Hirimyas 37:15 - Hanunuu

¹⁵ Nangisug sida sa kan Hirimyas ag ipinabakul nida siya, bag-u ipinapirisu ati sa balay ni Hunatan ti manugsurat. Inda pag balay binuwat nida pirisuhan.

Hirimyas 37:15 Iomraidhean Croise

Gimpuunan 39:20

Nakan ipinadakup niya si Husi ag ipinaslud sa pirisuhan manga piririsuhan hari. Dapat una sa pirisuhan si Husi,

2 Krunika 16:10

Dahil siti, masyadu nagalit gid si Asa sa purupita, nakan inda kay ipinapirisu. Ag sa tida diman pag udas, nag-umpisa pinakurianan ni Asa kay iba niya manga nasakupan.

2 Krunika 18:26

Ag sabihun niyu sa kanda kuntay nagsugu aku pirisuhun inda pag tawu. Tinapay ag danum lang ti ipakaun sa kanya tugka makabalik aku ribri ginan sa labanan.”

Hirimyas 18:23

Dapat alam duy nimu Panginuun ti tanan nida gayak manmatay sa kangku. Nakan danga duy nimu sida pagpatawada sa manga kasalanan ag kadautan nida. Pabay-ani sida matalu nida manga kalaban habang mabantayan lang kawu. Ipasamit nimu sa kanda kanmu pangagalit.”

Hirimyas 26:16

Magkun ti manga may kangaranan hanggan ti manga tawu sa manga manughandug ag manga purupita, “Balaw kailangan sintinsiyahan sa kamatayan inda pag tawu dahil nagbagaw siya sa kanta sa ngaran Panginuun nita Diyus.”

Hirimyas 32:2

Sa tunda pag udas, nasalikup ti Hirusalim manga sundalu Babilunya, ag si Purupita Hirimyas napirisu sa punduhan manga guwardiya sa balay hari sa Huda.

Hirimyas 37:20

Dapat taynguna, Mahal Hari, nu mahimu duy patingihi niyu waydi aku. Magpakihampang aku kuntay danga yi duy nimu aku ibalik sa kay balay ni Hunatan manugsurat dahil mamatay aku ati.”

Hirimyas 37:4

Pagka tida pag udas, unman waya napirisu si Hirimyas nakan malaya siya mag-atag una naan.

Hirimyas 38:26

Nu mangyari inda, sabihun nimu sa kanda, ‘Nagpakihampang aku sa hari kuntay danga niya aku pag-ibalik ati sa balay ni Hunatan barang mamatay aku ati.’ ”

Hirimyas 38:6

Nakan bin-ul nida si Hirimyas sa pirisuhan bag-u ipinadugsun nida sa bubun ati sa punduhan manga guwardiya sa balay hari. Inda pag bubun magkaapu ni Malkiyas anak hari. Unman may danum ti bubun dapat may lutuk, harus mitalnud ati si Hirimyas.

Hirimyas 39:15

Katpung si Hirimyas nakapirisu waya sa punduhan manga guwardiya sa balay hari, sinabi Panginuun sa kanya

Matiyu 21:35

Dapat ay dinuksulan manga manugtarabahu kay manga panawuhun, binakul nida kay usa, minatay kay usa, kay ikatlu binatu nida.

Matiyu 23:34

Nakan ngani magsugu aku manga purupita atabug sa kanyu, manga madunung pag tawu hanggan manga manugtudlu. Matyun niyu aban ti iba, kay iba ipaku niyu sa kurus, kay iba garutihun niyu aban sa kanyu manga simbahan, kanyu unu-unuhun sa kabanwa-banwahan.

Lukas 22:64

Tinakluban nida kay mata bag-u pinaingana nida siya, “Pintua nimu hintay ti nagbakul sa kanmu?”

Huwan 18:22

Pagka sinabi ni Hisus tunda, sinampal siya usa ka pulis matindugan siyun. Sinabi pulis magkun, “Katida aw lugud kanmu isagut sa Pangulu Manug-asiwa Balay Diyus?”

Binwat 5:18

Nakan ngani sida nangalistu yi bag-u ipinadakup yi nida ti manga apustul kanda ipinaslud sa pirisuhan sa banwa.

Binwat 5:28

“Hinigpitan yi nimi kamu magkun danga yi gid kamu magtudlu tungkul sa kamaskihan ni Hisus. Dapat malu, hintay ngap kanyu binwat? Sa buu banwa Hirusalim tanan-tanan tawu nakadnug yi gid kanyu tudlu. Gustu waya niyu kami pakan-an saragtun tungkul sa kamatayan siyun pag tawu.”

Binwat 5:40

Pagka ipinaslud maan nida ti manga apustul, kanda ipinahampak bag-u kanda sinabihan magkun, “Danga yi kamu magtudlu tungkul sa kan Hisus.” Bag-u kanda pinalpasan.

Ipinakakit 2:10

Danga duy kadalaan nimu ti manga kakurian kanmu patabgan udyi dugay aban. Malu, ipapirisu diyablu ti iba sa kanyu hampay kamu kay subukan. May tiisun gid kamu sa sulud sampulu ka sirang. Pagpakarig-un duy kawu hanggan tugka sa kamatayan bag-u pakan-an niku kawu buhi imaw yi kang pirimyu sa kanmu nanalu.