Hirimyas 35:6 - Hanunuu

⁶ Dapat sinmagut sida, “Balaw kami mag-inum intus. Ibinilin sa kanmi nimi ginurang ni Hunadab kay anak ni Rikab kuntay kami hanggan kanmi linahi danga gid mag-inum intus.

Hirimyas 35:6 Iomraidhean Croise

Gimpuunan 25:27

Igu nagdaka ti duwa ka lapsag, binmaliw maliksi pag manug-idu si Isaw ag pirmi siya sa tanman, ag si Hakub waydi mabuut pag tawu ag pirmi siya sa sulud manga turda.

Gimpuunan 36:7

Dahil balaw sida mahimu magminsan sa usa ka daga dahil sa kayamuun nida manga kasiyunan; ag ti inulianan nida pag daga balaw kang-ud sa kanda dahil mayamu kanda manga hayup.

2 Hari 10:15

Pag-ighit ni Hihu ati, nakitan niya si Hihunadab kay anak ni Rikab magras-ug sa pagsulang sa kanya. Kinamusta siya ni Hihu ag pinaingana, “Matinupadun aw kawu sa kangku parihu sa kang pagkamatinupadun sa kanmu?” Sinmagut si Hihunadab, “Hu duy.” Magkun si Hihu, “Nu katida, haytag kanmu kamang.” Itinunghul ni Hihunadab kay kamang ag ipinasaka siya ni Hihu sa kay kalisa.

2 Hari 10:23

Rargu napaslud si Hihu ag si Hihunadab kay anak ni Rikab sa simbahan ni Baal. Magsabi si Hihu sa manga manugsirbi ni Baal, “Pihuun niyu unman may malakayan sa kanyu manga tawu magsirbi sa Panginuun. Kailangan kamu lang ti manugsirbi kan Baal ti sitay.”

1 Krunika 16:19

Kaybi pira-pira lang di waya ti nasakupan Diyus, ag manga day-uhan lang di waya sida sa daga Kanaan.

1 Krunika 2:55

ag ti manga linahi madunung sa magsurat manga papilis mag-ulian ati sa banwa Habis ti manga Tiratiyu, Simyatiyu, hanggan ti Sukatiyu. Sida ti manga Kiniyu ginan sa kan Hamat, ti nagpundar sa Bit Rikab.

Kanta 105:12

Kaybi pira-pira waya ti nasakupan Diyus, ag manga day-uhan waya sida sa daga Kanaan.

Pag-ighit 20:12

“Galanga niyu kanyu ama ag ina hampay mabuhi kamu dugay sa pag-ipakaun niku pag daga sa kanyu.

Hirimyas 35:10

Nangulian kami sa manga turda ag sinunud gid nimi ti tanan isinugu sa kanmi ni Hunadab kanmi ginurang.

Hirimyas 35:14

Si Hunadab kay anak ni Rikab nagsugu sa kay manga linahi kuntay balaw sida manginum intus, ag sinunud nida inda. Taynguna tugka, balaw sida mag-inum intus dahil pagsundun nida ti sugu nida ginurang ni Hunadab. Dapat kamu unman magsunud sa kangku, una pira yi ka bisis aku magsabi sa kanyu

Libitiku 10:9

“Kawu hanggan kanmu manga anak balaw mahimu magsulud sa Turda nu nakainum intus ngatay una hintay pag kalasi irinmun makalangu. Nu buwatun niyu tunda, pihu gid mamatay kamu. Inda pag manga surundanun kailangan gid niyu tupadun tugka sa sunud pag manga sinulput tawu.

Lukas 1:15

Dahil may kamaskihan siya aban sa atubangan Panginuun. Danga uminum siya intus, una hintay pag manga makalangu pag irinmun. Ginan di waya sa sulud tiyan niya ina sa kanya yi ti Ispiritu Banal.”

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.

Talaghusay 13:14

Danga siya magkaun una hintay ginan sa ubas. Danga diman siya mag-inum intus ngatay una hintay pag kalasi irinmun makalangu, ngatay magkaun una hintay pag karan-unun pagbaliwun mauring. Kailangan sundun gid niya ti tanan sinabi niku sa kanya.”

Talaghusay 13:7

Magkun siya sa kangku mamuduy aku ag manganak lalaki. Sinabihan diman niya aku danga mag-inum intus ngatay una hintay pag kalasi irinmun makalangu, ngatay magkaun una hintay pag karan-unun pagbaliwun mauring, dahil ti ianak niku pag lapsag italaga sa Diyus bilang usa ka Nasariyu ginan sa kay pagkalusad tugka sa mamatay siya.”