Hirimyas 34:9 - Hanunuu

⁹ Nagsugu si Sidikyas kuntay una si unu ti may manga panawuhun Hibriyu, babayi man ngatay lalaki kailangan nida palpasan. Balaw may kaparihu Hudiyu ti mamirmaminti panawuhun.

Hirimyas 34:9 Iomraidhean Croise

Gimpuunan 14:13

Taynguna, may usa ka tawu nakapalagiw ag nagbarita sa kan Abram tungkul sa nangyari. Si Abram usa ka Hibriyu, mag-uli sa may arani daka puun kayu ni Mamri usa ka Amuriyu. Si Mamri hanggan kay manga patar-ari, sida ni Iskul ni Anir, ti manga kakampi ni Abram.

Gimpuunan 40:15

Dahil ti tutuu, pinilit lang aku dinara sitay sa Ihiptu ginan sa daga manga Hibriyu, ag una sitaay unman diman aku may nabwat kasalanan hampay ipirisu aku.”

Pag-ighit 2:6

Pagka binukasan niya ti duyan-duyan, nakitan niya maglumi ti lapsag, nakan naawa gid siya sa lapsag. Magkun siya, “Usa inda ka lapsag manga Hibriyu.”

Pag-ighit 3:18

“Sundun kawu manga takinan Israil. Bag-u umatag kawu sa hari Ihiptu kaibahan ti manga takinan Israil. Sabihun nimu sa kanya, ‘Napakakit sa kanmi ti Panginuun, ti Diyus manga Hibriyu. Nakan nu mahimu, pasnui nimu kami umighit manga tulu ka sirang atag sa pangawakawaan hampay manhandug sa Panginuun, sa kanmi Diyus.’

Hirimyas 25:14

Buwatun sida suruguun sa mayamu manga nasyun hanggan manga makapangyarihan pag hari. Parusahan niku sida angay sa kanda manga binuwat.”

Hirimyas 27:7

Ti tanan nasyun sumirbi sa kanya, sa kay anak, hanggan sa kay laki tugka sa marangga ti kaharian Babilunya. Bag-u ti Babilunya maan ti sumirbi sa mayamu pag nasyun hanggan sa manga makapangyarihan pag hari.

Hirimyas 30:8

Aku, ti Panginuun Makamaskihan, magsabi sa tida pag udas, balaw yi sida buwatun panawuhun manga taga iba nasyun. Bariun yi niku ti singkaw sa kanda manga liug ag lubadun yi niku kanda manga tarikada.

Hirimyas 34:10

Ti tanan tawu, hanggan ti manga pinunu nagpasnu sa inda pag kasunduan, ag pinalpasan nida kanda manga panawuhun — lalaki man ngatay babayi.

1 Kurintu 6:8

Dapat kamu diman waydi tigbuwat kadautan hanggan magdaya. Ag tunda paman kanyu pagbuwatun sa kanyu manga patar-ari.

2 Kurintu 11:22

Manga Hibriyu aw lugud sida? Aku diman Hibriyu. Manga Israilita aw sida? Aku imaw diman. Linahi aw sida ni Abraham? Aku imaw diman.

Diyuturunumiyu 15:12

“Nu kanmu kaparihu Hibriyu, lalaki man ngatay babayi, ipagpabili sa kanmu bilang panawuhun, ag mansirbi siya sa kanmu sa sulud unum ka timpu, kailangan palpasan nimu siya sa ikapitu pag timpu.

Pilipus 3:5

Pagka sa ikawalu pag sirang ginan sa pagkalusad niku, tinuri aku. Linahi aku ni Israil, minamat ni Binhamin, tutuu gid Hibriyu aku! Sa kang mag-ungud magtupad sa Kasuguan manga Hudiyu, Parisiyu aku.

1 Samwil 14:11

Pagka nakitan sida duwa ati sa kampuhan manga Pilistiyu, rinminggit ti manga Pilistiyu, “Bantayi niyu ti manga Hibriyu! Magpabulwat yi sida ginan sa kanda paratag-an.”

1 Samwil 4:6

Pagka nadnugan manga Pilistiyu ti riringgitan manga Israilita, nagpaingana sida, “Hayga nguna magriringgitan ti manga Hibriyu sa kanda kampu?” Pagka naalaman nida kuntay ti Kaban Kasunduan Panginuun ati sa kampu manga Israilita,

1 Samwil 4:9

Nakan pagpakarig-un gid kita, dahil nu unman, bumaliw kita panawuhun manga Hibriyu parihu sa binwat nita sa kanda. Labanan nita sida.”