Hirimyas 35:2 - Hanunuu

² “Pag-atag kawu sa magtal-anakan manga Rikabita ag sabihun nimu sa kanda pag-atag sida sa usa sa manga sulud-sulud sa Balay Diyus ag painman nimu sida intus.”

Hirimyas 35:2 Iomraidhean Croise

1 Hari 6:10

Ag ti manga sulud-sulud sa manga saruy hanggan sa dayu Balay Diyus kay abwat lima ka luk-an siku madamitan sa Balay Diyus sa panab-anan diman manga kayu sidru.

1 Hari 6:8

Ti lakawan pasulud sa un-an pag ugpu salug ati sa may salatan baliwa Balay Diyus. May manga agdan atabug sa ikadwa ag ikatlu pag ugpu salug.

1 Krunika 2:55

ag ti manga linahi madunung sa magsurat manga papilis mag-ulian ati sa banwa Habis ti manga Tiratiyu, Simyatiyu, hanggan ti Sukatiyu. Sida ti manga Kiniyu ginan sa kan Hamat, ti nagpundar sa Bit Rikab.

1 Krunika 23:28

Ti katungdanan sa manga Libita imaw ti umawat sa manga manughandug manga lahi ni Aarun sa pagsirbi sa Balay Diyus Panginuun. Sida ti mangasikasu sa manga sugkadan Balay Diyus ag sa manga sulud-sulud sa suuk, ag sida diman ti mangawat sa manga tun-anun sa paglumpiyu ag sa iba waya pag buruwatun sa Balay Diyus.

1 Krunika 28:12

Ipinakaun ni Dabid inda tanan pag mustara ti itinudlu sa kanya Ispiritu para sa pagpatindug sa manga sugkadan Balay Diyus Panginuun, sa tanan pag sulud-sulud sa sangput, ag sa manga haramnuan sa Balay Diyus, kaibahan yi ti manga haramnuan para sa manga bagay ihinandug.

1 Krunika 9:26

Dapat ti upat ka takinan manga guwardiya sabian, ginan sa manga Libita, imaw ti may karampatan sa manga sulud-sulud hanggan sa manga balay haramnuan Balay Diyus.

1 Krunika 9:33

Ti manga manugkanta sa Balay Diyus manga takinan manga magtal-anakan lahi ni Libi, ati diman pagmag-uli sa sulud-sulud Balay Diyus ag unman yi sida may iba manga buruwatun, dahil magbuwat sida kanda buruwatun sirang yabi.

2 Krunika 3:9

Ti manga paku ginamit pinahaklupan diman gintu kay timbang tunga sa kilu. Kay manga lingub sulud-sulud sa tungud pinahaklupan diman gintu.

2 Krunika 31:11

Nagsugu si Isikyas kuntay pagbuwat manga haramnuan sa Balay Diyus Panginuun, ag nangyari ngani inda.

Isra 8:29

Dahani niyu inda mayad hanggan sa madara niyu inda sa manga sulud haramnuan sa Balay Diyus sa Hirusalim unman may kurang, sa atubangan manga pangulu manughandug, manga Libita, ag sa manga takinan magtal-anakan manga Israilita.”

Nihimyas 13:5

nagpasnu sa kan Tubyas kuntay gamitun niya ti usa ka daka pag sulud-sulud sa Balay Diyus. Inda pag sulud-sulud paggamitun kaybi haramnuan para sa manga handug karan-unun, kamangyan, manga kagamitan sa Balay Diyus, manga handug sa manga manughandug, manga ikasampulu manga ani, irinmun ubas, hanggan lana ulibu, angay sa Kasuguan para sa manga Libita, sa manga manugkanta, ag sa manga guwardiya sabian.

Hirimyas 35:3

Nakan inatihan niku si Haasanyas (anak siya usa diman sa pag ingarnan Hirimyas, kay anak ni Habasinyas) ag ti tanan patar-ari hanggan kay manga anak. Sida ti buu magtal-anakan manga Rikabita.

Hirimyas 35:4

Dinara niku sida sa Balay Diyus Panginuun, ati sa sulud-sulud manga anak lalaki ni Hanan kay anak ni Igdalyas imaw ti manugsirbi Diyus. Inda pag sulud-sulud tupad sa sulud-sulud manga takinan ag ati sa tungud sulud-sulud ni Maasiyas kay anak ni Salum, ti manugbantay sabian Balay Diyus.

Hirimyas 35:8

Sinunud nimi ti manga pag-isugu sa kanmi nimi ginurang ni Hunadab. Kami hanggan kanmi manga asawa ag manga anak balaw manginum intus,

Isikil 40:16

May dariit manga gaha sa kada sulud-sulud nu naan magbantay ti manga guwardiya ag katunda diman sa manga alad batu sa karaw-an inda manga sulud-sulud. Inda pag manga alad batu may pamarinu manga inukit kayu palma.