Hirimyas 4:1 - Hanunuu

¹ Magkun ti Panginuun, “Israil, nu ungud gustu nimu bumalik sa kangku, pagbalik yi kawu. Dayuun nimu ti mayagting pag manga diyus-diyusan bag-u balaw yi kawu pablag sa kangku,

Hirimyas 4:1 Iomraidhean Croise

Gimpuunan 35:2

Nakan magkun si Hakub sa kay magtal-anakan hanggan sa tanan kaibahan niya, “Yamtan yi niyu kanyu manga diyus-diyusan. Lumpiyuha kanyu sadili ag ilisi kanyu manga rutay bilang tanda bag-u ag malumpiyu pag buhi.

2 Hari 23:13

Ipinadaut diman niya ti manga simbahan sa abwat pag manga rugar sa butlakan Hirusalim ag sa salatan Bantud Kadautan. Inda pag manga simbahan ipinatindug ni Hari Sulumun taga Israil para sa kan Astarut, ti mayagting pag diyusa manga taga Sidun, ag para sa kan Kimus, ti mayagting pag diyus manga taga Muab, ag para diman sa kan Muluk, ti mayagting pag diyus manga taga Amun.

2 Hari 23:24

Pinalayas diman ni Husyas sa Huda ag Hirusalim ti manga pandaniwan maghampang sa karadwa namatay, ti manga diyus manga magtal-anakan, ti tuhay waya pag manga diyus-diyusan, ag ti tanan mayagting pag pagsambahun manga tawu. Binwat inda ni Husyas agud matupad ti manga sugu nakasurat sa ribru nakitan ni Hilkiyas ti manughandug sa Balay Diyus Panginuun.

2 Krunika 15:8

Pagka nadnugan ni Asa ti itinultul ni Asariyas kay anak ni Udid, nagmaisug siya. Bin-ul niya ti mayagting pag manga diyus-diyusan sa buu Huda hanggan Binhamin, ag sa manga banwa kay naagaw sa kabantudan Ipraim. Ipinahiwat niya ti handugan Panginuun asan sa atubangan sarakahan sa Balay Diyus Panginuun.

2 Krunika 33:8

Nu tupadun lang nasakupan Israil ti tanan kasuguan ag surundanun niku ipinakaun sa kanda ni Muysis, balaw niku pahintulutan paighitun sida sitay pag daga ipinakaun niku sa kanda manga ginurang.”

2 Krunika 34:33

Pagkatapus, ipinaighit ni Husyas ti tanan mayagting pag manga diyus-diyusan sa buu daga Israil, ag pinasirbi ti manga tawu sa Panginuun nida Diyus. Tugka buhi siya, sinunud gid nida ti Panginuun, ti Diyus nida manga ginurang.

Isayas 31:6

Manga Israilita, pagbalik-nalub-anan kamu sa Panginuun, masyadu yi gid niyu siya linabag.

Hirimyas 15:19

Nakan magkun sa kangku ti Panginuun, “Nu umampu kawu, pabalikun maan niku kawu sa arani niku hampay parargu di kawu makasirbi sa kangku. Nu mamagaw kawu manga matadlung pag bagay ag amanan ti manga bagay unman may pulus, buwatun maan niku kawu kang manugbagaw. Kailangan sida ti pumakarani sa kanmu, ag balaw kawu ti pakarani sa kanda.

Hirimyas 15:4

Kadat-an sida tanan nasyun sa kalibutan dahil sa binwat ni Manasis (kay anak ni Isikyas) sa Hirusalim katpung hari waya siya Huda.

Hirimyas 18:11

“Nakan sabihun nimu sa manga taga Huda hanggan sa manga taga Hirusalim kuntay inda ti pagsabihun niku, ‘Pagpatingi kamu! May paggayakun aku parusa para sa kanyu. Nakan pag-apas yi kamu sa kanyu daut pag ugali. Ti kada usa sa kanyu pagbag-u yi kay pagbuwatun hanggan ugali.’

Hirimyas 24:9

Buwatun niku sida mayagting sa tanan nasyun sa buu kalibutan. Puyaan ag saadan sida sa tanan nasyun nu naan pag wayakun niku sida.

Hirimyas 25:5

Magkun ti Panginuun sa panab-anan nida, “Patlikudi yi niyu kanyu manga daut pag ugali hanggan buwat hampay parargu kamu mangulian hanggan aban sa inda pag daga inayaw niku sa kanyu ag sa manga ginurang niyu.

Hirimyas 3:1

“Nu ti usa ka babayi tayakan niya asawa, bag-u inda pag babayi utru maan mangasawa, balaw yi siya kailangan bawiun niya un-an asawa, dahil magpauring gid inda sa kanyu daga. Kamu pag manga taga Israil magkabuhi ga usa ka babayi baraydan. Mayamu kanyu pagmahalun pag manga diyus-diyusan. Una katida, tawagun di maan niku kamu pagbalik sa kangku. Aku, ti Panginuun, ti magsabi inda.

Hirimyas 3:12

Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.

Hirimyas 3:14

Magkun waya ti Panginuun, “Pagbalik yi kamu, kamu manga supakil pag anak, dahil kangku kamu. Bul-un niku ti usa ngatay duwa sa kanyu ginan sa kada banwa ngatay linahi ag darahun sa Israil.

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Hirimyas 35:15

sa panab-anan manga manugsirbi niku purupita. Pagsabihun nida sa kanyu, ‘Patlikudi yi niyu kanyu manga daut ugali, bag-uhun yi niyu kanyu magpangabuhi, ag danga yi kamu magsamba sa manga diyus-diyusan, hampay parargu kamu mangulian sa iinayaw niku pag daga sa kanyu ag sa kanyu manga ginurang.’ Dapat unman kamu nagpasnu ngatay nagsunud sa kangku.

Hirimyas 36:3

Barang abi man-ampu ti manga nasakupan Huda nu madnugan nida ti tanan kadamhakan kang paggayakun buwatun sa kanda ag patlikudan nida ti daut pag ugali nida. Bag-u nu mangyari inda, patawadun niku sida sa kanda manga kadautan ag kasalanan.”

Hirimyas 4:4

Lumpiyuha niyu kanyu manga tagipusuun sa atubangan Panginuun, kamu pag manga taga Huda ag taga Hirusalim, dahil nu balaw katida malakawan niyu ti isug niku ga apuy unman magkapsa dahil sa binwat niyu pag kadautan.

Hirimyas 7:3

Inda ti pagsabihun Panginuun, Makamaskihan pag Diyus Israil: Bag-uha yi niyu kanyu ugali hanggan pangabuhi, hampay parargu niku kamu patahanun sa inda pag daga.

Hirimyas 7:5

“ ‘Bag-uhun yi niyu lubus kanyu ugali hanggan pangabuhi. Taratuhun niyu sa kang-ud kanyu kaparihu,

Hirimyas 7:7

Nu buwatun niyu inda, parargu niku kamu patahanun sa inda pag daga, kang ipinakaun sa kanyu ginurang hanggan aban.

Isikil 11:18

Sa kanyu pagbalik sa kanyu rugar, bul-un niyu ti tanan mayagting pag manga diyus-diyusan ati.

Isikil 18:13

Magpautang siya may patubu. Mabuhi aw nguna siya? Unman! Mamatay gid inda pag tawu dahil sa tanan mayagting pag manga bagay niya binwat. Siya ti sisihun sa kay kamatayan.

Isikil 43:9

Taynguna, kailangan umapas yi sida sa pagsamba sa manga diyus-diyusan hanggan sa manga tinawu-tawu nida manga hari namatay, ag mangulian aku kaibahan nida tugka aban.”

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Husyas 2:2

“Manga anak, sungyawa niyu kanyu ina una balaw yi niku siya asawa, ag balaw yi niya aku asawa. Sungyawa niyu siya kuntay apasi yi niya kay magpanguragin.

Husyas 7:16

Magdangup sida kan Baal unman may pulus. Parihu sida sa pamana maliku unman mapakinabangan. Mamatay sa girahan kanda manga takinan dahil unman sida magdahan nu magbagaw. Dahil siyun puyaan sida manga taga Ihiptu.

Huwil 2:12

Magkun ti Panginuun, “Pagbalik kamu sa kangku sa buu niyu tagipusuun, danga maghandum karan-unun, paglumi ag pagpanrukuan.

Sakaryas 1:4

Danga niyu paghuwada ti binwat niyu manga ginurang. Sinugu niku kaybi ti manga purupita hampay sabihan sida patlikudi yi nida kanda manga daut pagbuwatun, dapat unman sida naniwala. Unman gid sida nagsunud sa kangku.

Diyuturunumiyu 27:15

“Saadan ti magbuwat una hintay pag manga diyus-diyusan buwat sa batu ngatay sa galang bag-u inda kanda sambahun sa lihim. Dahil pagkagalitan Panginuun inda pag manga diyus-diyusan buwat lang tawu.” Bag-u sumagut ti tanan tawu, “Amin!”

Diyuturunumiyu 4:30

Nu rumas-ug ti kakurian sa kanyu, sa uryan panahun bumalik kamu sa Panginuun niyu Diyus ag sundun niyu siya.

Huswi 24:14

Nakan magkun si Huswi, “Galanga niyu ti Panginuun ag sirbihi may katapatan. Bugyahi yi niyu ti manga diyus pagsambahun kaybi niyu manga ginurang sa baliw dipay Sapa Iyupratis ag sa Ihiptu, bag-u pagsirbi kamu sa Panginuun.

Talaghusay 10:16

Bag-u dinayu nida kanda diyus-diyusan ag nagsamba sa Panginuun. Sa kadugayun unman yi mabata Panginuun makitan sida magkakurian.

1 Samwil 7:3

Binmagaw si Samwil sa manga Israilita magkun, “Nu ilubus gid waydi niyu kanyu tagipusuun sa Panginuun, yamtan yi niyu kanyu manga pagsarigan pag manga diyus-diyusan hanggan si Astarut. Ipasakup niyu lubus kanyu sadili sa Panginuun, sa kanya lang kamu pagsumirbi. Bag-u iribri niya kamu ginan sa kamang manga Pilistiyu.”