mayamu pag kabayu kay gamitun. Magkarahalu kanyu manga alad batu dahil sa daguldul manga kabayu ag manga kalisa magpaslud sa kanyu manga daut puwirtahan banwa.

Isikil 38:9

Kawu hanggan kanmu manga sundalu, ag kanmu kaibahan manga nasyun, man-gira sa Israil ga bagyu, ag palibutan niyu inda parihu sa pagsangput rurum.”

Danyil 11:40

“Sa uryan panahun, lumaban ti hari Ihiptu sa hari Sirya. Dapat girahun siya hari Sirya may manga kalisa ag manga manugkabayu hanggan mayamu manga barku. Girahun niya ga baha ti kayamuan nasyun ag panmatyun.

Danyil 7:4

“Kay un-an pag hayup ga liyun, dapat may pakpak agila. Habang magbantay aku, pinlud kay pakpak. Ipinatindug siya ga tawu ag pinakan-an kaisipan parihu sa tawu.

Husyas 8:1

“Uypi kanyu budyung paandam sa kang nasakupan Israil kang ulian, girahun sida kalaban ga agila kay kaliksi. Dahil balaw pinahalgaan nida kang kasunduan sa kanda ag linabag nida kang Kasuguan.

Mikas 2:4

Sa ati pag sirang, puyaan kamu manga tawu sa panab-anan maruku pag sanglitan, ‘Lubus yi kami naruris! Bin-ul Panginuun kanmi manga daga bag-u inayaw sa manga maradaya.’ ”

Nahum 1:3

Balaw siya madali magkagalit, dapat makamaskihan gid siya ag pihu parusahan niya ti nagkasala. Nu maglakaw siya maghagunung ga bagyu mabaskug. Ti manga rurum ga galbuk lang mag-asbuk sa kay manga lulud.

Habakuk 1:8

Kanda manga kabayu mas mabisug waya sa hayup liyupardu ag mas maisug waya sa talun idu maghanap kay karan-unun nu yabi. Magpalagiw inda ginan sa arayu pag manga rugar, ga maglayang agila magsayab sa kay daragitun.

Sakaryas 6:1

Nakitan waya gid niku ti upat ka kalisa magluwang sa karaw-an duwa ka bantud galang.

Matiyu 24:30

Bag-u makitan nida sa langit ti tanda Anak Tawu. Manrukuan di ti tanan nasyun sa babaw daga nu makitan nida ti Anak Tawu rumas-ug napadara sa rurum ginan sa langit may kamaskihan hanggan daka pag kadayawan.

Diyuturunumiyu 28:49

“Ipagira kamu Panginuun sa usa ka nasyun ginan sa arayu pag rugar, ginan sa baliw dipay kalibutan, kanda pamagaw balaw niyu magkasalman. Girahun nida kamu parihu sa agila magsagib.

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.