Hirimyas 39:8 - Hanunuu

⁸ Sa Hirusalim waydi, inirub manga taga Babilunya ti manga balay hanggan ti balay hari, ag winayak nida ti manga alad batu.

Hirimyas 39:8 Iomraidhean Croise

2 Hari 25:8

Pagka sa ikapitu pag sirang sa ikalima pag bulan, katpung 19 pag timpu kay maghari ni Nabukudunusur sa Babilunya, nag-atag sa Hirusalim si Nibusaradan ti kumandir manga guwardiya hari Babilunya.

2 Krunika 36:19

Pagkatapus, sinunug nida ti Balay Diyus ag tinumpag ti alad batu Hirusalim. Sinunug diman nida ti tanan marig-un pag bahagi sa banwa, ag dinaut ti tanan mahalaga pag manga bagay.

Nihimyas 1:3

Sinmagut sida, “Magkakurian gid ti manga nakabalik sa Huda, pagpuyaan sida manga tawu sa palibut nida. Ag tugka taynguna, daut waya ti alad batu Hirusalim hanggan sunug kay manga sabian inda.”

Kanta 79:7

Dahil pinanmatay nida kanmu nasakupan ag ipinadamhak kanda nasyun.

Isayas 5:9

Magkun sa kangku ti Panginuun Makamaskihan, “Tunda pag daraka ag mararinu pag manga balay balaw yi maulian.

Hirimyas 17:27

Dapat nu balaw kamu sumunud sa kangku, ag balaw niyu kilalan-un ipinablag ti Sirang Pamahari, ag mandara kamu manga paninda sa manga puwirtahan Hirusalim sa tida pag sirang, irubun niku ti manga puwirtahan Hirusalim hanggan ti manga mapag-un pag manga bahagi banwa, unman gid may pumusa tunda pag apuy!’ ”

Hirimyas 21:10

Nakadisisyun yi aku padarahan kadamhakan inda pag banwa balaw kaayadan. Ipasakup niku inda sa hari Babilunya, ag kay irubun niya inda. Aku, ti Panginuun, ti magsabi inda.’

Hirimyas 32:29

Irubun nida inda, hanggan ti manga balay kay bubung pagsunugan manga kamangyan para kan Baal ag pagsagdahan manga handug irinmun para tuhay pag manga diyus-diyusan subra niku pag-ikagalit.

Hirimyas 34:22

suguun niku sida giraha maan kamu, sakupun ag sunugun. Buwatun niku mapung-aw ti manga banwa sa Huda ag udyi may mangulianan siyun. Aku, ti Panginuun, ti magsabi inda.”

Hirimyas 37:10

Una waya matalu niyu ti buu gurupu Babilunya maggira sa kanyu, ag ti nasawad sa kanda ti manga nabiyagan sa kanda kampu, gumira diman sida sa kanyu, ag kanda irubun inda banwa.”

Hirimyas 38:18

Dapat nu balaw duy kawu umampu, ipakaun inda pag banwa sa manga taga Babilunya, bag-u inda duy kanda irubun ag balaw duy kawu makapalagiw sa kanda.’ ”

Hirimyas 5:10

“Kamu pag manga kalaban taga Israil, dauta niyu ti manga ubasan nida, dapat danga waydi pag dauta lubus. Tabasa niyu kay manga sanga, dahil inda pag manga tawu balaw yi kangku.

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Karukuan 1:10

Pinanbuul kalaban ti tanan niya kasiyunan. Nakitan niya sinmaka ti balaw Israilita sa Balay Diyus, manga tawu balaw pagpasnuan Panginuun sumaka sa Balay Diyus.

Karukuan 2:2

Dinaut niya unman may awa ti tanan manga balay sa manga linahi ni Hakub. Sa kay pangagalit pinandaut niya ti manga may alad batu pag manga banwa sa Huda. Ipinatabu niya ag pinakay-a inda pag kaharian hanggan ti manga takinan siyun.

Karukuan 2:7

Dinayu Panginuun kay harandugan hanggan kay Balay. Ipinadaut niya sa kamang kalaban ti alad batu Hirusalim. Nanhuruyawan ti kalaban sa Balay Panginuun ga mag-alaala sa kapistahan.

Isikil 16:41

Sunugun nida kanmu manga balay ag parusahan nida kawu sa atubangan mayamu manga babayi. Amparahun niku kanmu kahalayan pagpanguragin ag kanmu magbayad sa kanmu manga katagbu.

Isikil 23:47

manbintuk sa kanda, ag manmatay sa kanda sa baladaw. Panmatyun diman kanda manga anak ag sunugun kanda manga balay.

Isikil 33:21

Katpung ikalima pag sirang sa ikasampulu pag bulan, katpung ikasampulu may duwa pag timpu nimi pagkabihag, may usa ka tawu nakapalagiw ginan sa Hirusalim nag-atag sa kangku ag magkun, “Nidamhak yi ti banwa Hirusalim!”

Amus 2:5

Nakan sunugun niku ti Huda hanggan ti mapag-un pag bahagi Hirusalim.”

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”