Hirimyas 34:15 - Hanunuu

¹⁵ Katpung sa nakalawuy pag manga sirang, nag-ampu kamu ag binuwat niyu ti matadlung sa kang magbantay. Nagpasnu kamu tanan kuntay palpasan kanyu manga kasimanwa kanyu binuwat panawuhun. Nagbuwat waya ngani kamu kasunduan sa kangku tungkul siyun ati gid ngap sa Balay Diyus nu naan niyu pagdayawun kang ngaran.

Hirimyas 34:15 Iomraidhean Croise

2 Hari 12:2

Matadlung kay binuwat sa magbantay Panginuun habang buhi siya, dahil tinudluan siya ni Hihuyada.

2 Hari 14:3

Mayad ti binuwat ni Amasiyas sa magbantay Panginuun, dapat unman gid parihu sa binuwat niya ginurang ni Dabid. Ag sinunud niya kay ama si Huas.

2 Hari 23:3

Bag-u nagtindug si Husyas sa saruy tulduk pirmi pagtindugan hari. Ag nagbuwat siya kasunduan sa atubangan Panginuun kuntay sumunud siya sa Panginuun sa panab-anan pagtupad sa kay manga sugu, hanggan tudlu, ag surundanun sa buu niya tagipusuun ag karadwa. Sa kainda pag paraan matupad ti manga pag-isugu sa kasunduan Diyus nakasurat sa inda pag ribru. Ag nangaku diman ti manga tawu tumupad sa kasunduan Diyus.

Nihimyas 10:29

nagsumpa kaibahan nimi manga takinan, kuntay kanmi tupadun ti Kasuguan ipinakaun Diyus sa panab-anan niya manugsirbi si Muysis. Nagsumpa diman kami tanggapun nimi ti saad Diyus nu balaw nimi matupad kanmi itinaratu kuntay sundun ti tanan sugu hanggan manga surundanun Panginuun nimi Diyus.

Kanta 119:106

Tupadun gid niku kang itinaratu sumunud sa kanmu matadlung pag manga sugu.

Kanta 76:11

Pagtaratu kamu sa Panginuun niyu Diyus ag tupada niyu inda. Ti tanan nasyun sa sangput mandara manga pamakaun sa Diyus garalangun.

Isayas 58:2

Magpakarani sida sa kangku sirang-sirang, gustu nida maalaman kang manga palakaw. Nu pagbantayan, bilang sida usa ka nasyun matadlung unman maglabag sa sugu niku. Pag-ipakakit nida ga magkaibug sida pumakarani sa kangku ag manhagad matadlung pag pasya.

Hirimyas 32:34

Inuringan nida ti Balay Diyus niku nu naan pagdayawun ti ngaran niku. Ipinauli nida ati ti manga diyus-diyusan mayagting.

Hirimyas 34:8

May pagsabihun waya ti Panginuun sa kan Hirimyas katpung nagbuwat kasunduan si Hari Sidikyas sa tanan taga Hirusalim kuntay palpasan niya ti manga panawuhun.

Libitiku 25:10

Ibilang niyu ti ika-50 pag timpu bilang mahalaga pag timpu, dahil panahun inda pagpalpas manga suruguun hampay makabalik yi sida sa kanda magtal-anakan hanggan pag-uli sa may apu kanda manga daga ipinabili.

Matiyu 15:8

Inda pag nasyun tugka lang sa bagaw kanda maggalang sa kangku, kanda tagipusuun arayu di sa kangku.