Hirimyas 34:17 - Hanunuu

¹⁷ “Nakan aku, ti Panginuun magsabi dahil balaw niyu aku sinunud ag balaw niyu pinalpasan kanyu manga panawuhun manga kasimanwa niyu, pasibut-an niku kamu — mamatay sa girahan, sa lun-us ag sa sakit. Kamu buwatun niku mayagting sa magbantay tanan kaharian sa kalibutan.

Hirimyas 34:17 Iomraidhean Croise

Istir 7:10

Nakan binitay ngani nida si Haman ati sa kay ipinabwat matarum pag kayu para mana sa kan Murdukyu. Bag-u nadura ti pangagalit hari.

Hirimyas 15:2

Nu mamaingana sida nu naan tabug sida, sabihun nimu kuntay inda ti pagsabihun niku: Ti itinigana mamatay pihu magkaramatay. Ti iba itinigana mamatay sa girahan ag ti iba sa lun-us. Ti iba waydi itinigana bihagun.

Hirimyas 15:4

Kadat-an sida tanan nasyun sa kalibutan dahil sa binwat ni Manasis (kay anak ni Isikyas) sa Hirusalim katpung hari waya siya Huda.

Hirimyas 21:7

Ag kawu Sidikyas, hari sa Huda, kanmu manga takinan, hanggan ti manga nasakupan nasawad balaw namatay sa sarut, sa girahan, ngatay sa lun-us ipakaun niku sa kan Hari Nabukudunusur sa Babilunya ag sa kanyu iba manga kalaban. Bag-u panmatyun niya kamu unman may pangaawa. Aku, ti Panginuun, ti magsabi inda.’

Hirimyas 29:17

Padaran-an niku sida girahan, lun-us ag sakit. Miparihu sida sa lugu igus sida unman makaun.

Hirimyas 29:18

Ungud, lagsun sida girahan, lun-us ag sakit, bag-u kayagtingan sida tanan kaharian. Tabugun niku sida una lang naan-naan pag nasyun, bag-u saadan, kayagtingan, sida manga tawu ati.

Hirimyas 32:24

Ag taynguna, pagtap-ukan daga manga taga Babilunya ti saruy alad batu Hirusalim hampay maslud ag maagaw nida ti banwa. Dahil sa girahan, lun-us, ag sakit naagaw manga taga Babilunya ti banwa angay diman sa sinabi nimu.

Hirimyas 32:25

Dapat lang madi katida, Panginuun Diyus sinugu nimu aku hampay bilihun ti tanman sa atubangan manga kastigus una arani yi maagaw manga taga Babilunya inda pag banwa.”

Hirimyas 32:36

“Hirimyas, tutuu ti pagsabihun nimu ipakaun sa hari Babilunya inda pag banwa sa panab-anan girahan, lun-us ag sakit. Dapat taynguna, aku, ti Panginuun, ti Diyus Israil, magkumun:

Hirimyas 34:8

May pagsabihun waya ti Panginuun sa kan Hirimyas katpung nagbuwat kasunduan si Hari Sidikyas sa tanan taga Hirusalim kuntay palpasan niya ti manga panawuhun.

Hirimyas 38:2

una si unu ti patayak sitay sa banwa mamatay sa girahan, lun-us hanggan sakit. Dapat una si unu ti sumuku sa manga taga Babilunya balaw mamatay. Makaribri siya ag mabuhi di.

Karukuan 1:8

Daka gid ti kasalanan Hirusalim, nakan nagbaliw mayagting inda. Ti tanan magdayaw sa kanya kaybi magpuya yi sa kanya, dahil nakitan nida kay kauyaan. Mag-arunghung siya ag magpatlikud sa kay-a.

Danyil 6:24

Nakan nagsugu ti hari kuntay ti tanan nagbangdan sa kan Danyil yamtan sa may liyun kali hanggan kanda manga asawa ag manga anak. Udwaya sida mag-idna sa sirung dinuksulan yi sida manga liyun ag pinanwayak.

Matiyu 7:2

Dahil pihuun kamu Diyus angay sa kanyu magpihu sa iba nu daut nu mayad. Kanyu gamitun pag panukat sa iba imaw diman pag panukat ti gamitun Diyus sa kanyu.

Galasya 6:7

Dagsalan gid ungud kamu sa kanyu pag-iisip. Ti Diyus dayu gid mahimu hakutun tawu. Nu hintay ti ipamgas tawu, imaw diman kay anihun.

Diyuturunumiyu 19:19

kailangan parusahan siya parusa para mana sa namangdan. Kailangan duraun niyu inda pag kadautan sa kanyu.

Diyuturunumiyu 28:25

“Ipatalu kamu Panginuun sa kanyu manga kalaban. Magkarausa kamu man-gira sa kanda, dapat mamululagan kamu malagiw ginan sa kanda. Kadat-an kamu tanan kaharian sa kalibutan.

Diyuturunumiyu 28:64

“Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Ipinakakit 16:6

Pinalanas nida ti dugu manga tawu napasakup sa kanmu hanggan ti dugu manga purupita. Taynguna pinakan-an nimu sida dugu kanda yi irinmun. Tida ti angay yi gid ngani sa kanda binwat kasalanan.”