Hirimyas 33:6 - Hanunuu

⁶ “Dapat rumas-ug ti sirang paayadun niku inda pag banwa hanggan kay nasakupan. Mangabuhi sida abunda ag may kahusayan.

Hirimyas 33:6 Iomraidhean Croise

Kanta 147:3

Pagpaayadun niya ti manga tagipusuun nibuyu; pagbulungun niya kanda manga biyag.

Kanta 37:11

Dapat ti manga mapinakumbabaun parargu mangulian sa daga Israil may kahusayan ag may kaabundahan.

Kanta 67:2

agud maalaman tanan nasyun sa kalibutan kanmu nalub-anan ag karibrihan.

Kanta 72:7

Sa kay udas maghari, mana lumuntad ti katadlungan ag pagmayad ti kahamtangan manga tawu tugka aban.

Pag-ighit 34:6

Linmawuy ti Panginuun sa kay atubangan ni Muysis magkun, “Aku ti Panginuun, ti maawaun ag mainawatun pag Diyus. Mapagmahal ag matinupadun aku, ag balaw madali magkagalit.

Manugtudlu 3:3

may udas sa pagmatay ag may udas diman sa pagbulung, may udas sa pagguba ag may udas diman sa pagbungsud,

Isayas 2:4

Sa panab-anan manga kasuguan niya, pagkarausahun niya ti mayamu nasyun. Nakan balaw yi man-girirahan ti manga nasyun, ag balaw yi waydi sida mamaanad kanda sundalu para sa girahan. Buwatun wadi nida sudsud aradu kanda manga baladaw ag sanggut panabas kanda manga bangkaw.

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Isayas 39:8

Kay isip ni Isikyas balaw tida matupad sa kapanahunan niya nu unman bumaliw may kahusayan ag balaw may pagkadalaan kay buhi. Nakan magkun siya kan Isayas, “Mayad ti pagsabihun Panginuun kanmu sinabi sa kangku.”

Isayas 54:13

Aku ti manudlu sa kanmu manga nasakupan, ag bumaliw mayad kanda kahamtangan.

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Isayas 57:18

Nakitan niku kanda manga pag-ugaliun, dapat paayadun di niku sida. Giyahan niku sida ag pasulungun ti manga magkapanglaw sa kanda.

Isayas 57:19

Nakan dumayaw sida sa kangku. Ipauli niku sida sa mayad pag kahamtangan, sa arayu man ngatay sa arani. Paayadun niku sida. Aku ti Panginuun, ti magsabi inda.

Isayas 58:8

Nu buwatun niyu tunda, rumas-ug sa kanyu ti karibrihan ga rayaw maghanag-hanag sa surip, ag paayadun niku kamu. Aku kanyu Panginuun matadlung ti mangunahan sa kanyu ag apinan niku kamu sa panab-anan niku kadayawan.

Isayas 66:12

Dahil magkun ti Panginuun, “Paunladun niku ti Hirusalim. Darahun tag sa kanya ti kasiyunan ginan sa iba nasyun ga maglapwas pag bululusan danum. Miparihu kamu sa lapsag asikasuhun mayad, hiyaptan, ipasusu, ag sapupwun niya ina.

Hirimyas 17:14

Panginuun, paayada duy nimu aku hampay maayadan; iribri duy nimu aku ag maribri aku. Kawu lang gid kang dayawun.

Hirimyas 29:11

Alam niku nu kabitay tupadun kang manga gayak para sa kanyu — gayak para sa kaayadan niyu ag balaw sa kadautan, gayak para pakan-an kamu pag-asa ag mayad pag aratubangun.

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Husyas 7:1

Gustu mana niku paayadun ti manga taga Israil. Dapat kadautan ti mag-akitan niku sa kanda. Magdaya sida, magsaka sa manga balay ag magtakaw, hanggan magtulis sa manga dalan.

Mikas 4:3

Bag-u sa panab-anan niya Kasuguan, pagkarausahun niya ti mayamu nasyun, hanggan ti makapangyarihan pag manga nasyun sa arayu. Nakan balaw yi man-girirahan ti manga nasyun, ag balaw yi sida mamaantigu manga sundalu panggira. Buwatun yi lang nida sudsud aradu kanda manga talibung, ag buwatun karit panabas kanda manga bangkaw.

Mikas 7:20

Ipakakit nimu kanmu pagmahal ag matinupadun sa kanmi sa manga linahi ni Abraham hanggan ni Hakub, parihu sa kanmu itinaratu sa kanda kaybi.”

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Huwan 10:10

Unman sumitay tag ti mananakaw purya lang hampay manakaw, manmatay hanggan mamapas. Aku nagsitay hampay kang manga karanidu kumakit tutuu pag buhi udyi may kakurangan.

Ipisu 6:23

Magdarangin aku hampay ti Diyus Ama ag ti Panginuun Hisu-Kiristu pumakaun sa tanan manga patar-ari kay kahusayan hanggan kay pagmahal may tapil pagsarig.

Diyuturunumiyu 32:39

Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.

1 Pidru 1:3

Dayawun nita ti Diyus, imaw ti Ama nita Panginuun Hisu-Kiristu. Daka gid kay pangaawa Diyus sa kanta. Dahil lang sa kay pagkabuhi uman ni Hisu-Kiristu ginan sa kamatayan, nakan ngani kita iinanak sa bag-u buhi may pagsarig daka.