Hirimyas 36:2 - Hanunuu

² “Pagbuul kawu masuratan ag isurat nimu ti tanan niku sabihun sa kanmu tungkul sa Israil, Huda ag sa tanan nasyun. Isurat nimu ti tanan sabihun niku, ginan sa un-an kawu niku hampangun sa udas ni Hari Husyas tugka taynguna.

Hirimyas 36:2 Iomraidhean Croise

Isra 6:2

Dapat ati di pag nakitan sa balay hari sa Ikbatana, sakup purubinsiya Midya, ti usa ka malulunan pag kasuratan may nakasurat:

Hub 31:35

“Nu may mamatingi lang mana sa kangku! Taynguna, alistu aku pumirma sa pagpatutuu kuntay unman aku may kasalanan. Nu may pag ibangdan sa kangku ti Makamaskihan pag Diyus, pumakihampang aku sa kanya kuntay sabihun niya tunda sa kangku aw ngatay isurat lang niya.

Kanta 40:7

Nakan magkun aku, “Inda aku, alistu sumunud sa kanmu manga sugu angay sa nisurat sa Kasuratan tungkul sa kangku.

Pag-ighit 17:14

Pagkatapus, magkun ti Panginuun sa kan Muysis, “Isurat duy nimu inda hampay balaw malimtan ag ipaalam nimu sa kan Huswi kanmu isinurat: Tabuhun gid niku ti lahi manga Amalikita.”

Isayas 8:1

Magkun ti Panginuun sa kangku, “Pagbuul kawu usa ka malapad pag sururatan, ag isurat nimu inda pag manga bagaw: ‘Mahir Salal Has Bas.’ ”

Hirimyas 1:10

Taynguna pag sirang pakan-an niku kawu kapangyarihan magbagaw sa manga nasyun hanggan sa manga kaharian. Sabihun nimu sa kanda kuntay ti iba sa kanda midamhak gid, ti iba bumangun di ag tumindug uman.”

Hirimyas 1:5

“Hirimyas, bag-u kawu hinistuda sa tiyan nimu ina, pinili yi niku kawu. Bag-u kawu ilinusad, pinili yi niku kawu hampay mamurupita sa manga nasyun.”

Hirimyas 1:9

Bag-u hinikap Panginuun kang tarip bibig ag magkun, “Ipakaun niku sa kanmu taynguna ti sarabihun nimu pag manga bagaw niku.

Hirimyas 2:4

Patingihi niyu ti tultulanun Panginuun, kamu pag manga nasakupan Israil, linahi ni Hakub.

Hirimyas 25:3

Sa sulud 23 ka timpu ginan sa ika-13 pag timpu kay maghari sa Huda ni Husyas kay anak ni Hari Amun tugka taynguna, ti Panginuun maghampang sa kangku. Ag parargu waydi pagsabihun niku sa kanyu ti pag-ipasabi niya, dapat unman kamu namatingi.

Hirimyas 36:14

Nakan kadaka sinugu manga takinan si Hihudi kay anak ni Nitanyas kay laki ni Silimya, ag kay laki sa tuud ni Kusi kuntay atihi si Baruk ag sabihun daran-a niya ti malulunan pag kasuratan kay binasa niya sa manga tawu, ag pag-atag sa kanda. Nakan nag-atag ngani si Baruk dara tida pag kasuratan.

Hirimyas 36:18

Sinmagut si Baruk, “Hu, sinabi sa kangku ni Hirimyas ti kada bagaw sa malulunan pag sururatan inda isinurat niku waydi sa panab-anan tinta.”

Hirimyas 36:23

Sa kada magbasa ni Hihudi tulu hanggan upat ka padalan, pagpuldun hari kay baliw sa panab-anan niya siyaw ag pag iyamut niya sa apuy tugka sa mairub ti tanan kasuratan.

Hirimyas 36:29

Bag-u sabihun nimu sa hari kuntay inda ti pagsabihun niku, ‘Inirub nimu ti malulunan pag kasuratan dahil pagsabihun ati kuntay wayakun hari Babilunya inda pag daga, ag matyun kay manga tawu hanggan manga hayup.

Hirimyas 36:6

Nakan kawu yi lang ti umatag ati sa sirang pauray sa darangin. Maniripnan ati ti manga nasakupan sa Huda ginan sa banwa nida. Basahun nimu sa kanda ti pagsabihun Panginuun inda sa kasuratan itinultul niku sa kanmu.

Hirimyas 45:1

Katpung ikap-at pag timpu kay maghari ni Hihuyakim kay anak ni Hari Husyas sa Huda, isinurat ni Baruk ti manga sinabi ni Purupita Hirimyas sa kanya.

Hirimyas 51:60

Isinurat ni Hirimyas sa balunbun ti tanan kadamhakan rumas-ug ag mangyari sa Babilunya.

Isikil 2:9

Bag-u nakitan niku ti usa ka kamang magpatugut sa kangku usa ka linuhut pag kasuratan.

Husyas 8:12

Ipinasurat niku ti mayamu pag manga kasuguan para sa kanda, dapat binaliw nida tunda para sa iba balaw para sa kanda.

Diyuturunumiyu 31:24

Pagka nisurat yi ni Muysis ti tanan pag sugu sa ribru,

Hibriyu 10:7

Bag-u sinabi niku, ‘Diyus, nagsitay yi aku hampay tupadun niku kanmu kagustuhan, angay sa isinurat sa ribru Kasuguan tungkul sa kangku.’ ”