Hirimyas 37:21 - Hanunuu

²¹ Nakan nag-sugu si Hari Sidikyas kuntay daran-un si Hirimyas ati sa punduhan manga guwardiya sa balay hari. Nagsugu diman siya pakan-i si Hirimyas sirang-sirang habang may magkasawad waya tinapay sa banwa. Nakan nagpirmaminti nakapirisu si Hirimyas sa punduhan manga guwardiya.

Hirimyas 37:21 Iomraidhean Croise

2 Hari 25:3

Pagka sa ikasiyam pag sirang sa ikap-at pag bulan sa tunda pag timpu, masyadu yi gid ti lun-us sa banwa ag unman yi may karan-unun ti manga tawu.

Hub 5:20

Iribri di niya kawu sa kamatayan sa udas kalun-usan ag gira.

Kanta 37:19

Sa udas kakurian balaw sida maunu, una waya sa udas kalun-usan may mayamu di sida pag karan-unun.

Kanta 37:3

Pagsarig kawu sa Panginuun ag pagbuwat mayad. Ag mangulian kawu ribri sa kadamhakan sa inda pag daga.

Kabagawan 16:7

Nu pagbayaun Panginuun kanta ugali, una manga kalaban buwatun niya kaibahan nita.

Kabagawan 21:1

Ti kaisipan hari parihu sa danum sa sapa pag-amparahun Panginuun kay magbulus. Pag-amparahun niya angay sa kay kagustuhan.

Isayas 33:16

Katunda pag kalasi manga tawu ti makaribri sa kadamhakan, ga mag-uli sida sa abwat pag rugar, kanda palalan-iban ti lalaun pag manga batu. Unman sida maduraan karan-unun hanggan irinmun.

Hirimyas 20:2

ipinahampak niya siya ag ipinapirisu sa may sabian Balay Diyus Panginuun pag-ingarnan Puwirtahan ni Binhamin.

Hirimyas 32:2

Sa tunda pag udas, nasalikup ti Hirusalim manga sundalu Babilunya, ag si Purupita Hirimyas napirisu sa punduhan manga guwardiya sa balay hari sa Huda.

Hirimyas 32:8

“Parihu ngani sa kay pagsabihun sa kangku Panginuun, nag-atag sa kangku si Hanamil kang pinsan-suud ati sa punduhan manga guwardiya. Magkun siya sa kangku, ‘Biliha nimu kang tanman ati sa Anatut sa daga lahi ni Binhamin. May karampatan ag katungkulan kawu hampay mapasa-kanmu tida, nakan biliha yi nimu tida.’ ” Alam niku nalub-anan inda Panginuun

Hirimyas 33:1

Habang si Hirimyas ati di waya sa pirisuhan sa punduhan manga guwardiya sa balay hari, nagbagaw ti Panginuun sa kanya kadwa ginan.

Hirimyas 38:13

Bag-u itinakas nida siya ginan sa sulud bubun ag ibinalik sa punduhan manga guwardiya balay hari.

Hirimyas 38:28

Pirmaminti nakapirisu si Hirimyas ati sa punduhan manga guwardiya tugka sa masakup ti Hirusalim.

Hirimyas 38:6

Nakan bin-ul nida si Hirimyas sa pirisuhan bag-u ipinadugsun nida sa bubun ati sa punduhan manga guwardiya sa balay hari. Inda pag bubun magkaapu ni Malkiyas anak hari. Unman may danum ti bubun dapat may lutuk, harus mitalnud ati si Hirimyas.

Hirimyas 38:9

“Mahal Hari, daut duy ti binuwat tida pag manga tawu sa kan Hirimyas. Ilinagpak nida siya sa bubun, ag pihu yi mamatay siya ati sa lun-us, dahil harus magkatabu yi duy ti tinapay sa buu banwa.”

Hirimyas 52:6

Katpung ikasiyam pag sirang sa ikap-at pag bulan sa tida diman pag timpu, masyadu yi ti kalun-usan sa banwa ag udyi may makaun ti manga tawu.

Karukuan 5:10

Pagramigan kami dahil sa masyadu pag lun-us, kanmi bilug ga pugun kay kainit.

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Binwat 12:5

Nakan siti dapu si Pidru sa pirisuhan. Dapat ay nangungud ngap ti iglisya sa darangin tungkul sa kanya.

Binwat 24:27

Pagka nakalawuy duwa ka timpu, si Pilik inublusan maan ni Pursiyu Pistu. Kay gustu ni Pilik siya di ti bayaun manga Hudiyu, nakan pinabay-anan niya si Pablu sa pirisuhan.

Binwat 28:16

Pagka kami rinmas-ug sa Ruma, pinahintulutan nida si Pablu mag-istar sa usa ka balay, balaw sa pirisuhan, pagtandan siya usa ka sundalu.

Binwat 28:30

Sa sulud duwa ka timpu nangulian ati sa Ruma si Pablu sa kay pagpilitihan pag balay. Tinanggap niya ti tanan tawu nagsabang sa kanya.

Ipisu 4:1

Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Ipisu 6:20

Sinugu aku Diyus hampay manudlu sa inda pag Mayad pag Barita una aku sa pirisuhan taynguna. Nakan ngani daranginan yi gid niyu aku hampay ilubus niku kang katutuman sa kang magpanudlu unman may subra unman diman may kurang.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

2 Timutiyu 2:9

Dahil sa kang magtudlu Mayad pag Barita nakan aku mag-agwanta sa kakurian hanggan sa pirisuhan parihu sa may kasalanan. Dapat balaw magkagapus ti Bagaw Diyus.