Hirimyas 37:19 - Hanunuu

¹⁹ Naan yi ti manga purupita niyu naghula balaw girahun hari Babilunya inda pag banwa?

Hirimyas 37:19 Iomraidhean Croise

2 Hari 3:13

Magkun si Ilisyu sa hari Israil, “Hintay kang labut sa kanmu? Pag-ati kawu sa manga purupita nimu ama hanggan nimu ina!” Nagbagaw ti hari Israil, “Dayu! Dahil ti Panginuun imaw ti nagdara sa kanmi tulu sitay hampay ipakaun lang sa kamang hari Muab.”

Hirimyas 2:28

Hayga? Naan yi ti manga diyus binuwat niyu para sa kanyu sadili? Tawagun niyu sida nu kaya nida kamu iribri sa kakurian niyu. Pagkayamu kanyu manga diyus, parihu kay kayamu sa manga banwa sa Huda.

Hirimyas 23:17

Inda ti pirmi nida pagsabihun sa manga tawu dayu magpatingi sa kang manga bagaw ag magsunud sa maganit nida tagipusuun: ‘Bumaliw mayad kanyu kahamtangan. Unman may daut mangyari sa kanyu.’

Hirimyas 29:31

“Ipadara nimu inda pag tultulanun sa tanan bihag. Sabihun nimu sa kanda inda ti pagsabihun niku tungkul sa kan Simaya taga Nihilam, ‘Balaw niku sinugu si Simaya hampay mamagaw sa kanyu. Pinaumang niya kamu sa kay kapudilan.

Hirimyas 6:14

Pagpabay-anan nida ti biyag niku manga nasakupan una masyadu yi. Pagsabihun di nida kuntay mayad di ti tanan una unman.

Hirimyas 8:11

Balaw nida pag ungdun kay magbulung sa biyag niku manga nasakupan, una masyadu yi inda. Pagsabihun nida mayad di ti tanan una balaw mayad.

Karukuan 2:14

Ti manga barita niyu manga purupita bukun tutuu, unman may kabuluhan ag magpatalang sa kanyu. Unman nida itinultul kanmu kasalanan hampay balaw mana kawu mabihag.

Isikil 13:2

“Anak tawu, pagtultul kawu laban sa pudilun pag manga purupita Israil magpanhula ginan lang sa kanda sadili naisipan. Sabihi sida pagpatingi sa inda pag tultulanun niku:

Isikil 13:6

Balaw tutuu kanda pangakakitun ag kapudilan kanda manga hula. Magkun sida ginan sa Panginuun kanda pagsabihun, dapat kay tutuu balaw niku sida ipinadara. Ag pag-alagdun waya nida matupad kanda pagsabihun.

Diyuturunumiyu 32:38

Naan yi kainda kanyu manga diyus magkaun taba ag mag-inum kanyu handug irinmun? Paawatan sida sa kanyu, pagbuwata niyu sida panangga!