Hirimyas 36:23 - Hanunuu

²³ Sa kada magbasa ni Hihudi tulu hanggan upat ka padalan, pagpuldun hari kay baliw sa panab-anan niya siyaw ag pag iyamut niya sa apuy tugka sa mairub ti tanan kasuratan.

Hirimyas 36:23 Iomraidhean Croise

1 Hari 22:27

Ag sabihun niyu sa kanda nagsugu aku kuntay pirisuha inda pag tawu. Tinapay ag danum lang ti ipakaun sa kanya tugka sa makabalik aku may kahusayan ginan sa labanan.”

1 Hari 22:8

Sinmagut si Akab sa kan Husapat, “May usa waya ti mahimu nita mapaingan-an — si Mikaya kay anak ni Imla. Dapat magkagalit aku sa kanya dahil balaw siya may marinu pag-ihula tungkul sa kangku, lunsay kadautan.” Sinmagut si Husapat, “Danga kawu magbagaw katunda.”

Kanta 50:17

Pagkadat-an niyu kang magtamyaw sa kanyu; unman niyu pagpansinun kang manga pagbagawun.

Kabagawan 1:30

Binugyahan niyu kang manga paanyu ag ikinadaut kang pagtigayun sa kanyu.

Kabagawan 13:13

Midamhak ti tawu magbugya sa manga pag-itudlu ag pag-isugu sa kanya, dapat ti tawu magsunud pakan-an pirimyu.

Kabagawan 19:21

Mayamu kanta gayak, dapat ti kagustuhan Panginuun di ti masunud.

Kabagawan 21:30

Unman may kadunungan, pan-intindi ngatay patigayun ti pumarihu sa Panginuun.

Kabagawan 29:1

Ti tawu magpaganit waya gid kay tagipusuun una pira yi ginan siya tamyawun midamhak lang rargu ag unman yi makabangun waya.

Kabagawan 5:12

Ag sumabi kamu, “Malu ngani dahil unman niku binati ti manga pagtadlung sa kang sadili.

Hirimyas 36:2

“Pagbuul kawu masuratan ag isurat nimu ti tanan niku sabihun sa kanmu tungkul sa Israil, Huda ag sa tanan nasyun. Isurat nimu ti tanan sabihun niku, ginan sa un-an kawu niku hampangun sa udas ni Hari Husyas tugka taynguna.

Hirimyas 36:27

Pagka sinunug hari ti malulunan pag kasuratan ti ipinasurat ni Hirimyas sa kan Baruk, magkun ti Panginuun sa kan Hirimyas,

Hirimyas 36:28

“Utru maan kawu bum-ul malulunan pag suratan bag-u utru maan nimu isurat ti tanan nakasurat sa kabag-u pag kasuratan inirub ni Hari Hihuyakim.

Ipinakakit 22:19

Nu may tawu magbawas sa manga bagaw ipinurupita nisurat sitay pag ribru, bul-an diman siya Diyus karampatan sa manga nisurat sitay pag ribru. Dayu siya makakaun burak kayu kabuhian, dayu waydi siya makasulud sa Banal pag Banwa.