Hirimyas 34:1 - Hanunuu

^1-2 Ginira ni Hari Nabukudunusur taga Babilunya ti Hirusalim ag ti manga banwa sa kay sangput. Kaibahan niya nan-gira ti tanan niya manga sundalu hanggan ti manga sundalu ginan sa manga kaharian kay magkasakupan. Sa tida pag udas, magkun sa kan Hirimyas ti Panginuun Makamaskihan, ti Diyus Israil, “Pag-ati kawu sa kan Hari Sidikyas sa Huda, sabihun nimu kuntay aku, ti Panginuun magkumun, ‘Ipakaun niku sa hari Babilunya inda pag banwa bag-u irubun niya inda.’

Hirimyas 34:1 Iomraidhean Croise

Hirimyas 1:15

Ipadara niku ti manga sundalu manga kaharian ginan sa kanaway hampay girahun ti Hirusalim. Ipauli nida manga hari kanda manga tukawan sa manga sabian Hirusalim. Dautun nida ti alad batu sa sangput hanggan ti iba waya pag manga banwa sa Huda.

Hirimyas 21:2

“Ipakihampang nimu sa Panginuun kuntay awati kami, dahil ginira kami ni Hari Nabukudunusur taga Babilunya. Barang abi bumuwat makadululaw ti Panginuun parihu sa kay binuwat kaybi, hampay maampara kay maggira ni Nabukudunusur.”

Hirimyas 32:1

Ti Panginuun nagbagaw sa kan Hirimyas katpung ikasampulu pag timpu kay maghari ni Sidikyas sa Huda, pagka sa ika-18 pag timpu kay maghari ni Nabukudunusur sa Babilunya.

Hirimyas 32:2

Sa tunda pag udas, nasalikup ti Hirusalim manga sundalu Babilunya, ag si Purupita Hirimyas napirisu sa punduhan manga guwardiya sa balay hari sa Huda.

Hirimyas 34:7

Maggira yi tida pag udas ti gurupu hari Babilunya sa Hirusalim, sa Lakis ag Asika. Inda wadi pag manga banwa sa Huda ti may manga alad batu.

Danyil 4:1

Nagbuwat si Hari Nabukudunusur usa ka pabarita para sa tanan tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu ti kahusayan ag pag mayad gid kanyu kahamtangan.

Danyil 4:22

balaw may iba nu unman kawu, Mahal Hari. Nagbaliw makapangyarihan kawu tugka sa inmaput sa langit kanmu kapangyarihan, ag kanmu paghari inmaput una naan baliwa pag suuk kalibutan.”

Danyil 5:19

Dahil sa kapangyarihan ipinakaun Diyus sa kanya, nadala ti manga tawu sa kanya sa tuhay-tuhay pag nasyun hanggan linahi, ag pamagaw. Mahimu niya matyun una si unu kay gustu matyun. Mahimu diman niya balaw matyun una si unu ti balaw niya gustu matyun. Maipaabwat niya ti katungkulan tawu nu gustu niya ipaabwat; maipaababa diman niya ti katungkulan tawu nu gustu niya paababaun.