Hirimyas 38:7 - Hanunuu

^7-8 Dapat pagka nabaritaan inda ni Ibid Milik taga Itiyupya usa diman ka kaawat sa balay hari, inatihan niya ti hari sa kay balay. Matukawan tunda katpung ti hari sa Sabian ni Binhamin. Magkun siya sa hari,

Hirimyas 38:7 Iomraidhean Croise

2 Hari 24:15

Binihag ni Nabukudunusur si Hihuyakin sa Babilunya, hanggan kay ina, manga asawa, manga takinan ag ti manga bantug pag manga tawu sa Huda.

Kanta 68:31

Ti manga taga Ihiptu pumasakup sa kanmu. Ti manga taga Itiyupya mandali-dali mangayaw kanda manga pamakaun sa kanmu.

Kabagawan 29:10

Pagkadat-an ag pagkaibgan matyun manga manugmatay ti manga tawu magpangbuhi matadlung ag unman may ikasabi.

Isayas 56:3

Danga pag-isipa manga day-uhan naghandug kanda sadili sa Panginuun kuntay balaw sida ipaamut Panginuun sa kay manga nasakupan. Danga diman pag-isipa manga tawu napalusa dahil udyi sida manganak, balaw yi sida mahimu ipaamut sa nasakupan Diyus.

Hirimyas 13:23

Mailisan aw tawu mabiru kay kulay niya lukub? Mab-ul aw liyupardu kay riruk sa kay bilug? Unman gid! Katunda diman kamu pag manga taga Hirusalim, balaw kamu makabuwat mayad dahil ugali yi niyu ti magbuwat daut.

Hirimyas 20:2

ipinahampak niya siya ag ipinapirisu sa may sabian Balay Diyus Panginuun pag-ingarnan Puwirtahan ni Binhamin.

Hirimyas 26:16

Magkun ti manga may kangaranan hanggan ti manga tawu sa manga manughandug ag manga purupita, “Balaw kailangan sintinsiyahan sa kamatayan inda pag tawu dahil nagbagaw siya sa kanta sa ngaran Panginuun nita Diyus.”

Hirimyas 29:2

Isinurat niya inda igu nabihag si Hari Hihuyakin, hanggan kay ina, hanggan diman ti kaawat sa balay hari, ti manga takinan sa Huda ag Hirusalim, ti manga madunung pag manugpanday hanggan ti manga manugtarabahu.

Hirimyas 37:13

Dapat ay pagka rinmas-ug siya sa puwirtahan banwa ni Binhamin, dinakup siya kapitan manga guwardiya ni Iriya kay anak ni Silimya kay laki ni Hananiyas. Magkun sa kanya ti kapitan, “Kakampi kawu manga taga Babilunya.”

Amus 5:10

Kamu pag manga taga Israil, pag-ikagalit niyu ti magsintinsiya tama hanggan sa magtultul tutuu sa hurusayan.

Sakaryas 14:10

Pantayun ti buu daga ginan sa Giba sa salatan tugka sa Rimun sa kanaway baliwa Hirusalim. Dapat pumirmaminti abwat ti Hirusalim sa kay nagkabugtangan. Ag ulianan inda ginan sa may Sabian ni Binhamin tugka sa rugar nu naan asan ti Un-an pag Sabian, ag atabug sa Suuk pag Sabian; bag-u ginan Bantayaw ni Hananil tugka sa pirigsan ubas hari. Udyi mauman papasun ti Hirusalim, ag ti manga mag-ulian siyun ribri sa kaladalaun.

Matiyu 20:16

Nakan ngani ti manga nauryan umuna, ti manga nag-una mauryan.”

Diyuturunumiyu 21:19

inda pag anak darahun niya manga gurang sa manga manugpamahala ati sa puwirtahan banwa.

Huswi 20:4

Makapalagiw siya sa usa sa inda pag manga banwa, ag sumarangu sa manga manug-asikasu ati sa may puwirtahan banwa ag manpaliwanag sa kanda tungkul sa nangyari. Bag-u pasuldun siya ag ati pauliun.