Hirimyas 33:8 - Hanunuu

⁸ Lumpiyuhun ag patawadun niku sida sa tanan pag kasalanan pag buwatun nida laban sa kangku.

Hirimyas 33:8 Iomraidhean Croise

Kanta 130:4

Dapat pagpatawadun nimu kami, nakan paggalangun kawu nimi.

Kanta 130:8

Siya gid ngap ti manribri sa kanyu sa tanan niyu manga kasalanan.

Kanta 51:2

Ugasi aku sa kang kadautan; lumpiyuha aku sa kang manga kasalanan.

Kanta 65:3

Nu tungkul sa kanmi manga kasalanan, una mayamu inda, pagpatawadun di nimu.

Isayas 4:2

Rumas-ug ti sirang paabundahun ag parinuun Panginuun ti manga pananum sa Israil, ti manga patubas sa daga bumaliw kadayawan ag kabayaan manga nasawad tawu sa Hirusalim.

Isayas 44:22

Kanmu manga kasalanan kang yi dinura ga rurum ngatay anitay. Pagbalik kawu sa kangku, hampay mairibri niku kawu.”

Isayas 56:7

Darahun niku sida sa kang banal pag bantud ag ati pag pasulungun sa kang balay dararanginan. Tanggapun niku sa kang harandugan kanda manga handug pagsunugun hanggan ti tuhay waya pag handug, dahil kang Balay Diyus ingarnan balay dararanginan manga tawu ginan sa tanan nasyun.”

Hirimyas 31:34

Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Hirimyas 50:20

Sa ati pag manga sirang, unman yi may makitan manga kasalanan hanggan paglabag sa manga magkasawad nasakupan sa Israil ag sa Huda dahil patawadun niku sida. Aku, ti Panginuun, ti magsabi inda.’ ”

Karukuan 4:22

Manga nasakupan Hirusalim, matapus yi kanyu parusa. Arani yi kamu ipauli Panginuun ginan sa pagkabihag. Dapat kamu pag nasakupan Idum parusahan Panginuun dahil sa kanyu manga kasalanan ag itultul niya kanyu kadautan.

Isikil 36:25

Widwisikan niku kamu malumpiyu pag danum hampay lumumpiyu kamu sa tanan niyu uring, hanggan balaw yi kamu magsamba sa manga diyus-diyusan.

Isikil 36:33

Magkun waya ti Panginuun Diyus, “Sa udas lumpiyuhun niku kamu sa tanan niyu manga kasalanan, pauliun maan niku kamu sa kanyu manga banwa, ag ipatindug uman niyu kanyu manga nagkaradaut pag manga rugar.

Huwil 3:21

Ibalus niku kang manga nasakupan minatay. Parusahan niku ti manga nagbuwat daut sa kanda. Aku ti Panginuun mag-uli sa Siun.”

Sakaryas 13:1

Sinabi Makapangyarihan Panginuun, “Sa ati pag sirang, bukasan ti bulbugan para sa manga linahi ni Dabid ag sa manga mag-ulian sa Hirusalim, hampay lumpiyuhun sida sa kanda manga kasalanan ag kayagtingan. Bul-un niku ti manga diyus-diyusan sa daga Israil ag udyi gid sida maalaala waya. Paighitun niku sa Israil ti magpabalhinguun pag manga purupita hanggan ti daut pag manga ispiritu magsakup sa kanda.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.