Hirimyas 38:13 - Hanunuu

¹³ Bag-u itinakas nida siya ginan sa sulud bubun ag ibinalik sa punduhan manga guwardiya balay hari.

Hirimyas 38:13 Iomraidhean Croise

Gimpuunan 37:28

Nakan igu nanlawuy ti manga manugnigusyu Ismailita, kanda manga linahi Midyanita, bin-ul nida si Husi ginan sa bubun ag ipinabili nida sa halaga 20 ka bilug pilak. Bag-u dinara si Husi manga Ismailita sa Ihiptu.

1 Hari 22:27

Ag sabihun niyu sa kanda nagsugu aku kuntay pirisuha inda pag tawu. Tinapay ag danum lang ti ipakaun sa kanya tugka sa makabalik aku may kahusayan ginan sa labanan.”

Nihimyas 3:25

Kay dasun waya gid si Palal anak ni Usay. Ipinatindug niya ti bahagi alad batu ginan sa suuk alad batu tugka sa maglangbaw pag bantayaw sa balay hari, arani sa sugkadan manga guwardiya. Ti dinmasun sa kanya si Pidaya kay anak ni Parus,

Kabagawan 29:10

Pagkadat-an ag pagkaibgan matyun manga manugmatay ti manga tawu magpangbuhi matadlung ag unman may ikasabi.

Hirimyas 26:16

Magkun ti manga may kangaranan hanggan ti manga tawu sa manga manughandug ag manga purupita, “Balaw kailangan sintinsiyahan sa kamatayan inda pag tawu dahil nagbagaw siya sa kanta sa ngaran Panginuun nita Diyus.”

Hirimyas 32:2

Sa tunda pag udas, nasalikup ti Hirusalim manga sundalu Babilunya, ag si Purupita Hirimyas napirisu sa punduhan manga guwardiya sa balay hari sa Huda.

Hirimyas 37:21

Nakan nag-sugu si Hari Sidikyas kuntay daran-un si Hirimyas ati sa punduhan manga guwardiya sa balay hari. Nagsugu diman siya pakan-i si Hirimyas sirang-sirang habang may magkasawad waya tinapay sa banwa. Nakan nagpirmaminti nakapirisu si Hirimyas sa punduhan manga guwardiya.

Hirimyas 38:12

Magkun si Ibid Milik sa kan Hirimyas, “Sapinan nimu ti manga pamaris ag daan rutay sa kilkili nimu hampay balaw kawu masakitan lubid.” Bag-u inda ngani ti binuwat ni Hirimyas.

Hirimyas 38:28

Pirmaminti nakapirisu si Hirimyas ati sa punduhan manga guwardiya tugka sa masakup ti Hirusalim.

Hirimyas 38:6

Nakan bin-ul nida si Hirimyas sa pirisuhan bag-u ipinadugsun nida sa bubun ati sa punduhan manga guwardiya sa balay hari. Inda pag bubun magkaapu ni Malkiyas anak hari. Unman may danum ti bubun dapat may lutuk, harus mitalnud ati si Hirimyas.

Karukuan 3:58

Panginuun, inawatan nimu aku sa kang kasaba ag irinibri nimu kang buhi.

Binwat 23:35

sinabi gubirnadur magkun, “Patingihan duy niku kanmu kasu nu rumas-ug ti manga magdimanda sa kanmu.” Bag-u kay sinugu gubirnadur kay manga sundalu hampay kanda bantayan si Pablu sa balay kay nag-ulian kaybi ni Hari Hirudis.

Binwat 24:27

Pagka nakalawuy duwa ka timpu, si Pilik inublusan maan ni Pursiyu Pistu. Kay gustu ni Pilik siya di ti bayaun manga Hudiyu, nakan pinabay-anan niya si Pablu sa pirisuhan.

Binwat 28:16

Pagka kami rinmas-ug sa Ruma, pinahintulutan nida si Pablu mag-istar sa usa ka balay, balaw sa pirisuhan, pagtandan siya usa ka sundalu.

Binwat 28:30

Sa sulud duwa ka timpu nangulian ati sa Ruma si Pablu sa kay pagpilitihan pag balay. Tinanggap niya ti tanan tawu nagsabang sa kanya.