Hirimyas 38:27 - Hanunuu

²⁷ Nag-atag ngani ti manga takinan sa kan Hirimyas ag pina-ingana siya. Bag-u sinagut niya sida angay sa sinabi hari sa kanya, nakan udyi sida nangusisa waya. Unman may nakadnug sa hinampangan ni Hirimyas ag hari.

Hirimyas 38:27 Iomraidhean Croise

2 Hari 6:19

Magkun si Ilisyu sa manga kalaban, “Balaw inda ti dalan ag balaw inda ti banwa Dutan. Pagdasun kamu sa kangku, ibahan niku kamu atag sa kanyu paghanapun pag tawu.” Nakan tinaban sida ni Ilisyu atabug sa Samarya.

Hirimyas 38:25

Mahimu mabaritaan manga takinan nanharampangan kita. Barang atihan kawu nida bag-u ipaingana sa kanmu, ‘Hintay ti hinampangan niyu ni hari? Nu balaw nimu sabihun matyun kawu nimi.’

Hirimyas 38:26

Nu mangyari inda, sabihun nimu sa kanda, ‘Nagpakihampang aku sa hari kuntay danga niya aku pag-ibalik ati sa balay ni Hunatan barang mamatay aku ati.’ ”

Hirimyas 38:28

Pirmaminti nakapirisu si Hirimyas ati sa punduhan manga guwardiya tugka sa masakup ti Hirusalim.

Binwat 23:6

Alam ni Pablu ati sa Katipunan ti iba manga Sadusiyu ag ti iba Parisiyu, nakan iinalsa niya kay magbagaw sa Katipunan magkun, “Manga kaparihu niku Hudiyu, aku Parisiyu, kang manga gurang Parisiyu diman waydi. Taynguna aku idinimanda dahil sa kang mag-asa mabuhi maan ti manga namatay.”