Hirimyas 35:4 - Hanunuu

⁴ Dinara niku sida sa Balay Diyus Panginuun, ati sa sulud-sulud manga anak lalaki ni Hanan kay anak ni Igdalyas imaw ti manugsirbi Diyus. Inda pag sulud-sulud tupad sa sulud-sulud manga takinan ag ati sa tungud sulud-sulud ni Maasiyas kay anak ni Salum, ti manugbantay sabian Balay Diyus.

Hirimyas 35:4 Iomraidhean Croise

1 Hari 12:22

Dapat magkun ti Diyus sa kan Simaya sa kay suruguun,

1 Hari 13:1

Sinugu Panginuun ti usa ka suruguun niya taga Huda kuntay pag-atag sa Bitil. Pagras-ug niya ati, matindugan si Hirubuam sa arani harandugan hampay manhandug.

1 Hari 13:26

Pagka naalaman inda gurangun purupita, magkun siya, “Siya ti suruguun Diyus, naglabag sa bagaw Panginuun. Pinabay-anan siya Panginuun hampay sunggaban liyun ag matyun, angay inda sa sinabi Panginuun sa kanya.”

1 Hari 17:18

Magkun ti babayi sa kan Ilyas, “Unu duy ti pag-ikagalit nimu sa kangku, manugsirbi Diyus? Nangataytag aw duy kawu sitay hampay matyun kang anak bilang parusa sa kang manga kasalanan?”

1 Hari 17:24

Rargu sinabi babayi sa kan Ilyas, “Taynguna napatutuuhanan niku manugsirbi ngani kawu Diyus ag tutuu magbagaw ti Panginuun sa panab-anan nimu.”

1 Hari 20:28

Nag-atag ti manugsirbi Diyus sa hari Israil ag magkun, “Inda duy ti pagsabihun Panginuun: Paghantupun manga Aramiyu kuntay diyus aku manga bantud ag balaw diyus manga karatagan, nakan ipatalu niku sa kanmu ti mayamu nida sundalu hampay maalaman niyu, aku ti Panginuun.”

2 Hari 1:9

Bag-u ipinaati hari ti usa ka takinan sundalu kaibahan ti 50 ka manga tawuhan hampay dakpun si Ilyas. Natakdan takinan sundalu si Ilyas matukawan sa babaw bungtud, magkun siya, “Suruguun Diyus, magbilin ti hari pag-ati kawu sa kanya.”

2 Hari 12:9

Nam-ul si Hihuyada kahun ag tinuhuan niya kay taklub tunda. Bag-u ipinauli niya tunda sa saruy harandugan, sa sikun baliwa nu magsaka sa Balay Diyus Panginuun. Nu may magpakaun ngani kuwarta sa Balay Diyus, ti manga manughandug ti magtanud sa sabian imaw ti magsukad inda sa kahun.

2 Hari 25:18

Binihag diman ni Nibusaradan si Siraya pangulu manughandug, si Sipanyas dasun sa katungkulan ni Siraya, hanggan ti tulu ka guwardiya sa sabian Balay Diyus.

2 Hari 5:14

Nakan linmakaw ngani si Naaman tabug sa Sapa Hurdan ag napatalgub kay sadili makapitu ka bisis, angay sa pagsabihun suruguun Diyus. Tunda ginan mayad yi kay sakit ag malumpiyu yi kay lukub parihu sa lukub lapsag.

2 Hari 5:20

magkumun si Gihasi sa kay sadili, “Pinaginan niku amu si Naaman taga Aram, unman niya tinanggap kay dara pag pamakaun. Magsumpa aku sa buhi pag Panginuun, bukadun niku siya ag manhagad aku una hintay sa kanya.”

2 Hari 6:10

Nakan pinmasugu ti hari Israil sa tunda pag daga kay pagsabihun ni Ilisyu hampay sabihan ti manga mag-uli ati kuntay pag-alistu daan sida. Pirmi magpaandam si Ilisyu sa hari.

2 Hari 7:17

Ti ipinauli hari manug-ampara sa maglinuwang manga tawu sa puwirtahan banwa imaw ti masarigan niya pag takinan. Dapat naplid siya ag tinatatataan lang manga tawu ati sa puwirtahan, ag namatay siya angay sa pagsabihun ni Ilisyu kay suruguun Diyus katpung nag-ati ti hari sa kan Ilisyu.

2 Hari 7:2

Magkun ti pagpiyaran hari pag takinan, “Una waya bukasan Panginuun ti manga gaha sa langit, unman yi gid mangyari inda.” Sinmagut si Ilisyu, “Makitan nimu mangyari gid inda, dapat unman kawu makakaun tunda.”

1 Krunika 9:27

Mapulawan sida sa pagbantay sa sangput Balay Diyus dahil kailangan gid nida inda bantayan ag bukasan kada surip.

2 Krunika 8:14

Ag angay sa surundanun niya ama ni Dabid, ginurupu niya ti manga manughandug hanggan ti manga Libita para sa kanda manga buruwatun. Ti manga Libita imaw ti mag-una sa manga tawu sa pagdayaw sa Diyus ag sida ti mag-awat sa manga manughandug sa kanda buruwatun sa Balay Diyus sirang-sirang. Ginurupu diman niya ti manga guwardiya sa kada sabian sa Balay Diyus, dahil inda ti sugu ni Dabid ti manugsirbi Diyus.

Kanta 84:10

Ti usa ka sirang pagpangulian sa kanmu Balay mayad waya kaysa usa ka libu sirang pagpangulian sa una naan pag rugar. Diyus, palabihun waya niku manindug sa sabian nimu Balay kaysa mangulian sa balay manga magbuwat daut.

Hirimyas 21:1

Taynguna, nagbagaw sa kangku ti Panginuun pagka isinugu sa kangku ni Hari Sidikyas si Pasur kay anak ni Malkiyas hanggan si Sipanyas kay anak ni Maasiyas. Magkun sida sa kangku,

Hirimyas 26:10

Pagka nadnugan inda manga may kangaranan sa Huda, ginminan sida sa balay hari ag nag-ati sa Balay Diyus. Tinmukaw sida sa may lakawan sa Bag-u Sabian Balay Diyus hampay manhusay.

Hirimyas 35:3

Nakan inatihan niku si Haasanyas (anak siya usa diman sa pag ingarnan Hirimyas, kay anak ni Habasinyas) ag ti tanan patar-ari hanggan kay manga anak. Sida ti buu magtal-anakan manga Rikabita.

Hirimyas 52:24

Binihag diman ni Nibusaradan sida ni Siraya pangulu manughandug, si Sipanyas ti pangadwa pag pangulu manughandug ag ti tulu ka manugbantay sabian Balay Diyus.

Isikil 40:38

Bag-u may nakitan aku sulud-sulud may sabian, sa tupad sarakahan sa may lakawan sa salatan. Ati pag-ugasan ti manga handug surunugun.

Isikil 43:8

Katpung sa kabag-u nagpatindug sida harandugan para sa kanda manga diyus-diyusan sa tupad niku harandugan, alad batu lang kay tab-anan. Inuringan nida kang banal pag ngaran sa panab-anan sa inda pag manga mayagting buwat. Nakan sa kang pangagalit, ipinadamhak niku sida.

Diyuturunumiyu 33:1

Inda ti sinabi ni Muysis imaw ti manugsirbi Diyus pag papalad sa manga Israilita bag-u siya namatay.

1 Timutiyu 6:11

Dapat kawu duy ti suruguun Diyus, pag-iwas kawu sa tunda pag manga bagay. Isipa gid nimu, pagkaayad kanmu ugali sa magpakatadlung, sa pagpasakup sa Diyus, sa pagsarig, sa pagmahal, sa pagtiis hanggan sa maalumanay.

2 Timutiyu 3:17

hampay ti tawu magsirbi sa Diyus madunung ag alistu yi sa tanan mayad pag buruwatun.

Huswi 14:6

Ati katpung nag-atag sa kan Huswi sa Gilgal ti pira ka tawu ginan sa lahi ni Huda. Kay usa inda si Kalib anak ni Hipuni usa ka Kinisiyu. Magkun siya sa kan Huswi, “Magkaala-ala aw waya nimu ti sinabi Panginuun sa kan Muysis, ti suruguun Diyus, tungkul sa kanta duwa katpung ati kita sa Kadis Barnia?

1 Samwil 2:27

Pagka dugay, may usa ka purupita nag-ati sa kan Ili, kay sabi magkun, “Inda kay sinabi Panginuun magkun, ‘Napakakit aku sa kanmu ginurang sa kan Aarun hanggan sa kay magtal-anakan katpung ati di waya sida sa Ihiptu panawuhun hari Ihiptu.