Hirimyas 36:7 - Hanunuu

⁷ Barang abi sa panab-anan inda pumakarani sida sa Panginuun ag patlikudan nida ti daut nida pag-ugali. Dahil pinakan-an yi sida pasandam Panginuun kuntay sida parusahan niya dahil sa masyadu niya pag galit sa kanda.”

Hirimyas 36:7 Iomraidhean Croise

2 Hari 22:13

“Pagpaingana kamu sa Panginuun para sa kangku ag para sa nasakupan Huda tungkul sa nakasurat sa ribru nakitan. Masyadu gid ti pangagalit Panginuun sa kanta dahil unman nagsunud kanta manga ginurang sa nakasurat sa inda pag ribru, ti pag-isugu diman sa kanta.”

2 Hari 22:17

Ipakakit gid niku kang pangagalit sa inda pag rugar ag balaw inda umapas, dahil binugyahan aku nasakupan ag nagsunug sida kamangyan sa pagsamba sa tuhay pag diyus. Ginalit gid nida aku sa kanda manga binuwat.’

2 Krunika 34:21

“Pagpaingana kamu sa Panginuun para sa kangku ag para sa manga nasawad nasakupan Israil ag Huda tungkul sa nakasurat sa nakitan pag ribru. Masyadu gid ti pangagalit Panginuun sa kanta dahil unman nagsunud kanta manga ginurang sa binagaw Panginuun nakasurat sa inda pag ribru.”

Hirimyas 1:3

Parargu kay magpakaun tultulanun ti Panginuun sa kan Hirimyas tugka sa panahun maghari ni Hihuyakim kay anak ni Usyas, hanggan waya sa ika-11 pag timpu kay maghari ni Sidikyas kay anak diman ni Usyas. Pagka sa ikalima pag bulan sa ati pag timpu, binihag ti manga taga Hirusalim.

Hirimyas 16:10

“Nu sabihun nimu sa manga tawu inda pag manga bagay ag mamaingana sida, ‘Hintay ti nabwat nimi pag kasalanan sa Panginuun nimi Diyus? Hayga kami pinakan-an pasandam Panginuun kuntay rumas-ug sa kanmi ti katida pag kadamhakan?’

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 21:5

Aku ngapu ti lumaban sa kanyu sa panab-anan kapangyarihan niku dahil sa masyadu pag pangagalit niku.

Hirimyas 25:5

Magkun ti Panginuun sa panab-anan nida, “Patlikudi yi niyu kanyu manga daut pag ugali hanggan buwat hampay parargu kamu mangulian hanggan aban sa inda pag daga inayaw niku sa kanyu ag sa manga ginurang niyu.

Hirimyas 26:3

Barang abi mamatingi sida sa kanmu ag pumatlikud sa daut nida ugali. Nu kanda buwatun inda, balaw yi niku iparargu kang gayak kadamhakan sa kanda dahil sa kanda daut pag manga buwat.

Hirimyas 36:3

Barang abi man-ampu ti manga nasakupan Huda nu madnugan nida ti tanan kadamhakan kang paggayakun buwatun sa kanda ag patlikudan nida ti daut pag ugali nida. Bag-u nu mangyari inda, patawadun niku sida sa kanda manga kadautan ag kasalanan.”

Hirimyas 37:20

Dapat taynguna, Mahal Hari, nu mahimu duy patingihi niyu waydi aku. Magpakihampang aku kuntay danga yi duy nimu aku ibalik sa kay balay ni Hunatan manugsurat dahil mamatay aku ati.”

Hirimyas 4:4

Lumpiyuha niyu kanyu manga tagipusuun sa atubangan Panginuun, kamu pag manga taga Huda ag taga Hirusalim, dahil nu balaw katida malakawan niyu ti isug niku ga apuy unman magkapsa dahil sa binwat niyu pag kadautan.

Hirimyas 42:2

Magkun sida kan Hirimyas, “Magpakihampang kami sa kanmu, kami ti manga nasawad, idarangin nimu kami sa Panginuun nimu Diyus. Mayamu kami kaybi, dapat taynguna pira wadi parihu sa kanmu mag-akitan.

Karukuan 4:11

Ipinasamit Panginuun kay buu pangagalit sa Hirusalim. Nakan inirub niya inda hanggan ti manga patakinan inda.

Isikil 12:3

Nakan anak tawu, pagpakakit kawu ga sa pagbihagun kawu. Pag-alistu kawu kanmu dararan-un ag paglakaw sa tuhay pag rugar. Buwata inda sa sirang hampay makitan manga tawu. Barang sa panab-anan waya inda maisip nida manga maglaban sida pag nasakupan.

Isikil 13:13

“Nakan aku, ti Panginuun Diyus, magkun: Sa kang masyadu pag pangagalit, rup-agun niku ti manga alad batu sa panab-anan mabaskug pag bagyu, uran yilu ga manga batu, ag mabaskug pag uran.

Isikil 20:33

Aku, ti Panginuun Diyus buhi, magsumpa pamahalaan niku kamu sa panab-anan niku kamaskihan ag pangagalit.

Isikil 22:20

parihu sa tawu magtipun pilak, galang, baul, timga ngatay lata hampay tunawun sa maglabdaban hurnuhan. Hu, tipunun niku kamu sa Hirusalim sa kang masyadu pag pangagalit, ag ati parusahan niku kamu ga sa manga baul pagtunawun.

Isikil 5:13

“Nu mangyari yi inda madura yi kang masyadu pag pangagalit sa kanyu, ag makabalus yi aku. Nu maipasamit yi niku sa kanyu kang pangagalit, maalaman niyu aku, ti Panginuun, nagpakihampang sa kanyu dahil sa kang masyadu pag pangagalit sa kanyu.

Isikil 8:18

Nakan masamitan nida kang pangagalit. Balaw gid niku sida kaawaan. Una manringgit waya sida mabisug sa paghagad awat sa kangku, balaw niku sida patingihan.”

Danyil 9:13

Nagras-ug inda pag parusa sa kanmi angay sa nisurat sa Kasuguan ni Muysis. Lang madi katida ti nangyari, Panginuun nimi Diyus, balaw nimi sinikap makabaya kawu sa kanmi sa panab-anan pagpatlikud sa kanmi manga kasalanan ag ti pagkilala sa kanmu katutuuhanan.

Danyil 9:18

Diyus, patingihi aku. Bantayi kanmi kaawaawa pag kahamtangan hanggan ti pagkadaut nimu banwa nu naan pagkilalan-un kanmu ngaran. Unman kami magdarangin sa kanmu dahil matadlung kami, nu unman dahil alam nimi kuntay maawaun gid kawu.

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”

Huwil 2:12

Magkun ti Panginuun, “Pagbalik kamu sa kangku sa buu niyu tagipusuun, danga maghandum karan-unun, paglumi ag pagpanrukuan.

Huwil 2:13

Pag-ampu kamu sa buu niyu tagipusuun ag balaw pabalhinguun lang pag patawad sa panab-anan paggisi kanyu manga rutay. Pagbalik kamu sa Panginuun niyu Diyus, dahil maawaun siya ag marapasunaidun. Maawaun siya balaw magalitun. Alistu siya umanun kay isip hampay balaw yi mamadara parusa.

Hunas 3:8

Pagrutay saku kamu tanan, hanggan yi ti manga hayup, bag-u pangungud kamu sa darangin tabug sa Diyus. Pagpatlikud kamu sa kanyu daut pagpangabuhi hanggan sa kanyu maggiit.

Sakaryas 1:4

Danga niyu paghuwada ti binwat niyu manga ginurang. Sinugu niku kaybi ti manga purupita hampay sabihan sida patlikudi yi nida kanda manga daut pagbuwatun, dapat unman sida naniwala. Unman gid sida nagsunud sa kangku.

Diyuturunumiyu 31:16

Nagbagaw ti Panginuun sa kan Muysis, “Arani yi kawu mamatay ag miminsan sa kanmu manga ginurang. Nu udyi kawu, inda pag manga tawu mansamba sa iba pag manga diyus imaw ti pagsambahun manga tawu ati sa atagan nida pag daga. Bugyahan nida aku ag lapastanganun kang binwat kasunduan sa kanda.

Diyuturunumiyu 31:17

Sa ati pag sirang, mangisug aku sa kanda ag bugyahan niku sida. Patlikudan niku sida bag-u maruris sida. Mayamu pag kadamhakan ag kakurian ti rumas-ug sa kanda, bag-u sa tunda pag udas mamaingana sida, ‘Nagras-ug aw sa kanta inda pag kadamhakan dahil balaw kita pag-ibahan Panginuun?’