Hirimyas 38:19 - Hanunuu

¹⁹ Magkun si Hari Sidikyas, “Magkadala aku sa manga Hudiyu magpakampi sa manga taga Babilunya, barang ipakaun aku manga taga Babilunya sa kanda ag sakitun nida aku.”

Hirimyas 38:19 Iomraidhean Croise

2 Krunika 30:10

Nag-atag ti manga manugbarita sa kada banwa sa buu Ipraim ag Manasis tugka sa Sabulun, dapat kinasarin-an lang sida ag pinuyaan manga tawu.

Nihimyas 4:1

Pagka nabaritaan ni Sanbalat ipinatindug maan nimi ti alad batu, nagalit gid siya ag pinuyaan niya kami ti manga Hudiyu.

Hub 31:34

Balaw aku namat-ungan lang aw ngatay nagpatagu dahil sa magkadala nu hintay ti pagsabihun manga tawu.

Kabagawan 29:25

Mahawag nu madalain kita. Dapat nu magsarig lang kita sa Panginuun, balaw gid kita maunu.

Isayas 57:11

Magkun ti Panginuun, “Si unu tunda pag diyus-diyusan ti pagkadalaan niyu ag namudil kamu sa kangku? Linimtan niyu aku ag udyi pinansin. Hintay lugud kay dahilan hayga balaw yi niyu aku pag-igalang? Dahil aw sa ud nangingay aku sa dugay pag udas?

Hirimyas 20:7

Panginuun, dinaya nimu aku ag nanalu kawu sa kangku. Nagbaliw karasarin-an aku manga tawu ag parargu nida aku pagsurugun.

Hirimyas 38:22

Ti tanan babayi natayak sa balay nimu darahun manga takinan hari Babilunya. Bag-u sumabi sa kanmu inda pag manga babayi, ‘Dinaya duy kawu nimu manga suud pag kakilala. Taynguna matalnudan yi sa lutuk kanmu manga lulud, tinayakan yi nida kawu.’

Hirimyas 38:5

Sinmagut si Hari Sidikyas, “Ipakaun niku siya sa kanyu. Buwata niyu sa kanya kanyu pagkaibgan. Unman aku mangampara.”

Hirimyas 39:9

Sa magpanguna ni Nibusaradan takinan manga guwardiya, ipinadara sa Babilunya ti manga tawu natayak sa banwa hanggan ti manga tawu magkampi sa kan Nibusaradan.

Huwan 12:42

Lang madi katida, mayamu manga pinunu Hudiyu ti nagsarig sa kan Hisus. Dapat sida magkadala sa manga Parisiyu nakan unman kanda ipinamalay sa manga tawu barang ipalwas sida ginan sa simbahan manga Hudiyu.

Talaghusay 9:54

Rargu niya tinawag ti tagadara niya armas ag sinabihan, “Gabuta kanmu baladaw ag matya aku hampay balaw sida sumabi kuntay usa lang ka babayi ti nakamatay sa kangku.” Nakan binunu siya niya suruguun ag namatay siya.

1 Samwil 15:24

Magkun si Saul sa kan Samwil, “Nagkasala aku; balaw niku sinunud kanmu manga itinudlu sa kangku hanggan ti sugu Panginuun. Nadala aku sa manga tawu, nakan sinunud niku kanda pagkaibgan.

1 Samwil 31:4

Magkun si Saul sa kay tagadara armas, “Gabuta kanmu baladaw ag matya aku, dahil nu unman, sida pag manga unman magsarig sa Diyus imaw ti mumatay sa kangku, surugun nida aku ag pakurianan.” Dapat magkadala manmatay sa kanya kay tagadara armas, nakan bin-ul ni Saul kanya mismu pag baladaw, ag binunu kay sadili.