Hirimyas 34:14 - Hanunuu

¹⁴ ‘Sa kada rumas-ug ti ikapitu pag timpu, kailangan palpasan niyu kanyu kaparihu Hudiyu ipinabili sa kanyu bilang panawuhun. Kailangan niyu sida palpasan pagkatapus nida magsirbi sa kanyu unum ka timpu.’ Dapat unman aku sinunud niyu manga ginurang.

Hirimyas 34:14 Iomraidhean Croise

1 Hari 21:25

(Unman may iba tawu ipinabili kay sadili sa pagbuwat daut sa magbantay Panginuun, parihu sa binwat ni Akab dahil pinaturnan siya ni Hisibil niya asawa.

1 Hari 9:22

Dapat unman binwat suruguun ni Sulumun una si unu pag Israilita. Bagkus ngap binwat niya sida manga sundalu, manga may kangaranan, manga kumandir manga sundalu, manga kumandir niya manga kalisa, ag manga manugkabayu.

2 Krunika 28:10

Ag taynguna gustu waya niyu panawuhun ti manga lalaki ag babayi ginan sa Hirusalim ag sa iba waya pag banwa Huda. Unman aw may kasalanan diman kamu sa Panginuun niyu Diyus?

2 Krunika 36:16

Dapat pinuyaan nida ti manga purupita Diyus, kinasarin-an, ag ipinalawuy kanda manga itinultul. Nakan nagalit ti Panginuun sa kanda, ag unman may makaampara sa kanya.

Nihimyas 9:30

Sa kayamuun pag timpu, inagwanta nimu sida, bag-u pinasandaman sida Ispiritu nimu sa panab-anan manga purupita. Dapat unman nida inda binati, nakan ipinabahala nimu sida sa manga nasakupan sa palibut nida.

Isayas 50:1

Magkun ti Panginuun sa kay manga nasakupan, “Ipinurya aw lugud niku ti Hirusalim parihu sa usa ka lalaki nanayak sa kay asawa? Puruybahan niyu! Ipinabihag yi aw niku kamu parihu sa usa ka tawu ipinabili kay manga anak sa kay inutangan hampay buwatun suruguun bayad sa kay utang? Unman gid! Ipinabili kamu dahil sa kanyu kasalanan. Dinayu ti Hirusalim dahil sa kanyu paglapastangan.

Isayas 58:6

Ti makapasulung sa kangku pag unman maghandum karan-unun tunda may kaibahan mayad pag ugali. Apasi niyu ti pagbuwat kadautan, ugalia niyu ti katadlungan, pakan-i kaariwayahan ti manga pag-api-apihun ag awati ti manga paglugihun.

Hirimyas 11:7

Sa udas ipinalwas niku kanyu manga ginurang sa daga Ihiptu taynguna tugka pag sirang, paulit-ulit niku sida pagbilinan kuntay kailangan nida aku sundun.

Hirimyas 32:30

“Aku, ti Panginuun, ti magsabi ginan di waya kabag-u, unman yi may binuwat ti manga taga Israil hanggan ti taga Huda nu unman lunsay kadautan. Ginalit nida aku sa panab-anan nida manga buwat.

Hirimyas 35:15

sa panab-anan manga manugsirbi niku purupita. Pagsabihun nida sa kanyu, ‘Patlikudi yi niyu kanyu manga daut ugali, bag-uhun yi niyu kanyu magpangabuhi, ag danga yi kamu magsamba sa manga diyus-diyusan, hampay parargu kamu mangulian sa iinayaw niku pag daga sa kanyu ag sa kanyu manga ginurang.’ Dapat unman kamu nagpasnu ngatay nagsunud sa kangku.

Isikil 20:4

“Anak tawu, ta, pihua sida. Sabihan sa kanda ti mayagting pag manga bagay ti binwat nida manga ginurang.

Isikil 20:8

“ ‘Dapat naglaban sida sa kangku, ag unman sida namatingi. Unman nida binugyahan ti mayagting pag manga diyus-diyusan Ihiptu. Nakan magkun aku ipaagum niku sa kanda kang masyadu pag pangagalit ati sa Ihiptu.

Libitiku 25:10

Ibilang niyu ti ika-50 pag timpu bilang mahalaga pag timpu, dahil panahun inda pagpalpas manga suruguun hampay makabalik yi sida sa kanda magtal-anakan hanggan pag-uli sa may apu kanda manga daga ipinabili.

Amus 2:6

Inda ti pagsabihun Panginuun tungkul sa Israil: “Dahil sa parargu pagbuwat kasalanan ti manga taga Israil, parusahan gid niku sida. Dahil ipinabili nida bilang suruguun ti manga tawu unman may kasalanan dahil lang sa kanda utang. Pagbuwatun diman nida inda sa manga pugri una usa lang ka paris lapak kay utang.

Amus 8:6

Mag-apura kamu makapabili butir may lakay upa, ag makabili pugri pag tawu ipinabili suruguun dahil unman siya makabayad sa kay utang, una kay utang usa lang ka paris lapak.

Ruma 7:24

Kaawaawa ungud kang kahamtangan. Si unu ti pumaribri sa kangku ginan sa kang bilug inda kay patabgan kamatayan?

Diyuturunumiyu 15:1

“Sa katapusan kada ikapitu pag timpu, kailangan patawadun niyu ti tanan may utang.

Diyuturunumiyu 15:12

“Nu kanmu kaparihu Hibriyu, lalaki man ngatay babayi, ipagpabili sa kanmu bilang panawuhun, ag mansirbi siya sa kanmu sa sulud unum ka timpu, kailangan palpasan nimu siya sa ikapitu pag timpu.

Diyuturunumiyu 15:9

Danga kamu mag-isip daut, kuntay arani yi ti ikapitu pag timpu, ti timpu nu naan pag patawadun yi ti manga utang, balaw yi lang kamu manpautang sa kanyu kasimanwa pugri. Nu manhagad awat inda pag pugri tawu sa Panginuun dahil sa kanyu binuwat, may saragtun kamu.