Hirimyas 34:3 - Hanunuu

³ Balaw kawu makapalagiw sa kay manga kamang. Dakpun kawu ag ipakaun sa hari Babilunya. Umatubang kawu sa kanya hampay sintinsiyahan ag darahun kawu bihag atag sa Babilunya.

Hirimyas 34:3 Iomraidhean Croise

Hirimyas 21:7

Ag kawu Sidikyas, hari sa Huda, kanmu manga takinan, hanggan ti manga nasakupan nasawad balaw namatay sa sarut, sa girahan, ngatay sa lun-us ipakaun niku sa kan Hari Nabukudunusur sa Babilunya ag sa kanyu iba manga kalaban. Bag-u panmatyun niya kamu unman may pangaawa. Aku, ti Panginuun, ti magsabi inda.’

Hirimyas 32:28

Nakan tandai nimu, ipakaun niku inda pag banwa sa manga taga Babilunya ag sa hari nida sa kan Nabukudunusur bag-u mapasa-kanda inda.

Hirimyas 32:3

Pinirisu siya ati ni Hari Sidikyas dahil sa kay ipinaburayhaw. Dahil pagsabihun ni Hirimyas: “Inda ti pagsabihun Panginuun: Ipakaun niku inda pag banwa sa hari Babilunya ag sakupun niya.

Hirimyas 32:4

Si Hari Sidikyas unman makaribri sa manga taga Babilunya, nu unman ungud iatubang siya sa hari Babilunya hampay sintinsiyahan.

Hirimyas 34:21

“Ipakaun niku si Hari Sidikyas sa Huda hanggan kay manga takinan sa manga sundalu hari Babilunya, ti magkaibug mumatay sa kanda. Lang madi inmapas yi sida sa paggira sa kanyu,

Hirimyas 34:4

Dapat Hari Sidikyas, patingihi nimu kang taratu sa kanmu: Balaw kawu mamatay sa girahan,

Hirimyas 37:17

Sa kadugayun, ipinab-ul ni Hari Sidikyas si Hirimyas bag-u dinara sa balay hari. Lihim niya inda pinaingana, “May itultul aw kawu ginan sa Panginuun?” Sinmagut si Hirimyas, “May imaw! Ipakaun kawu sa hari Babilunya.”

Hirimyas 38:18

Dapat nu balaw duy kawu umampu, ipakaun inda pag banwa sa manga taga Babilunya, bag-u inda duy kanda irubun ag balaw duy kawu makapalagiw sa kanda.’ ”

Hirimyas 38:23

“Darahun duy nida ti tanan asawa ag anak nimu sa Babilunya. Kawu duy unman diman makapalagiw sa kanda; bihagun kawu hari Babilunya. Ag nida pag banwa irubun nida.”

Isikil 12:13

Sudkun niku siya parihu sa hayup ag darahun sa Babilunya sa daga manga Kaldiyu. Dapat balaw niya inda makitan, ag mamatay siya ati.

Isikil 17:15

Dapat naglaban ti hari Huda sa hari Babilunya sa panab-anan pagpadara manga tawu sa Ihiptu sa pagbuul manga kabayu ag mayamu manga sundalu. Manalu aw nguna siya? Makapalagiw aw nguna siya ag makaribri sa parusa sa paglabag niya sa kay kasunduan sa Babilunya?

Isikil 17:16

Unman! Dahil aku, ti Panginuun Diyus buhi, magsumpa kuntay inda pag hari Huda pihu gid mamatay sa Babilunya, dahil linabag niya ti kasunduan kay sinumpaan sa hari Babilunya ti nagbuwat hari sa kanya.

Isikil 21:25

“Kawu pag daut ag makasalanan pag takinan Israil, rinmas-ug yi ti udas parusahan kawu!