Hirimyas 35:11 - Hanunuu

¹¹ Dapat pagka naggira si Hari Nabukudunusur sa Babilunya sa inda pag nasyun, nadala kami sa manga sundalu Babilunya hanggan Aram, nakan nagpasya kami malagiw ag umatag sa Hirusalim. Inda kay dahilan nakan nangulian kami atay sa Hirusalim.”

Hirimyas 35:11 Iomraidhean Croise

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 35:12

Magkun waya ti Panginuun Makamaskihan, ti Diyus Israil, sa kan Hirimyas, “Pag-atag kawu sa manga nasakupan Huda ag Hirusalim, bag-u sabihun inda: Hayga dayu kamu mamatingi sa manga pag-itudlu niku ag dayu niyu sundun kang manga bagaw?

Hirimyas 8:14

“Bag-u sabihun nida, ‘Unu waya ti pag-alagdun nita? Abala kamu, malagiw yi kita atabug sa manga inaladan batu pag banwa ag ati yi kita pag mamatay. Dahil pinihu yi kita mamatay Panginuun nita Diyus. Ga pinakan-an niya kita danum may hilu hampay inmun, dahil nagsalan kita sa kanya.

Markus 13:14

Magkun si Hisus, “Makitan niyu aban ti lapastangan ud may pumarihu mag-apu sa rugar balaw dapat ulian niya (kailangan intindihun manga manugbasa). Nu mangyari tunda ti manga tawu sa Hudiya pagpalagiw yi tabug sa bantud.