Hirimyas 33:4 - Hanunuu

⁴ Dahil aku, ti Panginuun, ti Diyus Israil, magkumun: Una dinaut yi ti manga balay sa Hirusalim ag ti balay hari sa Huda hampay buwatun pamalaknib sa alad batu hampay balaw inda maslud manga kalaban,

Hirimyas 33:4 Iomraidhean Croise

Isayas 22:10

Binantayan niyu ti manga balay sa Hirusalim bag-u dinaut kay iba hampay gamitun kay manga batu sa paghiwat nadaut alad batu banwa.

Isayas 32:13

Ti daga niku manga nasakupan tubuan manga ilamnun ag dugihan pag halaman. Magkaradura ti masulung pag ulian hanggan banwa.

Isayas 32:14

Ti mayamu tawu pag banwa hanggan ti marig-un pag bahagi inda balaw yi maulianan. Ti tagudtud hanggan ti barantayan pag bantayaw bumaliw ga pangawakawaan tugka aban. Inda bumaliw ulian manga talun asnu ag pasturan manga karanidu.

Hirimyas 32:24

Ag taynguna, pagtap-ukan daga manga taga Babilunya ti saruy alad batu Hirusalim hampay maslud ag maagaw nida ti banwa. Dahil sa girahan, lun-us, ag sakit naagaw manga taga Babilunya ti banwa angay diman sa sinabi nimu.

Hirimyas 6:6

Inda ti pagsabihun Panginuun Makamaskihan, “Pagpukan kamu manga kayu pantumpag sa alad batu Hirusalim, ag pagtumpuk kamu daga sa habig alad batu bag-u ati kamu pag lumakaw. Kailangan yi parusahan inda pag banwa dahil lantap yi atay ti manga magpan-api.

Karukuan 2:7

Dinayu Panginuun kay harandugan hanggan kay Balay. Ipinadaut niya sa kamang kalaban ti alad batu Hirusalim. Nanhuruyawan ti kalaban sa Balay Panginuun ga mag-alaala sa kapistahan.

Isikil 21:22

Ti mabunut niya pag ugyung imaw ti may marka Hirusalim. Bag-u manringgit siya sa pagsalakay sa Hirusalim ag panmatayun ti manga mag-uli siyun. Mamauli siya daraka pag manga batang panrup-ag sa sabian Hirusalim. Mamuwat siya daraykan ag mantumpuk daga sa habig alad batu banwa hampay madayik inda.

Isikil 26:8

Ipamatay niya kanyu manga nasakupan sa kadak-anan banwa sa baladaw. Man-gira kay manga sundalu may manga dara panwayak alad batu, manga panangga, ag manga agdan sa alad batu.

Isikil 4:2

Bag-u buwata inda ga sa pagpalibutan manga kalaban. Paulii inda manga pan-gira: manga kampu, agdan sa alad batu, tinumpuk daga hampay madayik ti alad batu, hanggan manga kayu panrup-ag sa alad batu. Ag palibuti inda manga kampu.

Habakuk 1:10

Pagpuyaan lang nida ti manga hari hanggan manga takinan. Pagkasarin-an lang nida ti manga banwa sangput alad batu, dahil kaya inda nida daykun sa panab-anan pagtumpuk daga sa saruy alad batu, bag-u maagaw nida ti banwa.

Diyuturunumiyu 20:20

Dapat mahimu niyu pukanun ti manga kayu unman may burak hanggan ti manga may burak dapat balaw mahimu karan-unun, bag-u gamitun niyu inda sa kanyu pagsakup sa banwa tugka sa masakup niyu inda.