Una waya maglakaw aku sa kadudulman, balaw aku magkadala, dahil kaibahan niku kawu. Kanmu pamakul mag-alaga sa kangku; ag kanmu sugkud maggiya ag magpabisug sa kangku.
Dapat taynguna, Mahal Hari, nu mahimu duy patingihi niyu waydi aku. Magpakihampang aku kuntay danga yi duy nimu aku ibalik sa kay balay ni Hunatan manugsurat dahil mamatay aku ati.”
Nakan nag-sugu si Hari Sidikyas kuntay daran-un si Hirimyas ati sa punduhan manga guwardiya sa balay hari. Nagsugu diman siya pakan-i si Hirimyas sirang-sirang habang may magkasawad waya tinapay sa banwa. Nakan nagpirmaminti nakapirisu si Hirimyas sa punduhan manga guwardiya.
Nag-atag ngani ti manga takinan sa kan Hirimyas ag pina-ingana siya. Bag-u sinagut niya sida angay sa sinabi hari sa kanya, nakan udyi sida nangusisa waya. Unman may nakadnug sa hinampangan ni Hirimyas ag hari.
Ipinabuul nida si Hirimyas ati sa punduhan manga guwardiya sa balay hari ag ipinakaun sa kan Gidalyas kay anak ni Ahikam kay laki ni Sapan. Dinara ni Gidalyas si Hirimyas sa kay balay. Nakan natayak si Hirimyas sa Huda kaibahan ti iba waya niya pag manga kasimanwa.
Alam diman nimu ti manga mag-unuunu sa kangku hanggan kang inagwanta sa Antiyukya, sa Ikunya, ag sa Listara. Masyadu gid inunu-unu aku ati katpung, dapat sa tanan pag manga kakurian tunda ipinaribri di aku Panginuun.