Hirimyas 33:9 - Hanunuu

⁹ Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Hirimyas 33:9 Iomraidhean Croise

2 Krunika 20:29

Pagka nabaritaan tanan kaharian nu kabitay linmaban ti Panginuun sa manga kalaban Israil, nadala sida sa Diyus.

Nihimyas 6:16

Pagka nabaritaan inda nimi manga kalaban sa karani pag manga nasyun, nadala sida ag nangay-a. Pag-isip-isipun nida kuntay natapus tunda pag buruwatun sa panab-anan awat Diyus.

Istir 8:17

Sa kada banwa ngatay purubinsiya naabut kasuguan hari, nagbarayaan gid masyadu ti manga Hudiyu ag nagpista sida. Ag aduk sa ati pag daga ti nagbaliw Hudiyu dahil sa kadalaan nida sa manga Hudiyu.

Kanta 130:4

Dapat pagpatawadun nimu kami, nakan paggalangun kawu nimi.

Kanta 40:3

Tinudluan niya aku bag-u pag kanta, kanta pagdayaw sa kanya, sa kanta Diyus. Mayamu pag tawu ti kumakit inda, gumalang sida ag sumarig sa kanya.

Isayas 43:21

Sida pag manga nasakupan kang linalang para sa kangku, agud dumayaw sa kangku.

Isayas 55:13

Manubu yi ti manga puun sipris hanggan mirtu sa daan turubuan kaybi manga halaman madugi. Tunda pag manga nangyari makapakaun kadayawan sa kangku. Bumaliw puruyba inda niku kamaskihan hanggan aban.”

Isayas 60:5

Nu makitan yi nimu tunda, makabaya kawu ag subra-subra gid kanmu kabayaan, dahil ti kayamanan nasyun darahun tabug sa kanmu.

Isayas 62:1

Dahil pagmahalun niku ti Hirusalim, balaw umapas kang darangin tugka sa ud rumas-ug kay kapanaluhan hanggan katuwiran ga magbadbad sirang, ag tugka sa mapasa-kanya ti karibrihan ga maglabdaban sulul-an.

Isayas 62:12

Ingarnan sida ‘Banal’ ag ‘Irinibri Panginuun.’ Bag-u ti Hirusalim waydi ingarnan, ‘Banwa Pagkaibgan’ ag ‘Banwa balaw Pinabay-anan.’ ”

Isayas 62:4

Balaw yi kawu ingarnan, “Binugyahan” ngatay “Pinabay-anan”. Ingarnan kawu, “Kabayaan Diyus” ngatay “Ipinaasawa sa Diyus”, dahil magbaya ti Diyus sa kanmu ag bilang kawu ga ipaasawa sa kanya.

Isayas 62:7

Danga niyu siya pag-apasi tugka sa maipatindug uman niya ti Hirusalim ag buwatun rugar kadayaw-dayaw sa buu kalibutan.

Isayas 64:2

Nu kabitay ti apuy maglabdab sa layung pag sanga kayu ag magpakulkulu sa danum, ti pagras-ug nimu makapakirkirug diman manga kalaban nimu pag nasyun, ag maalaman nida nu si unu kawu.

Hirimyas 13:11

Nu kabitay mana ti huragkus mahawudan maghut sa awak tawu, gustu diman mana niku ti tanan nasakupan Israil hanggan Huda mihawud maghut sa kangku. Pinili niku sida hampay dayawun nida aku ag galangun, dapat dayu sida mamatingi sa kangku. Aku, ti Panginuun ti magsabi inda.”

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 24:6

Dahanan niku sida hampay mayad kanda kahamtangan bag-u ipabalik niku sida sa inda pag daga. Utru niku sida ipatindug ag balaw yi rurisun. Parig-unun niku sida ag balaw yi ayitun.

Hirimyas 26:6

dautun niku inda pag Balay Diyus parihu sa binuwat niku sa Silu. Inda pag banwa saadan tanan nasyun sa buu kalibutan!”

Hirimyas 29:1

Ginan sa Hirusalim, sinmurat si Hirimyas sa manga manugpamahala, sa manga manughandug, sa manga purupita, ag sa iba waya pag manga dinara bihag ni Nabukudunusur sa Babilunya.

Hirimyas 3:17

Sa tida pag udas, ingarnan niyu ti Hirusalim ‘Tukawan hari Panginuun.’ Bag-u ti tanan manga nasyun maniripnan sa Hirusalim hampay dayawun ti ngaran Panginuun. Udyi gid nida sundun ti gustu maraganit ag daut nida pag tagipusuun.

Hirimyas 3:19

Aku gid ngapu ti magsabi, ‘Magbaya gid aku kuntay baliwun kamu manga anak niku ag pakan-an marinu pag daga kuntay pinakamarinu pag pamana sa buu kalibutan.’ Ag ti hantup niku ingarnan niyu aku ‘Amang’ ag balaw yi kamu pablag sa kangku.

Hirimyas 31:14

Pakan-an niku mayamu pag handug ti manga manughandug. Busugun niku abunda pag papalad kang manga nasakupan. Aku, ti Panginuun, ti magbagaw inda.”

Hirimyas 31:4

Utru niku kamu ipatindug, kamu pag manga taga Israil, parihu sa usa ka babayi tugnaw. Utru kamu manayaw sa kabayaan magpatnug kamu kanyu pamakaransing.

Hirimyas 32:42

Magkun waya ti Panginuun, “Nu kabitay niku pinadarahan kadamhakan inda pag manga tawu, rumas-ug ti sirang padarahan diman niku sida kaayadan kang itinaratu sa kanda.

Hirimyas 33:14

Magkun waya ti Panginuun, “Rumas-ug ti sirang tupadun gid niku kang mayad pag taratu sa nasakupan Israil.

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Hirimyas 44:8

Hayga niyu aku pag pagpagalitun sa pagbuwat niyu manga diyus-diyusan? Magsunug waya kamu manga kamangyan para siyun atay sa Ihiptu nu naan kamu taynguna pag mag-uli. Ipagpadamhak niyu kanyu sadili ag pagbuwatun niyu mayagting ag makakaray-a sa tanan pag nasyun sa kalibutan.

Hirimyas 49:25

Ti bantug ag masulung pag banwa Damasku dinayu!

Isikil 26:20

Italnud niku kawu sa kaabasad-basadan kaibahan manga tawu sa un-an pag panahun. Pumirmaminti kawu daut sa sirung daga kaibahan manga tawu niatag sa kaabasad-basadan. Udyi kawu makabalik sa rugar manga buhi.

Isikil 36:35

sumabi, ‘Ti unman may pakinabang pag daga kaybi, taynguna nagbaliw parihu sa halamanan Idin. Ti manga nagkaradaut kaybi pag manga banwa, taynguna may manga alad batu yi ag pag-ulianan yi.’

Isikil 39:13

Ti tanan nasakupan mangawat sa paglubung. Ag inda pag sirang unman gid malimtan manga Israilita, dahil sa panab-anan inda madayaw aku. Aku, ti Panginuun Diyus, ti magsabi inda.

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Sakaryas 1:17

Magkun ti anghil sabihun waya niku inda ti pagsabihun Makamaskihan Panginuun: “Umunlad maan kang manga banwa sa Huda. Ag bayaun maan niku ti Siun, ti banwa Hirusalim. Ag baliwun maan niku inda kang pinili pag banwa.”

Sakaryas 12:2

Ti Hirusalim buwatun niku ga intus pumalangu sa manga nasyun sa kay kalibut. Ag nu girahun yi nida ti Hirusalim, girahun diman nida ti iba pag manga banwa sa Huda.

Diyuturunumiyu 30:5

ag pabalikun sa daga magkaapu niyu manga ginurang, ag maapu maan niyu inda. Paunladun ag payamuun waya gid niya kamu kaysa kanyu manga ginurang.