Hirimyas 38:16 - Hanunuu

¹⁶ Dapat lihim nagsumpa si Hari Sidikyas sa kan Hirimyas. Magkun siya, “Magsumpa aku sa buhi pag Panginuun, ti nagpakaun buhi sa kanta, balaw niku kawu matyun ngatay ipakaun sa manga magkaibug mumatay sa kanmu.”

Hirimyas 38:16 Iomraidhean Croise

Manugtudlu 12:7

Nu katunda, bumalik kawu sa daga nu naan kawu ginan, ag kanmu ispiritu bumabalik sa Diyus imaw ti nagpakaun inda.

Isayas 42:5

Inda ti pagsabihun Diyus, ti Panginuun naglalang langit ga kay linadlad inda ga rutay. Linalang niya ti kalibutan hanggan ti tanan asan. Siya diman ti magpakaun buhi sa manga tawu ag sa tanan linalang magkabuhi sa kalibutan.

Isayas 57:16

Sa tutuu, balaw niku kamu kalabanun ngatay unu-unuhun sa tanan udas, dahil nu buwatun niku inda magkaramatay ti linalang niku pag manga tawu.

Hirimyas 34:20

Ipakaun niku sida sa manga kalaban nida magkaibug mumatay sa kanda. Ag bumaliw karan-unun manga manuk hanggan maraisug pag hayup kanda manga bangkay.

Hirimyas 37:17

Sa kadugayun, ipinab-ul ni Hari Sidikyas si Hirimyas bag-u dinara sa balay hari. Lihim niya inda pinaingana, “May itultul aw kawu ginan sa Panginuun?” Sinmagut si Hirimyas, “May imaw! Ipakaun kawu sa hari Babilunya.”

Sakaryas 12:1

Inda ti sinabi Panginuun tungkul sa Israil: “Aku ti Panginuun ti nagbuwat kalangitan ag kalibutan, ag aku ti magpakaun buhi sa tawu.

Bilang 16:22

Dapat linmuhud si Muysis hanggan si Aarun ag magkun, “Diyus, ti gimpuunan buhi sa tanan tawu, magalit aw kawu sa buu nasakupan dahil sa usa lang ka tawu nagkasala?”

Bilang 27:16

“Panginuun, Diyus gimpuunan buhi tanan tawu, pagpili duy mana kawu usa ka tawu manguna sa inda pag manga nasakupan,

Huwan 3:2

Nag-ati siya sa kan Hisus sa yabi. Bag-u kay sinabi sa kan Hisus magkun, “Maisturu, alam nimi duy kawu sinugu Diyus hampay manugtudlu sa manga tawu. Dahil tunda pag manga tanda kanmu pagbuwatun, mabuwat lang tawu nu sa kanya gid ti Diyus.”

Binwat 17:25

Una siya pagsirbihan tawu, ti Diyus unman magkaibug kanda manga handug, dahil siya ngani tigpakaun kinabuhi, arup hanggan karabuhian sa tanan tawu.

Binwat 17:28

dahil siya ti gimpuunan nita arup, nita buhi, hanggan nita kabisugan. Parihu sa sinabi niyu iba magpinangawat ambahan magkun, ‘Kita tanan kay manga anak niya.’

Hibriyu 12:9

Nu kas-a ginan nu angay sa ugali tawu kita pagparig-anan diman nita manga ama nakan kailangan lalu galangun nita sida. Unman aw lalu waya kita pumasakup sa kanta Ama, sa Diyus hampay kita may buhi?